مواضيع مماثلة
بحـث
المواضيع الأخيرة
Twitter
من محمد نور وانينيو ومبينزا لي موتيابا وهارونا وضفر وبابا نويل
صفحة 1 من اصل 1
من محمد نور وانينيو ومبينزا لي موتيابا وهارونا وضفر وبابا نويل
من محمد نور وانينيو ومبينزا لي موتيابا وهارونا وضفر وبابا نويل
< لو بتذكروا ...نحن ما بننسى ، المريخاب في البداية ..(قبل جمال الوالي ما يترشح ويفوز برئاسة المريخ) كانوا بقولوا نحن ح نجيب (محمد نور) لاعب فريق الاتحاد السعودي.
< ألحق.
< محمد نور مرة واحدة ...ديل قايم بيهم (شربوت) وإلا شنو؟.
< وقالوا كمان...عشان نقتنع ...ما نغالط.
< علاقة محمد نور بجمال الوالي جيدة ...ومحمد نور من (طيبتو) جاء حضر مرة مهرجان للمريخ.
< شفتوا ليكم (طيبة) اكتر من كدا.
< طيبة فايتة الحد.
< عارفين محمد نور مشى وين؟.
< محمد نور مشى لفريق الجيش القطري مقابل 7 ملايين ريال سعودي ..(حيث نال اللاعب 4 ملايين ريال ..ونال نادي الاتحاد 3 ملايين ريال).
< دي بتساوي ليها كم وعشرين (مقصورة طايرة)...و179 بلة جابر بي بوفيهو المفتوح.
< هذا المبلغ يتجاوز الـ (5) مليار جنيه سوداني.
< غايتو يا ناس المريخ عندكم جنس (دراريب).
< محمد نور مرة واحدة.
< هسه واحد يقول لي نحن جبنا (الحضري) غالبنا نجيب محمد نور.
< انتوا صدقتوا ..الحضري دا لو ما عندو مشكلة ما بجيكم.
< الدليل ..الحضري حل مشكلتو ورجع.
< زول مفتح ..هسه قاعد يتمرن مع ناس الشرطة.
< يعني ما شغال بيكم (الشغلة).
< بعد ما قنعوا المريخاب من محمد نور ..عارفين مشوا وين؟.
< مشوا وين بعد محمد نور؟.
< مشوا لي البرازيلي (انينيو) صانع ألعاب فريق جونبوك الكوري.
< الكلام دا متين؟.
< قبل ما جمال الوالي يترشح ويفوز برئاسة نادي المريخ.
< صانع العاب برازيلي ... انينيو مرة واحدة.
< دي (درابة) ما درابت نصاح.
< اعلام المريخ (السالب) في الحتة دي يعجبك.
< الجماعة طوالي اتجهوا للحديث عن انينيو ..وفرص نجاحه في المريخ ..وامكانياته الفنية الكبيرة.
< شطحوا بعيد.
< كلمونا حتى عن طوله ..وعمره ..ما خلوا ليه حاجة.
< ونحن طبعا نعجبكم.
< طوالي صدقنا.
< قلنا يمكن (انينيو) دا تكون (فكت) منو ..
< احتمال يكون زي (نجاد) البوسني.
< بتعرفوا نجاد البوسني.
< نجاد دا لي الما بعرفوه ..اصيب بي (خرف) كروي مبكر ..قام جاء يلعب في المريخ.
< زهايمر رياضي.
< نجاد شاف موسي الزومة ..لعب ليهو (باص).
< موسي الزومة رجع ليهو (الكورة).
< نجاد قال ليهو انا لو عندي لياقة قدر دا بلعب في المريخ.
< الكلام دا عارفين كان في الدقيقة كم؟.
< في الدقيقة الخامسة من عمر المباراة.
< المهم يا جماعة ..ناس المريخ ديل اسبوعين مدورين لينا في (انينيو).
< انينيو وصل.
< الطيارة اتأخرت.
< جرايد المريخ كلها شغالين في الحتة دي ...وناس محمد الطيب وياسر حداثة يعجبوك.
< محمد الطيب دا طبعا أي حاجة ممكن يصرح فيها ..ويحلل ليك تحليل فني.
< لو (اللحمة) زاردت ..محمد الطيب بتكلم ليك عن تأثير ذلك على خطة 4-4-2.
< لو اوغلو طلع تصريح عن سوريا في تركيا.
< بكرة تلقي ليك صحفي ضرب ليك تلفون لي محمد الطيب ..يا كوتش ممكن تكلمنا عن تصريح اوغلو.
< محمد الطيب ما بكذب ..بحلل ليك (التصريح).
< اها الايام الفاتت ديك ...جرايد المريخ والمواقع الالكترونية كلها اتملأت بي (انينيو).
< قبل ما جمال الوالي يفوز.
< صانع العاب فريق جونبوك الكوري.
< الجماعة قالوا شافوه امام السد.
< البلد كلها تتحدث.
< ونحن بي (طيبتنا) صدقنا.
< قلنا يمكن انينيو دا (اتخبل) في رأسو وجاء يلعب في المريخ زي (ابالو).
< بتذكروا (ابالو).
< ابالو دا قالوا لينا اول ما جاء السودان ..انو قفل (هنري)...وهنري الوقت داك كان مولع نار.
< جرايد المريخ نشرت لينا صورة ابالو قافل هنري.
< هيع...جدع والله.
< انا شفتوا الصورة قلت والله تاني (شولة) ما تمر بي هنا.
< صدقت كلام الاعلام السالب.
< اول مباراة لي (ابالو)..قلت النشوف الزول العامل زي (خريف الغضب) دا كورتو كيف؟.
< قعدت اعاين للمباراة.
< الكورة كلها بعاين في (الكشافات).
< تقول (حديّة).
< ابالو طلع زي (الجركانة) القدر ما تغسلها ريحة الزيت ما تطلع منها.
< موضوع (انينيو) طرشق ...........الجماعة قبلوا ليهم لي موضوع تاني.
< ما بتلفتوا ناس المريخ.
< عارفينهم قبلوا على منو؟.
< المرة دي قبلوا على (مبينزا) لاعب مازمبي (الخطير)...(الكلام دا قبل ما جمال الوالي يترشح ويفوز برئاسة المريخ).
< مية مرة اذكركم بالحتة دي.
< طبعا المرة دي ما صدقناهم ..قلنا معقولة يجيبوا (مبينزا).
< مبينزا مرة واحدة.
< لا دي ما بتصدق يا مريخاب.
< يعني انتوا جبتوا محمد نور ...عشان تيجبوا (مبينزا).
< جبتوا (انينيو)...عشان تجيبوا مبينزا.
< والله تاني ما بنصدقكم.
< عشان نصدق ..مبينزا جاء الخرطوم ..استقبلوه في المطار...عاينا ليه كدا ..قلنا دا ما مبينزا ..مالوا بقي (حلبي) كدا.
< بقي زي هاني سلامة.
< دا بقي (فرنسي) عديل.
< عشان نصدق...
< ساقوا مبينزا استاد المريخ.
< برضو ما صدقنا.
< عشان نصدق (لبسوه) ميدالية.
< لكن بي (الميدالية) ما صدقناهم.
< عشان بنصدق.
< نحن خلاص فقدنا الثقة فيكم.
< والله نحن المريخاب ديل تاني لو جابوا لينا الزول قدامنا ينطط زي (تريس) الاسود ما بنصدقهم.
< خلاص عرفنا الفيكم.
< قام المريخاب عملوا شنو؟.
< ساقوا (مبينزا) دا ووقعوا معاه (اقرار).
< ابداء رغبة عديل ..دا كلو عشان نصدق!!.
< كدا بقي موقفنا شين؟...بعد كدا ما بنقدر ما بنصدقهم.
< خلاص ما عندنا مفر.
< صدقناهم.
< قلنا مبنيزا مكسب والله ...لكن (ضفر) دا اتمقلبتوا فيهو.
< هسه (ضفر) ذنبو شنو؟.
< مبينزا وقع (ابداء رغبة) ..وبقي ما في طريقة امامنا غير نصدق.
< التصديق دا ما ساهل...نحن بنصدق بس ان شاءالله (مبينزا) يطلع (مبينزا)..
< تصوروا بعد (التوقيع) مبينزا (طار).
< ناس المريخ ديل (منحوسين) عديل كدا.
< اللاعب يوقع ..ويطير.
< جنكم (طيران).
< المشكلة ما في (مبينزا)...الوقع وطار ..قبض (الدولارات) وفات.
< المشكلة انو (مبينزا) بعد الدولارات اللهفها من المريخ ...ح يلاقي المريخ مع مازمبي في دور الـ 16.
< شقاوتكم شقاوة.
< انصحكم لي الله.
< مبينزا دا بي (ضفركم) الشفنا في الدوحة دا ما تقابلوه.
< شوفوا ليكم (كونفدرالية) من بدري.
< افضل ليكم.. (ضفركم) دا ما بياكل عيش في بطولة الاندية الافريقية للابطال.
< ضفر وكرنقو ..ومجدي ام بدة (بوبا نويل).
< ديل في الدوري الممتاز ما بياكلوا عيش.
< الشافكم الموسم القادم بتلعبوا في دوري الدرجة الاولي بالخرطوم ما كذب.
< المريخاب بعد ما قنعوا من محمد نور وانينيو ومبينزا ..عارفين قبلوا على منو؟.
< قبلوا على يوغندا وروندا.
< جابوا ليهم لاعب اسمو (موتيابا)..قالوا صانع العاب...خلوا البرازيلي.
< عليكم الله هسع لو سألناكم سؤال ..وقلنا ليكم من قمتوا ..سمعتوا ليكم بي (صانع العاب) يوغندي.
< باسطة هي.
< مع اليوغندي دا ...المريخاب اتجهوا نحوا رواندا ...قالوا جايبين ليهم محترف اسمو (هارونا).
< دا جايبنو (كراهية) ساكت في وارغو.
< عاوزين يتخلصوا من (وارغو).
< عشان كدا ما لقوا غير (رواندا).
< تاني عاوزين ترجعونا لي زمن (لومامي).
< نحن كل ما نقول اتقدمنا لي قدام تجوا انتوا ترجعونا بي ناس (هارونا).
< هارونا وضفر.
< فريقكم السنة القادمة إلا تلعبوا بيهو في دار الرياضة ام درمان.
< وبالعصر كمان.
< ديل الكشافات كتيرة عليهم.
< معقولة بس من محمد نور لي هارونا.
< من مبينزا لي موتيابا.
< الشيء شنو؟.
< كورة وإلا (ما دام نسى العشرة).
< عارفين اللعنة دي جاتكم من وين يا مامون ابوشيبة.
< اللعنة دي جاتكم من (ضفر).
< زول حلف مصحف ...تجوا تسجلوه.
< اها من ضفر دخل كشوفات المريخ ..اي حاجة اتعكست عليكم.
< اللاعب الوقع ليكم (طار) منكم.
< كيف ما يطير.
< الحضري الذي مازال في كشوفات المريخ قاعد في القاهرة وبتمرن مع (الشرطة).
< ما شغال بيكم الشغلة.
< اما الهلال ..الحمدلله ..امورنا ماشى مية المية.
< سجلنا افضل لاعب في الساحة نزار حامد.
< انتوا جبتوا (ضفر).
< وجبنا طرف شمال قاطع (فلانتاين).
< انتوا جبتوا (بابا نويل).
< وح نسجل محمد سيلا.
< وانتوا منتظرين كرت موتيابا.
< موتيابا دا حقو يدوكم ليهو بدون (كرت).
< مفروض تسجلوه بي (اسكراتش).
< كرت كتير فيه.
< ملحوظة : الحاجات دي كلها في صالح اهلي شندي.
هوامش
< كنت عاوز اكتب عن (تذكرجية اهلي شندي)..لكن موضوع موتيابا دا كان (مستعجل) ما بستحمل يبيت.
< بكرة او في الايام القادمة ان شاءالله نكتب عن (تذكرجية اهلي شندي).
< ونشوف موضوع فيصل موسي ..والتسهيلات التي قدمت من اجل ان يذهب اللاعب للمريخ ويطير من الهلال.
< وعشان (اهلك) بخليك.
< صلاح ادريس السنة دي سجل للهلال ..وسجل لي اهلي شندي ..وسجل لفريق الموردة...وسجل لفريق الامل.
< تاني يعمل ليكم اكتر من كدا شنو؟.
< اجمل ما في تسجيلات الهلال هذا الموسم ..ان الهلال سجل حسب الحاجة.
< الخانة الفيها مشكلة ...الهلال سجل فيها.
< ويا خابت ..ويا صابت.
< وفي كل الاحوال الهلال ما خسران حاجة.
< وسط الهلال ما عندو مشكلة بعد اضافة نزار حامد.
< ودفاع الهلال سوف يكون ان شاءالله في قوة هجومه بعد تسجيل محمد سيلا.
< اما الاطراف فهي موعودة بالتحليق بعيدا بعد فلانتاين ومعتز رابح.
< حراسة الهلال سوف تصبح في مأمن بعد اضافة بهاءالدين.
< الحمدلله ما عندنا أي مشكلة.
< رغم المخاوف التي كانت في بداية التسجيلات من قبل الهلالاب.
< لكن الحكاية اتقلبت الان.
< يضحك كثيرا من يضحك اخيرا.
< ونحن نضحك الان.
< ان شاءالله تكتمل المساعي..وتكلل بالنجاح.
< يمشي امير الربيع.
< يمشي اتير توماس.
< عبده جابر لا.
< خلوا لينا عبده جابر واعملوا أي حاجة.
< المشكلة التي تواجه الهلال الان وتشكل هاجسا للهلالاب ..مسألة اختيار الجهاز الفني.
< البرير امام مسؤولية تاريخية ...اذا نجح في اختيار جهاز فني قدير ..فان التاريخ سوف يحفظ له الكثير.
< نسأل الله ان يوفق الهلال في اختيار جهاز فني قادر على تحقيق احلام الاهلة.
< يجب ان يكون التمحيص والبحث دقيقا لاختيار جهاز يضيف للهلال.
< هيثم مصطفي حفظه الله ورعاه ...ظلم من المنتخب الوطني.
< في اجمل سنوات عطاء هيثم مصطفي ابعد عن المنتخب.
< والابعاد هنا لاسباب شخصية من مدرب المنتخب محمد عبدالله مازدا.
< والحساب بجمع يا مازدا.
< منتخبك دا لو مشيت بيه للامم الافريقية بدون هيثم مصطفى إلا تمشوا بيهو (ندوة).
< بدون هيثم عاوزين تعملوا شنو؟.
< كنا سوف نطالب بضم العجب.
< لكن العجب ناسو ذاتهم عاوزين قنعوا منو؟.
< عاجل : يا كرنقو ما ضيق ..(صفحتك) شغالين فيها.
< لو بتذكروا ...نحن ما بننسى ، المريخاب في البداية ..(قبل جمال الوالي ما يترشح ويفوز برئاسة المريخ) كانوا بقولوا نحن ح نجيب (محمد نور) لاعب فريق الاتحاد السعودي.
< ألحق.
< محمد نور مرة واحدة ...ديل قايم بيهم (شربوت) وإلا شنو؟.
< وقالوا كمان...عشان نقتنع ...ما نغالط.
< علاقة محمد نور بجمال الوالي جيدة ...ومحمد نور من (طيبتو) جاء حضر مرة مهرجان للمريخ.
< شفتوا ليكم (طيبة) اكتر من كدا.
< طيبة فايتة الحد.
< عارفين محمد نور مشى وين؟.
< محمد نور مشى لفريق الجيش القطري مقابل 7 ملايين ريال سعودي ..(حيث نال اللاعب 4 ملايين ريال ..ونال نادي الاتحاد 3 ملايين ريال).
< دي بتساوي ليها كم وعشرين (مقصورة طايرة)...و179 بلة جابر بي بوفيهو المفتوح.
< هذا المبلغ يتجاوز الـ (5) مليار جنيه سوداني.
< غايتو يا ناس المريخ عندكم جنس (دراريب).
< محمد نور مرة واحدة.
< هسه واحد يقول لي نحن جبنا (الحضري) غالبنا نجيب محمد نور.
< انتوا صدقتوا ..الحضري دا لو ما عندو مشكلة ما بجيكم.
< الدليل ..الحضري حل مشكلتو ورجع.
< زول مفتح ..هسه قاعد يتمرن مع ناس الشرطة.
< يعني ما شغال بيكم (الشغلة).
< بعد ما قنعوا المريخاب من محمد نور ..عارفين مشوا وين؟.
< مشوا وين بعد محمد نور؟.
< مشوا لي البرازيلي (انينيو) صانع ألعاب فريق جونبوك الكوري.
< الكلام دا متين؟.
< قبل ما جمال الوالي يترشح ويفوز برئاسة نادي المريخ.
< صانع العاب برازيلي ... انينيو مرة واحدة.
< دي (درابة) ما درابت نصاح.
< اعلام المريخ (السالب) في الحتة دي يعجبك.
< الجماعة طوالي اتجهوا للحديث عن انينيو ..وفرص نجاحه في المريخ ..وامكانياته الفنية الكبيرة.
< شطحوا بعيد.
< كلمونا حتى عن طوله ..وعمره ..ما خلوا ليه حاجة.
< ونحن طبعا نعجبكم.
< طوالي صدقنا.
< قلنا يمكن (انينيو) دا تكون (فكت) منو ..
< احتمال يكون زي (نجاد) البوسني.
< بتعرفوا نجاد البوسني.
< نجاد دا لي الما بعرفوه ..اصيب بي (خرف) كروي مبكر ..قام جاء يلعب في المريخ.
< زهايمر رياضي.
< نجاد شاف موسي الزومة ..لعب ليهو (باص).
< موسي الزومة رجع ليهو (الكورة).
< نجاد قال ليهو انا لو عندي لياقة قدر دا بلعب في المريخ.
< الكلام دا عارفين كان في الدقيقة كم؟.
< في الدقيقة الخامسة من عمر المباراة.
< المهم يا جماعة ..ناس المريخ ديل اسبوعين مدورين لينا في (انينيو).
< انينيو وصل.
< الطيارة اتأخرت.
< جرايد المريخ كلها شغالين في الحتة دي ...وناس محمد الطيب وياسر حداثة يعجبوك.
< محمد الطيب دا طبعا أي حاجة ممكن يصرح فيها ..ويحلل ليك تحليل فني.
< لو (اللحمة) زاردت ..محمد الطيب بتكلم ليك عن تأثير ذلك على خطة 4-4-2.
< لو اوغلو طلع تصريح عن سوريا في تركيا.
< بكرة تلقي ليك صحفي ضرب ليك تلفون لي محمد الطيب ..يا كوتش ممكن تكلمنا عن تصريح اوغلو.
< محمد الطيب ما بكذب ..بحلل ليك (التصريح).
< اها الايام الفاتت ديك ...جرايد المريخ والمواقع الالكترونية كلها اتملأت بي (انينيو).
< قبل ما جمال الوالي يفوز.
< صانع العاب فريق جونبوك الكوري.
< الجماعة قالوا شافوه امام السد.
< البلد كلها تتحدث.
< ونحن بي (طيبتنا) صدقنا.
< قلنا يمكن انينيو دا (اتخبل) في رأسو وجاء يلعب في المريخ زي (ابالو).
< بتذكروا (ابالو).
< ابالو دا قالوا لينا اول ما جاء السودان ..انو قفل (هنري)...وهنري الوقت داك كان مولع نار.
< جرايد المريخ نشرت لينا صورة ابالو قافل هنري.
< هيع...جدع والله.
< انا شفتوا الصورة قلت والله تاني (شولة) ما تمر بي هنا.
< صدقت كلام الاعلام السالب.
< اول مباراة لي (ابالو)..قلت النشوف الزول العامل زي (خريف الغضب) دا كورتو كيف؟.
< قعدت اعاين للمباراة.
< الكورة كلها بعاين في (الكشافات).
< تقول (حديّة).
< ابالو طلع زي (الجركانة) القدر ما تغسلها ريحة الزيت ما تطلع منها.
< موضوع (انينيو) طرشق ...........الجماعة قبلوا ليهم لي موضوع تاني.
< ما بتلفتوا ناس المريخ.
< عارفينهم قبلوا على منو؟.
< المرة دي قبلوا على (مبينزا) لاعب مازمبي (الخطير)...(الكلام دا قبل ما جمال الوالي يترشح ويفوز برئاسة المريخ).
< مية مرة اذكركم بالحتة دي.
< طبعا المرة دي ما صدقناهم ..قلنا معقولة يجيبوا (مبينزا).
< مبينزا مرة واحدة.
< لا دي ما بتصدق يا مريخاب.
< يعني انتوا جبتوا محمد نور ...عشان تيجبوا (مبينزا).
< جبتوا (انينيو)...عشان تجيبوا مبينزا.
< والله تاني ما بنصدقكم.
< عشان نصدق ..مبينزا جاء الخرطوم ..استقبلوه في المطار...عاينا ليه كدا ..قلنا دا ما مبينزا ..مالوا بقي (حلبي) كدا.
< بقي زي هاني سلامة.
< دا بقي (فرنسي) عديل.
< عشان نصدق...
< ساقوا مبينزا استاد المريخ.
< برضو ما صدقنا.
< عشان نصدق (لبسوه) ميدالية.
< لكن بي (الميدالية) ما صدقناهم.
< عشان بنصدق.
< نحن خلاص فقدنا الثقة فيكم.
< والله نحن المريخاب ديل تاني لو جابوا لينا الزول قدامنا ينطط زي (تريس) الاسود ما بنصدقهم.
< خلاص عرفنا الفيكم.
< قام المريخاب عملوا شنو؟.
< ساقوا (مبينزا) دا ووقعوا معاه (اقرار).
< ابداء رغبة عديل ..دا كلو عشان نصدق!!.
< كدا بقي موقفنا شين؟...بعد كدا ما بنقدر ما بنصدقهم.
< خلاص ما عندنا مفر.
< صدقناهم.
< قلنا مبنيزا مكسب والله ...لكن (ضفر) دا اتمقلبتوا فيهو.
< هسه (ضفر) ذنبو شنو؟.
< مبينزا وقع (ابداء رغبة) ..وبقي ما في طريقة امامنا غير نصدق.
< التصديق دا ما ساهل...نحن بنصدق بس ان شاءالله (مبينزا) يطلع (مبينزا)..
< تصوروا بعد (التوقيع) مبينزا (طار).
< ناس المريخ ديل (منحوسين) عديل كدا.
< اللاعب يوقع ..ويطير.
< جنكم (طيران).
< المشكلة ما في (مبينزا)...الوقع وطار ..قبض (الدولارات) وفات.
< المشكلة انو (مبينزا) بعد الدولارات اللهفها من المريخ ...ح يلاقي المريخ مع مازمبي في دور الـ 16.
< شقاوتكم شقاوة.
< انصحكم لي الله.
< مبينزا دا بي (ضفركم) الشفنا في الدوحة دا ما تقابلوه.
< شوفوا ليكم (كونفدرالية) من بدري.
< افضل ليكم.. (ضفركم) دا ما بياكل عيش في بطولة الاندية الافريقية للابطال.
< ضفر وكرنقو ..ومجدي ام بدة (بوبا نويل).
< ديل في الدوري الممتاز ما بياكلوا عيش.
< الشافكم الموسم القادم بتلعبوا في دوري الدرجة الاولي بالخرطوم ما كذب.
< المريخاب بعد ما قنعوا من محمد نور وانينيو ومبينزا ..عارفين قبلوا على منو؟.
< قبلوا على يوغندا وروندا.
< جابوا ليهم لاعب اسمو (موتيابا)..قالوا صانع العاب...خلوا البرازيلي.
< عليكم الله هسع لو سألناكم سؤال ..وقلنا ليكم من قمتوا ..سمعتوا ليكم بي (صانع العاب) يوغندي.
< باسطة هي.
< مع اليوغندي دا ...المريخاب اتجهوا نحوا رواندا ...قالوا جايبين ليهم محترف اسمو (هارونا).
< دا جايبنو (كراهية) ساكت في وارغو.
< عاوزين يتخلصوا من (وارغو).
< عشان كدا ما لقوا غير (رواندا).
< تاني عاوزين ترجعونا لي زمن (لومامي).
< نحن كل ما نقول اتقدمنا لي قدام تجوا انتوا ترجعونا بي ناس (هارونا).
< هارونا وضفر.
< فريقكم السنة القادمة إلا تلعبوا بيهو في دار الرياضة ام درمان.
< وبالعصر كمان.
< ديل الكشافات كتيرة عليهم.
< معقولة بس من محمد نور لي هارونا.
< من مبينزا لي موتيابا.
< الشيء شنو؟.
< كورة وإلا (ما دام نسى العشرة).
< عارفين اللعنة دي جاتكم من وين يا مامون ابوشيبة.
< اللعنة دي جاتكم من (ضفر).
< زول حلف مصحف ...تجوا تسجلوه.
< اها من ضفر دخل كشوفات المريخ ..اي حاجة اتعكست عليكم.
< اللاعب الوقع ليكم (طار) منكم.
< كيف ما يطير.
< الحضري الذي مازال في كشوفات المريخ قاعد في القاهرة وبتمرن مع (الشرطة).
< ما شغال بيكم الشغلة.
< اما الهلال ..الحمدلله ..امورنا ماشى مية المية.
< سجلنا افضل لاعب في الساحة نزار حامد.
< انتوا جبتوا (ضفر).
< وجبنا طرف شمال قاطع (فلانتاين).
< انتوا جبتوا (بابا نويل).
< وح نسجل محمد سيلا.
< وانتوا منتظرين كرت موتيابا.
< موتيابا دا حقو يدوكم ليهو بدون (كرت).
< مفروض تسجلوه بي (اسكراتش).
< كرت كتير فيه.
< ملحوظة : الحاجات دي كلها في صالح اهلي شندي.
هوامش
< كنت عاوز اكتب عن (تذكرجية اهلي شندي)..لكن موضوع موتيابا دا كان (مستعجل) ما بستحمل يبيت.
< بكرة او في الايام القادمة ان شاءالله نكتب عن (تذكرجية اهلي شندي).
< ونشوف موضوع فيصل موسي ..والتسهيلات التي قدمت من اجل ان يذهب اللاعب للمريخ ويطير من الهلال.
< وعشان (اهلك) بخليك.
< صلاح ادريس السنة دي سجل للهلال ..وسجل لي اهلي شندي ..وسجل لفريق الموردة...وسجل لفريق الامل.
< تاني يعمل ليكم اكتر من كدا شنو؟.
< اجمل ما في تسجيلات الهلال هذا الموسم ..ان الهلال سجل حسب الحاجة.
< الخانة الفيها مشكلة ...الهلال سجل فيها.
< ويا خابت ..ويا صابت.
< وفي كل الاحوال الهلال ما خسران حاجة.
< وسط الهلال ما عندو مشكلة بعد اضافة نزار حامد.
< ودفاع الهلال سوف يكون ان شاءالله في قوة هجومه بعد تسجيل محمد سيلا.
< اما الاطراف فهي موعودة بالتحليق بعيدا بعد فلانتاين ومعتز رابح.
< حراسة الهلال سوف تصبح في مأمن بعد اضافة بهاءالدين.
< الحمدلله ما عندنا أي مشكلة.
< رغم المخاوف التي كانت في بداية التسجيلات من قبل الهلالاب.
< لكن الحكاية اتقلبت الان.
< يضحك كثيرا من يضحك اخيرا.
< ونحن نضحك الان.
< ان شاءالله تكتمل المساعي..وتكلل بالنجاح.
< يمشي امير الربيع.
< يمشي اتير توماس.
< عبده جابر لا.
< خلوا لينا عبده جابر واعملوا أي حاجة.
< المشكلة التي تواجه الهلال الان وتشكل هاجسا للهلالاب ..مسألة اختيار الجهاز الفني.
< البرير امام مسؤولية تاريخية ...اذا نجح في اختيار جهاز فني قدير ..فان التاريخ سوف يحفظ له الكثير.
< نسأل الله ان يوفق الهلال في اختيار جهاز فني قادر على تحقيق احلام الاهلة.
< يجب ان يكون التمحيص والبحث دقيقا لاختيار جهاز يضيف للهلال.
< هيثم مصطفي حفظه الله ورعاه ...ظلم من المنتخب الوطني.
< في اجمل سنوات عطاء هيثم مصطفي ابعد عن المنتخب.
< والابعاد هنا لاسباب شخصية من مدرب المنتخب محمد عبدالله مازدا.
< والحساب بجمع يا مازدا.
< منتخبك دا لو مشيت بيه للامم الافريقية بدون هيثم مصطفى إلا تمشوا بيهو (ندوة).
< بدون هيثم عاوزين تعملوا شنو؟.
< كنا سوف نطالب بضم العجب.
< لكن العجب ناسو ذاتهم عاوزين قنعوا منو؟.
< عاجل : يا كرنقو ما ضيق ..(صفحتك) شغالين فيها.
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الإثنين أكتوبر 11, 2021 5:53 pm من طرف طارق حمزة
» محمود محمد عبدالرحمن
الجمعة سبتمبر 11, 2020 11:05 pm من طرف طارق حمزة
» الحاج بدري عثمان
الخميس يونيو 11, 2020 3:43 am من طرف طارق حمزة
» مجرد راي
الجمعة مايو 29, 2020 3:15 am من طرف طارق حمزة
» حنفي عثمان طه
السبت مايو 18, 2019 10:12 pm من طرف طارق حمزة
» الملك الاعرج
الأحد مارس 17, 2019 7:25 pm من طرف طارق حمزة
» تقرير اداء المنظمة لعام 2016 / 2017
الأحد مارس 17, 2019 7:23 pm من طرف طارق حمزة
» صلة الارحام
الأحد مارس 17, 2019 2:44 pm من طرف طارق حمزة
» الإفطار السنوي للجمعية
الأربعاء مايو 30, 2018 5:36 pm من طرف طارق حمزة