منتـــديات المثلث
تعالوا محل ما المحنة أيادي تقطر سلام
سماحة الحياة فوق أهلنا المثلت تمام التمام
بحـث
 
 

نتائج البحث
 


Rechercher بحث متقدم

المواضيع الأخيرة
» لعبة الفراخ 2017
الثلاثاء مايو 02, 2017 12:08 am من طرف nice games

» العاب فلاش نايس
السبت أغسطس 27, 2016 12:09 am من طرف nice games

» هل هذه الالعاب افضل العاب الاطفال على الانترنت ؟!
السبت أغسطس 27, 2016 12:08 am من طرف nice games

» دورة تنمية الجدارات الإدارية لعام 2016
الخميس ديسمبر 31, 2015 8:51 pm من طرف shima salah

» دورة بناء الفريق التسويقي لعام 2016
الأربعاء ديسمبر 30, 2015 9:06 pm من طرف shima salah

» دورات الادارة و القيادة لعام 2016
الإثنين ديسمبر 28, 2015 8:02 pm من طرف shima salah

» دورات الهندسة الكهربائية والميكانيكية لعام 2016
الأحد ديسمبر 27, 2015 6:58 pm من طرف shima salah

» دورة التميز فى المشتريات ,العطاءات ,اختيار الموردين والتفاوض 2016
الإثنين نوفمبر 16, 2015 10:50 pm من طرف shima salah

» التميز في التخطيط ورسم الخرائط الإستراتيجية وتطبيقات EFQM
الأربعاء أكتوبر 21, 2015 9:53 pm من طرف shima salah

صحف سودانية وعربية

السبت نوفمبر 30, 2013 11:34 pm من طرف طارق حمزة

صحف سودانية وعربية
http://www.i2arabic.com/newspapers/sudan

تعاليق: 0

شبكة الجزيرة

الأربعاء أبريل 24, 2013 3:32 pm من طرف طارق حمزة

شبكة الجزيرة
http://www.aljazeera.net/portal

تعاليق: 0

قناة النيل الازرق

الأربعاء أبريل 24, 2013 3:25 pm من طرف طارق حمزة

قناة النيل الازرق
http://bnile.tv/

تعاليق: 0

شبكة الشروق

الأربعاء أبريل 24, 2013 2:59 pm من طرف طارق حمزة

شبكة الشروق
http://www.ashorooq.net/

تعاليق: 0

تلفزيون السودان

الأربعاء أبريل 24, 2013 2:57 pm من طرف طارق حمزة

تلفزيون السودان
http://www.sudantv.net/

تعاليق: 0

صحيفة الانتباهة

الأربعاء أبريل 24, 2013 2:50 pm من طرف طارق حمزة

صحيفة الانتباهة
http://alintibaha.net/portal/

تعاليق: 0

اذاعة كدنتكار

الجمعة يونيو 22, 2012 2:04 am من طرف طارق حمزة

أذاعة كدنتكار
http://www.nubianradio.net/#jacommentid:707

تعاليق: 0

تصويت

هدف بشة..(الفاصل دا للهلالاب) فقط

استعرض الموضوع السابق استعرض الموضوع التالي اذهب الى الأسفل

هدف بشة..(الفاصل دا للهلالاب) فقط

مُساهمة من طرف ناصر محمد ابراهيم في الثلاثاء أبريل 17, 2012 12:02 am

هدف بشة..(الفاصل دا للهلالاب) فقط
ا< زمن.

< زمان الحفلات ...الواحد من يسمع ليه صوت (دلوكة) يلملم بعضو ..ويمشى على (الحفلة).

< تقول (معزوم).

< تنزل (قميصك) من سلك الغسيل ...وعلى الحفلة عدل.

< شفوت نحن ..ما بنفوت لينا (حفلة).

< الناس كلها كانت بتتعارف ...يعزموك ..ما يعزموك ..من تسمع صوت الحفلة بتمشى عليها.

< موش عمر الطيب الدوش قبل كدا قال : بناديها وبعْزِم كُلّ زول يرتاح على ضحكَة عيون فيهَا وأحْلم اني في أكوان بتْرحَل من مراسيها

< يعنى (العزومة) من طرف ..ما في خيار وفقوس.

< (دقت الدلوكة) دي براها عزومة.

< لا فى كرت ..لا في دعوة بتنزل في جريدة.

< عمر الطيب الدوش اصلا هو بالكرم دا ...بالشمولية دي.

< بعزم أي زول.

< والدوش برضو ...بقول: دقّتْ الدَلّوُكَهْ

قُلنا الدنيا ما زالت بخير أهو ناساً تعرِّس وتنْبَسِط تكْكَّتَ في الراكوبة بالحنقوقة .. سروالي الطويل سويتْلُو رقعات فى الوسط بـى خشْمِى عضّيت القميص أجرى وازيّد شوق وانُط لا مَن وصلتَ الحفلَهْ زاحمتَ الخلق

< اها هدف بشة دا نحن كان عندنا زي (الحفلة).

< اتلقطنا في اول الشارع ..ومشينا.

< اتلملمنا من بيت ...بيت.. زي (التاكسي).

< اول مرة ما بتكون مركز ..ما بتعرف الحفلة وين؟.

< الصوت زي (ابوالسعن) يجيك من اربعة اتجاهات.

< الصوت زي الدورية.

< هسع (ابوالسعن) دخلو شنو؟.

< انتوا يا الهلالاب ..تجيببوا ليكم هدف ..تشيلوا وتلتقوا في الكلام.

< بقينا (نتفرس) في الصوت ...عاوزين نعرف الحفلة بي منو؟.

< تقول ساكين لينا (كديسة).

< زي (ديك) العزابة ..وقت ينووا عليه في اخر الشهر.

< يزروا ليك (الديك) في الصالون.

< بعد شوية (الديك) يكون بغلى في (الحلة الكبيرة).

< اها نحن قعدنا نتفرس في الصوت زي (ديك) العزابة دا.

< واحد مننا شعرو كتير....(طبعا هسع ما في داعي للوصف دا ...شعرو كتير وإلا عندو صلعة).

< دا ما موضوعنا.

< واحد فينا شعرو كتير ...ونحن ماشين على حفلة (هدف بشة)...قال لينا الحفلة دي بي محمد الامين.

< الموسيقى (كتيرة).

< المقدمات الموسيقية دي عند محمد الامين بس.

< لكن احتمال (بشة) يكون دخلها الكورة.

< انا غايتو ما عارف.

< البلد دي ما فيها حاجات مضمونة.

< حاولنا (نتفلسف)...طبعا مرات الزول كدا (بتفلسف) بدون سبب...قلنا ليه محمد الامين بعد تسعة ما بغنى (بتتعلم من الايام).

< واحد تاني ...رأسو شعرة ما فيه ...قال لينا محمد الامين ما بغنى ( بتتعلم من الايام) ليه؟....اغنية دي وإلا (طفلة)...مالها بتنوم بعد تسعة.

< مشينا شوية كدا.

< الصوت وضح لينا ...بقى لينا زي نور العربية (الطويل).

< شعرنا ليك ان الحفلة دي فيها (حمام) كتير.

< واحد قال لينا ...بس اقيفوا ...انا كتلت ليكم الحفلة دي ...الحفلة دي بي (حمد الريح).

< اصلو حمد الريح اغنياتو كلها (حمام).

< تقول في (الكونفدرالية).

< (حمام الوادي يا راحل .....والقمرى فوق النخل يبكى ويجن ...وبالله يا طير المشارق لو عرفت لهم اثر.... الخ).

< زول مننا منفلت شوية ...انتبه للحمام دا ...قال والله حمد الريح دا لو فتح ليه مطعم ...مطعمو دا يشتغل شغل.

< الناس كانت بتشبع (حمام)....حمام وقمري.

< مشينا شوية ...وفي واحد قال لينا الحفلة دي ما بي حمد.

< بي منو يا ود الناس ؟.

< الحفلة دي بي (اللحو).

< شايف لي عكاكيز تتخابط.

< يا زول (اللحو) بغنى (تترجى فيا).

< اللحو ما بغنى الاغاني دي.

< لكن الحفلة دي بي منو؟.

< وصلنا الحفلة.

< فجينا الخلق.

< لقينا ليك (بشة) في المنصة فوق.

< اول حاجة افتكرنا (بشة) (العريس).

< دخلنا لي جوة ....لقينا ليك (بشة) الفنان.

< طيب ما تقولوا كدا من الصباح.

< والله نحن لو عارفين الحفلة بي (بشة) كنا جينا بي (سماعاتنا).

< كنا جينا من الصباح.

< عشان حالات الاغماء كتيرة في الحفلة.

