منظمة كباجة فقو قار
تعالوا محل ما المحنة أيادي تقطر سلام
سماحة الحياة فوق أهلنا المثلت تمام التمام

انضم إلى المنتدى ، فالأمر سريع وسهل

منظمة كباجة فقو قار
تعالوا محل ما المحنة أيادي تقطر سلام
سماحة الحياة فوق أهلنا المثلت تمام التمام
منظمة كباجة فقو قار
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
بحـث
 
 

نتائج البحث
 


Rechercher بحث متقدم

المواضيع الأخيرة
» الرحيل المُر
الفرنسي دا اوعى نشوفو في سوق الناقة I_icon_minitimeالإثنين أكتوبر 11, 2021 5:53 pm من طرف طارق حمزة

» محمود محمد عبدالرحمن
الفرنسي دا اوعى نشوفو في سوق الناقة I_icon_minitimeالجمعة سبتمبر 11, 2020 11:05 pm من طرف طارق حمزة

» الحاج بدري عثمان
الفرنسي دا اوعى نشوفو في سوق الناقة I_icon_minitimeالخميس يونيو 11, 2020 3:43 am من طرف طارق حمزة

» مجرد راي
الفرنسي دا اوعى نشوفو في سوق الناقة I_icon_minitimeالجمعة مايو 29, 2020 3:15 am من طرف طارق حمزة

» حنفي عثمان طه
الفرنسي دا اوعى نشوفو في سوق الناقة I_icon_minitimeالسبت مايو 18, 2019 10:12 pm من طرف طارق حمزة

» الملك الاعرج
الفرنسي دا اوعى نشوفو في سوق الناقة I_icon_minitimeالأحد مارس 17, 2019 7:25 pm من طرف طارق حمزة

» تقرير اداء المنظمة لعام 2016 / 2017
الفرنسي دا اوعى نشوفو في سوق الناقة I_icon_minitimeالأحد مارس 17, 2019 7:23 pm من طرف طارق حمزة

» صلة الارحام
الفرنسي دا اوعى نشوفو في سوق الناقة I_icon_minitimeالأحد مارس 17, 2019 2:44 pm من طرف طارق حمزة

» الإفطار السنوي للجمعية
الفرنسي دا اوعى نشوفو في سوق الناقة I_icon_minitimeالأربعاء مايو 30, 2018 5:36 pm من طرف طارق حمزة

صحف سودانية وعربية

السبت نوفمبر 30, 2013 11:34 pm من طرف طارق حمزة

صحف سودانية وعربية
http://www.i2arabic.com/newspapers/sudan

تعاليق: 0

شبكة الجزيرة

الأربعاء أبريل 24, 2013 3:32 pm من طرف طارق حمزة

شبكة الجزيرة
http://www.aljazeera.net/portal

تعاليق: 0

قناة النيل الازرق

الأربعاء أبريل 24, 2013 3:25 pm من طرف طارق حمزة

قناة النيل الازرق
http://bnile.tv/

تعاليق: 0

تلفزيون السودان

الأربعاء أبريل 24, 2013 2:57 pm من طرف طارق حمزة

تلفزيون السودان
http://www.sudantv.net/

تعاليق: 0

صحيفة الانتباهة

الأربعاء أبريل 24, 2013 2:50 pm من طرف طارق حمزة

صحيفة الانتباهة
http://alintibaha.net/portal/

تعاليق: 0

تصويت
Twitter

الفرنسي دا اوعى نشوفو في سوق الناقة

3 مشترك

اذهب الى الأسفل

الفرنسي دا اوعى نشوفو في سوق الناقة Empty الفرنسي دا اوعى نشوفو في سوق الناقة

مُساهمة من طرف ناصر محمد ابراهيم الجمعة ديسمبر 30, 2011 10:56 pm

الفرنسي دا اوعى نشوفو في سوق الناقة
خايف (غارزيتو) دا اليوم والتاني يتعلم حركاتنا دي.

يخلى الانضباط والالتزام..ويشتغل على طريقتنا.

يبقي سوداني زينا.

يفك اللعب.

يوعد ويخلف ..ويقول ليك بجيك الساعة اربعة يجيك سبعة.

في واحد صاحبو كلو يوم بشرو.

بقول ليهو بجيك السبت ..يقوم يجيهو الاحد.

تعزموا (غدا) يحرجك ويجيك (عشاء).

يعزموا (عقد) يمشي (السماية).

زول اصلوا ما عندو كلام

الزول دا كان وقت يكون عندو وجع ضرس ..ويمشي للدكتور والدكتور يقرر ليهو عملية مستعجلة في الغد.

كان مع وجع الضرس دا برجع للدكتور بعد شهر.

زول ما عندو أي كلمة.

دا وقت يكون ماشي (بري)...بمشي يركب مواصلات (الثورة).

ما عندو أي كلام.

بكون عاوز يأكل سمك ...بمشي مطعم السمك يطلب (فول).

قلت ليكم ما عندو أي كلمة.

زول بتاع جرجرة.

اها انا خايف (غارزيتو) يبقي لينا زي الزول دا.

يغيب ..يسافر ...ويلعب لينا بي طريقة 10- 1.

طريقة عشرة واحد دي طبعا طريقة سودانية خالصة.

الفريق كلو يلعب مدافع.

زمان وقت نقسم (الدافوري)....لاعبين الوسط والهجوم من اول خمسة دقايق برجعوا يلعبوا (دفاع).

يمكن عشان الفريق البدخل فيهو قون بنشيل حالو ..ونسيرو.

تربية (الدافوري) دي طلعت البلد كلها (مدافعين).

البلد كلها (ضفر).

البلد دي كل يوم بطلع ليها الف (ضفر)..وفي كل خمسين سنة بطلع ليها (مهند) واحد.

اصلوا المواهب كدا.

ضفر دا يحلف هنا ..ويوقع هناك.

هسع دا ما بهمنا.

الشيء البهمنا غارزيتو دا ما يقوم يشيل طباعنا.

نحن اصلو في البلد دي بحصل لينا العكس.

الشبح تدخل البلد دي (لنج).

بعد يومين يقلبوها بوكسي لبن.

الكامري تبدأ كامري ...اليوم التاني صاحبها يزهج منها ويقلبها (ركشة).

الحكاية دي تذكرني حكاية (الناعسبي).

الناعسبي دا مشى برة جاب ليهو (كلب صيد).

كلب صيد ما فيهو أي كلمة.

عارفين بعد اسبوع حصل شنو؟.

بعد اسبوع كلب الصيد دا كان حايم مع كلاب الحلة ..الكديسة تأكل عشاه.

نسى أي حاجة في (الصيد).

بقى ما عندو أي فكرة.

مسح أي حاجة.

نحن كدا.

بنقلب أي حاجة.

الخواجات البنجيبهم بدل ما يؤثروا فينا ...نحن البنأثر فيهم.

يعني مع ناس ابوشامة وخالد بخيت وحمد كمال ما بعيد نلقى (غارزيتو) دا لابس ليهو (عراقي وسروال) وبياكل ليهو في ترمس وقاعد في ضل استاد الهلال.

ما بعيد غارزيتو دا الفرنسية تطير ليهو من رأسو ..والايطالية تطير ليهو من رأسو.

زولكم الفرنسي دا خايف يخليهو ويقعد يدور لينا في (هيع) ...وانا ما قلتوا ليكم ...وبكرة وينسي لينا اللغة الفرنسية بشكل نهائي.

خايفو يقعد يغالط.

معقولة المدرب الفرنسي عاوزين تحاصروه بي ابوشامة وخالد بخيت وحمد كمال.

ديل بروبوا (الموية) ديل صعبين.

غايتو (الفرنسية) بطير من الزول دا.

قالوا ليك (روسي) قديم.

الروسي القديم طبعا بكون زي (البسكويت) المعتت.

الروسي القديم دا عامل فيها زول حكيم.

قال السودانيين ديل مضيعين نص عمرهم في (الكلام في التلفون).

ونص عمرهم التاني مضيعنوا في (المسكولات).

السوداني يا بتكلم في التلفون.

يا بمسكل.

ما علينا.

نرجع لي غارزيتو.

البرير طلع مفتح.

أي زول بعرف (فرنسي) عينو مستشار.

جاب الدكتور علي قاقارين مستشار ..ومن دون شك هذا الامر يعتبر اضافة للهلال.

والبرير جاب الدكتور حسن علي عيسي..وهو ايضا اضافة كبيرة للهلال.

على ضوء قاقارين وحسن علي عيسي تاني الما بعرف (فرنسي) تمرين ما بنخلي يحضرو.

اقل حاجة تكون بتعرف 120 كلمة فرنسية.

غير كدا ..ولا بنجاملك.

ولا بنغشك.

أي مشجع يمشي يتعلم (الفرنسية).

نحن ذاتو من بداية الموسم ..تاني ما بكتب لينا عمود بالعربي.

يا سلك ح تتعبوا معانا.

نحن تاني ناس فرنسي ساكت.

الصحافة الرياضية دي بنقلبها صحافة فرنسية.

خلاص تاني اقل زول عندنا لازم يكون بعرف (فرنسي).

نحن جبنا (غارزيتو).

لكن دا برضو ما بشيل مخاوفنا.

خايف ناس ابوشامة ديل يعكسوها.

يقلبوها.

يعني ابوشامة بدل ما يبقي (غارزيتو)...يقوم غارزيتو يبقي (ابوشامة).

ناس البلد دي ما مضومنين.

وبعدين الحكاية تمشي على كدا.

وتجر.

غارزيتو يمشي سوق الناقة.

اوعى يا غارزيتو يوم الجمعة نشوفك هناك.

اوعى نلقاك في (قندهار).

شكلك كدا عاوز تدخل في الجو.

والله تلبس ليك جلابية ..غارزيتو من حسن محجوب ما تفرز.

يا حسن محجوب على (الالمانية) البتعرفها دي لو كنت هلالابي كنا جبناك مساعد مدرب.

كنت ترتاح من دوشة ناس ابراهومة ديل.

الحاجة البتخلينا نطمئن..صعوبية غارزيتو.

واضح انو غارزيتو مدرب صعب.

ظاهر عليهو.

قالوا ليك مريخابي دخل في حالة نفسية عديل بعد ما الهلال اتعاقد مع (غارزيتو).

مسكتوا حمى.

فكر يبيع البيت.

هسع البيت ذنبو شنو؟.

ذنبو شنو كيف؟.

زمان نحن عندنا واحد كل ما تقفل معاهو بقول عاوز يبيع البيت.

الحلة دي كلها تتدخل عشان ما يبيع البيت.

في النهاية لا يبيع البيت ولا حاجة.

زعلة ساكت.

يرجع زي الما حصل حاجة.

نرجع للمريخابي الاتصدم.

المريخابي ما مصدق انو الهلال جاب (غارزيتو).

قال يا جماعة انتوا البرير دا بتكلم جادي.

الموضوع دا حقيقة وإلا زي (سيلا).

اقول ليكم حاجة ...نحن موش شفنا المؤتمر الصحفي ..برضو ما مصدقين.

يقوم البرير يقول لينا : (معاكم الكاميرا) الخفية.

وإلا ود المامون يقوم يرجع من كلامو.

ناس الهلال ديل ممكن يعملوها.

انتوا ما شفتوا الكاردينال قالوا ليهو سجل لينا سيلا...قام قال لينا اشطبوا مهند.

الواحد ثقتو اهتزت بقي ما بصدق.

ما في حاجة مضمونة.

مريخابي تاني غير المريخابي الكلمتكم عنه بعد مؤتمر الهلال الصحفي مع الفرنسي (غارزيتو)..قال لي صاحبو المريخابي يمين... الهلال دا تاني لو لاقانا في ميدان جاكسون يدينا خمسة.

غارزيتو دا مع ناس سادومبا واتوبونج ديل خمسة ما بتوقفو.

زول صعب.

انتوا فاكرين المدرب دا بيلعب.

دا فرنسي ايطالي في حتة واحدة.

غايتو يا المريخاب (ريكاردو) حقكم دا إلا تخزنوا في (نيل الحصاحيصا).

ريكاردو دا زي شتلة النخلة....ما بتشيل إلا بعد 5 سنوات.

وانتوا شكلكم كدا ما ح تقدروا تصبروا عليهو.

يا مريخاب اسمعوا كلامي دا من هسع.

ريكاردو دا بالو طويل ..وانت صبر يبل الابري ما عندكم.

انتوا من استعجالكم جبتوا ليكم لاعب اسمو مجدي ام بدة..باقي ليه على الاعتزال 15 ساعة.

عاوزين الخبرة.

لاعب صغير عشان تصبروا ليه ما بنفع معانا.

هسع تلقي ناس (سلك) قعدوا يعدوا لينا.

عارفين بعدوا في شنو؟.

بعدوا في الايام.

بعد خمس سنوات ناس المريخ بعملوا نفس البنعمل فيهو الان.

بعد خمس سنوات ناس المريخ بجيبوا (غارزيتو).

وعشان اكون معاكم اوضح من كدا.

ناس المريخ بعملوا مؤتمر صحفي في برج الفاتح.

بس يا ناس المريخ ح تواجهكم مشكلة.

البترجم ليكم في المؤتمر منو؟.

نحن عندنا قاقارين وحسن علي عيسي.

لكن اقول ليكم حاجة.

الوقت داك يا غارزيتو اتعلم (عربي).

يا ابراهومة بقى يتكلم (فرنسي).

ابراهومة دا ممكن يعملها.

ابراهومة ما بعيدة عليه.

ملحوظة : شفتوا كيف؟.

هوامش

بالجد نحن مبسوطين بي (غارزيتو).

الشيء المهم والذي يجب ان يعرفه مجلس ادارة نادي الهلال ان هذا المدرب صعب وما بحب أي تدخلات في عملو.

لكي ينجح غارزيتو اعطوه الفرصة الكافية.

واستجيبوا لكل طلباته.

وما عاوزين زول يقرب ليهو.

خلوهو يشتغل.

سعادة جماهير الهلال كبيرة بهذا المدرب.

ونتوقع ان شاءالله ان يحدث هذا المدرب نقلة كبيرة في الهلال.

بس اصبروا عليهو..وما تدخلوا في شغلو.

المواسم الماضية كلها كان اعداد الهلال لا يبدأ بصورة جيدة.

هذا الموسم الاعداد سوف يكون تحت اشراف المدرب غارزيتو.

المدرسة الفرنسية من انجح المدارس الاوربية في التدريب.

الجميل غارزيتو المدرسة الفرنسية خالطها بي حبة مدرسة ايطالية.

يعني يا مساوي تاني بطلع الكورة بالطريقة الايطالية.

ما في (تطفيش).

ما عاوزين كلام كتير.

نحن الليلة مبسوطين.

نسأل الله التوفيق.

ان شاء الله الامور تمشى على ما نتمناه.

ناس المريخ بقوا ما بيجيبوا سيرة (ريكاردو).

ناس مجدي ام بدة ديل ريكاردو يعمل ليهم شنو؟.

إلا يقعد يحكى ليهم عن الحرب العالمية الثانية.

ناس مجدي ديل بكونوا حضروها.

ما بعيدة عليهم.

عاجل : نفسي في مباراة هلال مريخ ان شاء الله في (درع).

ناصر محمد ابراهيم

ذكر عدد الرسائل : 650
العمر : 46
الموقع : السعودية - جدة
العمل/الترفيه : مهندس
السٌّمعَة : 2
نقاط : 1510
تاريخ التسجيل : 02/03/2009

http://www.google.com

الرجوع الى أعلى الصفحة اذهب الى الأسفل

الفرنسي دا اوعى نشوفو في سوق الناقة Empty رد: الفرنسي دا اوعى نشوفو في سوق الناقة

مُساهمة من طرف طارق حمزة الأحد يناير 01, 2012 3:36 pm

ناصر محمد ابراهيم كتب: نفسي في مباراة هلال مريخ ان شاء الله في (درع).
حلم الجعان عيش ... يا راجل فرنسي مين وايطالي مين انتو لحدي حسي ما قادرين تحملوا كأس جواً تقول لي فرنسي وايطالي ... ما تقول برازيلي وارجنتيني ناس بيعرفوا الكورة ... واقول ليك مش فرنسي لو جبتو غواردويلا ما حتشيلو كاس في حياتكم ... يا بلطجية السودان ... امين البرير قال ؟؟؟؟؟؟
طارق حمزة
طارق حمزة

عدد الرسائل : 889
السٌّمعَة : 4
نقاط : 1633
تاريخ التسجيل : 19/02/2009

الرجوع الى أعلى الصفحة اذهب الى الأسفل

الفرنسي دا اوعى نشوفو في سوق الناقة Empty رد: الفرنسي دا اوعى نشوفو في سوق الناقة

مُساهمة من طرف عبد المحسن سيد احمد الثلاثاء يناير 03, 2012 4:27 pm

والله كاس بالبلطجة ما حتشموها فرنسي
عبد المحسن سيد احمد
عبد المحسن سيد احمد

ذكر عدد الرسائل : 772
العمر : 47
الموقع : نادي الأنصار الرياضي بالمدينة المنورة
العمل/الترفيه : سكرتير
السٌّمعَة : 2
نقاط : 1747
تاريخ التسجيل : 11/05/2009

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى