تصور كيف يكون الحال لو ما كنت .... سوداني

من طرف mahgoub السبت أبريل 25, 2009 6:06 am

[b][size=12][size=18][size=12]بلادي أنا
بلاد ناسا في أول شئ
مواريثهم كتاب الله ،
وخيل مشدود،
وسيف مسنون حداه درع،
وتقاقيبهم تسرج الليل مع الحيران
وشيخا في الخلاوي ورع
وكم نخلات تهبهب فوق جروف الساب
وبقرة حلوبة تتضرع وليها ضرع ،،،
وساقية تصحّي الليل مع الفجراوى..
يبكى الليل ويدلق في جداولو دمع
يخدر في بلادي سلام ..
خدرة شاربي موية النيل ..
تزرد في البوادي زرع
بلادي أنا بتشيل الناس وكل الناس
وساع بخيرها لينا يسع،
وتدفق مياه النيل علي الوديان
بياض الفضة في وهج الهجير بتشع،،،
بلادي سهول ،،بلادي حقول،،
بلادي الجنة للشـافوها ،أو للبرة بيها سمع ،،
بلادي أنا بلاد ناساً تكرم الضيف
وحتى الطير يجيها جيعان
ومن أطراف تقيها شبع ،،
بلادي الصفقة والطنبور ،،
وبنوتاً تحاكي الخيل
،يشابن زيي جدي الريل،
وشبالن مكنن في طريفو ودع ،،
بلادي أمان ،،بلادي حنان،،
وناسها حنان ،يكفكفوا دمعة المفجوع ،
يبدوا الغير علي ذاتهم ،
يقسموا اللقمة بيناتهم ،
ويدوا الزاد ،حتى إن كان مصيرهم جوع ،
يحبوا الدار ،
يموتوا عشان حقوق الجار ،
ويخوضوا النار عشان فد دمعة ،،
وكيف الحال كان شافوها
سايلة دموع ؟؟،،،،
ديل أهلى..
البقيف في الداره
وسط الداره
وأتنبر وأقول للدنيا ديل أهلي
عرب ممزوجة بي دم الزنوج الحارة..
ديل أهلي
ديل قبيلتي ، لما أدور أفصل للبدور فصلي..
أسياد قلبي والإحساس
وسافر في بحار شوقم زمان عقلي
أقول بعضى..
ألاقيهم تسربوا فى مسارب الروح بقو كلي
محل قبلت ألقاهم معايا، معايا زي ضلى
لو ما جيت من زي ديل..
كان ،أسفاي..
وآمأساتي..
وآذلي..
تصور كيف يكون الحال
لو ما كنت سوداني وأهل الحارة ما أهلي
تصور كيف؟

كلمات :اسماعيل حسن[/size][/size][/size][/b]

الأستاذ / محجوب ...لك التحية والاحترام
أجد لزاماً علي أن أتقدم بالشكر للأخ محجوب وأتحدث قليلاً عن الشاعر المبدع الراحل المقيم إسماعيل حسن .
رحل الشاعر المولود عام 1929م والمتوفى عام 1983م ، تاركاً ثروة فنية لا تقدر بثمن . كان سيد الساحات
، عظيم الصوت رقيق المشاعر في جوانحه جرح كل الطيبين ومن أحزانهم صنع أفراحهم ومن عذاباتهم نثر
الآمال بالغد الآتي على صهوة جواد بألوان الأحلام الوردية ، وعني لصبرهم ، ومن انحناءاتهم مجد العطاء
، ومن غرسهم في الجروف غنى لسنابل الحياة ،أولئك هم أهله ،ملح الأرض صناع الحياة .
بلادي سهول ،بلادي حقول
بلادي الجنة للشافوها ، أو للبرة بيها سمع ،،
بلادي أنا بلاد ناساً تكرم الضيف ،،
وحثي الطير يجيها جعان ،،
ومن أطراف تقيها شبع ،،
.......فهو شخصية لا تتكرر ، فقد حفر لنفسه مكانة مميزة في وجدان الشعب ...له الرحمة والمغفرة .

من طرف **طارق حمزة** الأربعاء أبريل 29, 2009 2:39 am

تصور كيف يكون الحال
لو ما كنت سوداني وأهل الحارة ما أهلي
اخي وصديقي محجوب لك التحية ولك الشكر والتقدير وانت ثري هذه الساحة الالكترنية بمساهماتك الفاعلة وشدني بكل صدق هذا الشعر الوطني الجميل لدرجة انني اتردد اكثر من مرة في اليوم الواحد له الرحمة لشاعرنا اسماعيل حسن ولك الف تحية مني ومن اسرة المنتدى طارق حمزة

من طرف mahgoub الأربعاء أبريل 29, 2009 9:55 am

[/b]شكرا لكم على هذه الطله البهية واتمنى ان نقدم كل مفيد

واشكركم مره اخرى على هذا المرور الرائع

تصور كيف يكون الحال لو ما كنت .... سوداني

تصور كيف يكون الحال لو ما كنت .... سوداني

رد: تصور كيف يكون الحال لو ما كنت .... سوداني

رد: تصور كيف يكون الحال لو ما كنت .... سوداني

رد: تصور كيف يكون الحال لو ما كنت .... سوداني