< انت يا موسي الزومة حارس شنو؟.

< ذكرتنا (الحرامي) التلب سرق (التلفزيون) من العزابة وهم قاعدين بحضروا في فيلم اجنبي.

< الحرامي قفل التلفزيون ..وشالو ..وفتح ليهم (المروحة) قال ليهم المقعدكم في السخانة دي شنو؟.

< زول سألو مافي.

< اصحابنا مفتكرين الموضوع دا في (الفيلم الاجنبي)...ما في الواقع.

< يا موسي الزومة انت (بشة) دا بفوت فيك كدا ...انت فاكرو في مباراة في الدوري الاسباني.

< يكون فاكر الموضوع كدا...عشان موسي الزومة كان قاعد يتفرج ..زينا تماما.

< زي الزول البشيل (الجك) ويمشي يجيب (الفول)...يقوم يلقى (الفول) منتهى يجي راجع (مدلدل) جكو ..وشو يلعن قفاه.

< سيد الدكان وقت يداغل معاك ..موية فول بقول ليك مافي.

< غايتو يا موسي ...على شوية كدا كنت بتقلب (القدرة).

< ندخل على الهدف.

< نشوف التفاصيل الكاملة لضربة بشة.

< باقى نحن أي حاجة عندنا بي نظام.

< أي حاجة عندنا ليها (معنى).

< بي (فهم).

< الهدف قصتو قصة.

< من الكورة ضربت في (القايم)...وراجي وضع ايدو في رأسو ...المعز محجوب (مسك) الكورة.

< قال ليهم عشان تفهموا حاجة.

< يا جماعة اطلعوا لينا برة.

< الفاصل دا للهلالاب فقط.

< الموضوع دا ما عاوز ليه (ندوة).

< كلتشي قعد (ينقنق) ..زي الزلابية في الزيت الساخن.

< المعز واقع ...قام سريع ....هنا (كاريكا) دخل ليك في موسيقي (لمحتك) اغنية الفنان الراحل مصطفي سيد احمد.

< لمحتك دي ..المعني يا معز سريع اجدع الكورة لي مهند الطاهر.

< مهند الطاهر بتصرف بي معرفتو.

< المشكلة في الظروف الصعبة دي ناس (الشغيل) كانوا قاعدين يتفرجوا.

< الولاد عندهم كورة دقت في القايم.

< خلاص كفاية ..لو المباراة انتهت على (الضربة) دي ....جمال الوالى بحفزهم على (الضربة) دي.

< قلنا الفاصل دا للهلالاب فقط.

< ما عاوزين أي مريخابي.

< مهند الطاهر شغل (ما تهتموا للايام ظروف بتعدي)...وضرب الكورة بي رأسو لي كاريكا.

< كاريكا ولا اتلفت ...سريع ضرب الكورة لي سادومبا.

< وموسي الزومة واقف يتفرج ...تقول منتظر بص الجريف.

< ولا شغال بالموضوع.

< كأنو في استاد الخرطوم ...والمباراة في استاد الهلال.

< ما جايب خبر.

< نايم نوم.

< الكورة وصلت لي (سادومبا) ...باسكال طبعا عندو الف تفكير...يا ربي ادخل على سادومبا ...وإلا اللز (نجم الدين).

< سادومبا شغل لي (باسكال) اعاين ليه وارجع ..وامشي واجيه راجع.

< باسكال بقى يقرب من سادومبا ...يخاف ..يرجع.

< يذكر انو مصبغ شعرو ..يرجع تاني.

< سادومبا سريع ...ضرب ليك الحسابات كلها ...نزل ليك بي موسي الزومة وطلع ليك بي باسكال.

< والله يا باسكال كورتك بقت زي ملاح الكمونية المعمول بي مرقة الدجاج.

< قطعة كمونية واحدة ما فيه.

< انا ما عارف مسمينو ملاح كمونية على شنو؟.

< في اللحظات الكان فيها (باسكال) بتلفت مع سادومبا ...لا سرقو لا دخل عليه.

< في الوقت دا ...بشة كان بمشط في المنطقة اليمنى للمريخ.

< استعدادا للضربة الجوية (البشاوية).

< وقت (بشة) انتهى ليك من سرية موسي الزومة في اليمين .....سادومبا ضرب ليك الكورة لي (بشة).

< بشة في الحتات دي ما بتفاهم.

< ما بتقارع.

< بشة طوالي شغل ليك (لو بهمسة).

< اكرم جاء طالع.

< اكرم قال يا ربي اضرب تلاتة تسعات!!.

< بشة ضربها ليه على يمينو.

< اكرم مسكين ما استوعب (الدرس).

< ما استوعب (الحصة).

< قعد يغالط.

< كان مركز مع سادومبا ...بشة طلع ليه من بي جاي زي (الصاقعة).

< بشة طبعا (شفت).

< قبل ما يجيب القون في اكرم الهادي سليم ...اول حاجة ادي ليك اكرم حصة في (الكيمياء).

< والكيمياء ...اكرم الهادي سليم ما فاهم فيها أي حاجة.

< بشة شرحها ليه درس ...درس.

< بشة دا ما خلى ليه (تجربة) ما عملها في اكرم الهادي سليم.

< اكرم دا قبل القون كان لونو (ابيض)...بعد القون اكرم لونو قلب ...بقى (بني).

< انا اول مرة اشوف لي حارس مرمي لونو بني.

< بشة انتهى ليك من مقرر الكيمياء كلو في (لحظة).

< طوالي بشة دخل ليك في (الفيزياء).

< درس ليك اكرم الهادي سليم دا (الفيزياء) درس درس.

< ما خلى ليه (نظرية) ما طبقها في اكرم.

< اكرم دا قبل القون كان (شعرو) اسود ...بعد نظريات بشة دا ...اكرم شعرو بقى (ابيض).

< اكرم كبير تلاتين سنة زيادة.

< انا بعد الهدف افتكرتو مدرب الحراس.

< بشة كب ليك (مقرر) الفيزياء دا كلو في (لحظة)...ودخل ليك بعد كدا في مقرر (الجغرافيا).

< يا اكرم كيف تطلع.

< وكيف تتقدم.

< وكيف (تتنفر) وتقفل الزاوية.

< اكرم ما فهم الدرس.

< بشة جدع ليه الكورة يمينو.

< مامون ابوشيبة هسع بعد 7 سنوات ..يقول لينا هدف (بشة) دا كان (تسلسل).

< يا ابوشيبة (بشة) دا جاري من (جبل جاري).

< تقولوا (تسلسل).

< طبعا المريخاب ما قالوا (تسلسل) الان ...لكن باعتبار ما يكون بعد 7 سنوات بقولوا (تسلسل).

< المريخاب ديل انا حفاظهم حفظ.

< اقول ليكم حاجة.

< الهدف ذاتو ما جابو (بشة).

< الهدف جابو (موسي الزومة).

< عشان تفهموا حاجة.

< شفتوا (الفلسفة) دي كيف؟.

< فيسلوف زي (بشة)...جابوا ليه (فرخة) قالوا ليه عاوزنك تطلع لينا (كهرباء) من الفرخة دي.

< الفيلسوف ضرب ليك (الفرخة) وكتب ليهم تعهد تنازل من (الفلسفة).

< اقول ليكم حاجة الموضوع دا عاوز (من الغلاف للغلاف).

< خلوا بيناتنا وعد لـ (من الغلاف للغلاف) ان شاءالله.

< انتوا اصبروا بس.

< نحن أي حاجة عندنا بي نظام.

< الصفحات كتيرة في الايام القادمة ...(مازمبي) براهو عاوز ليه (مجلد).

< ملحوظة : هي الدنيا طارت يعني

< في واحد قال لي موسي الزومة بعد (سرحتو) ديك ...مفروض يطلع ليه (شريط فاضي).

< الزول دا الظاهر عليه كدا بحب (الهدوء).

< يا جماعة اكرم معذور.

< معذور عديل كدا.

< قالوا (القضارف) فيها (مطر).

< والدخل مطر القضارف بي هدف بشة شنو؟.

< معليش في دخل.

< اصلوا اكرم الهادي سليم مركز مع (المطر).

< أي (مطرة) بتأثر معاه.

< اكرم دا حساس شديد.

< أي (مطرة) بتلخبط ليه حساباتو.

< عاجل : باسكال دا خلوه ...نظامو براهو.

ناصر محمد ابراهيم

ذكر عدد الرسائل : 650
العمر : 39
الموقع : السعودية - جدة
العمل/الترفيه : مهندس
السٌّمعَة : 2
نقاط : 1510
تاريخ التسجيل : 02/03/2009

معاينة صفحة البيانات الشخصي للعضو http://www.google.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى