(نحن نمشى في جنازة المطر)

وسيدة في السبعين..اضاعت نصف عمرها في الحديث في (التلفون)..35 سنة ضاعت حديثا في التلفون والجوال.

{ والكأس المحمولة جوا ...و..و...و.

{ هل سلموهم كأس السودان على ارتفاع 50 الف قدم فوق سطح البحر.

{ وهل كان كأس راجي الذي احتفلوا به بين طيات السحاب.

{ وسيدة في السبعين ...عمرها ضاع على هذا النحو.

{ 35 سنة ..ضاعت في الحديث على التلفون.

{ اما الـ 35 سنة الاخري فقد اضاعتها وقوفا امام (المرايا).

{ وهناك 7 سنوات اخري ..لم تحسبها في شهادة تسنينها ...ضاعت وقوفا في الباب.

{ و..و..والكاسات المحمولة (بغض النظر عن تصنيفها).

{ ذات مرة وقفت هذه السيدة امام (المرآة) وهي بسنها تلك ..وقفت سبعينية...ثم جلست وهي في العشرين ..من جراء (المكياج)..وخرجت للجلوس في المقاعد الامامية في حفل (شبابي) ينظمه الاتحاد العام للشباب.

{ انها تتحدث الان باسم الشباب.

{ هل يمكن ان يختصر (المكياج) 50 عاما.

{ وهل يمكن ان يقفز (احمر) الاعلام السالب بالشيخوخة اليأسة الي مرحلة الشباب.

{ انهم يفعلون نفس الشيء ..في نفس الوقت.

{ يبيعون الشباب بواسطة لجنة الحكام.

{ هل بطولة كأس السودان خصص الاتحاد العام لكرة القدم كأسها للفريق الاكثر سوء.

{ اكثركم سوء...بطلكم في منافسة يسمو الفريق فيها بسوء السلوك.

{ الهلال في مباراة القمة الاخيرة لم يكن جيدا.

{ لكن المريخ كان اكثر سوء ففاز في بطولة مرسومة ومكتوبة بواسطة اتحاد الكرة ..ولجنة التحكيم لتكون للمريخ.

{ هي بطولة اكدت عظمة الهلال.

{ واكدت ان (الوصيف) عمرو ما بكبر.

{ لا اعرف في المريخ ..هل احتفوا اكثر بسوء سلوك راجي السابق ..ام ان الاحتفاء بهدفه كان اكبر.

{ احتفوا بكأس راجي ..اكثر من الاحتفاء بكأس السودان.

{ هذا بئس الكأس.

{ الطيور على اشكالها تقع.

{ لقد كانوا يحتفلون علنا بذلك في صحف صفراء ..شوهت صورة المريخ وهي تحسب ان (الربح) يأتي بهذا السوء.

{ لا تحسبوهم يدافعون عن المريخ او يتغزلون فيه ...هذا الذي يفعلونه يريدوا به ان تنتفخ (جيوبهم) فما يكتبونه يؤكد ان (المريخ) وصيفا ..وان الهلال يبعد مائة سنة ضوئية عن وصيفه.

{ حتي والهلال يخسر.

{ انتوا وين ونحن وين؟.

{ في انجلترا واسبانيا وايطاليا ومصر والاردن يفوز ببطولة الدوري فرق من اندية الدرجة الثانية.

{ وهنا يفوز بالبطولة (التحكيمية) الوصيف.

{ 8 سنوات لم يفز المريخ بالممتاز إلا مرة واحدة.

{ نسي العجب شكل كأس الممتاز.

{ ونسي جمال الوالي كأس السودان ..حتي (تنحي).

{ كل ما قدمه جمال الوالي للمريخ ..طابق تاني ..وكأس الممتاز مرة واحدة.

{ مرة واحدة لا غير.

{ يحسبون اولئك الوصفاء ان بيع العجور على ارصفة الطرق (بطولة).

{ وان الطلوع على صفيحة طماطم (بطولة).

{ وان السهر حتي الحادية عشرة ليلا (بطولة).

{ ما اهون البطولات عندكم ...وما اكثر تواضع رئيسكم الذي تواضع كثيرا امام هيثم مصطفي حفظه الله ورعاه...واكد بتواضعه هذا انه رئيس المريخ ..والشيء من معدنه لا يستغرب.

{ رئيس تنحي ..ثم جلس يدير امور ناديه من على البعد ..ويتحرك عبدالله على عيسي بالريموت كنترول.

{ شمال ..شمال.

{ جنوب ..جنوب.

{ طلع بيان...حاضر.

{ ما تطلع بيان ..حاضر.

{ قول حاجة..جدا.

{ اسكت ..جدا.

{ حتي تصريحات الرجل يأخذ اذنا له من الرئيس المتنحي ..ولا عجب.

{ هذه هي الطرق التي يفز بها المريخ ..وتلك هى الاجواء المثلي للمريخ لكي يحقق انتصارا.

{ كل الانتصارات التي يحققه المريخ تكون في مثل هذه الظروف.

{ سوء تحكيم ..وسوء اخلاق ..ومحابة من الاتحاد العام الذي اوشك ان يبعث برئيسه معتصم جعفر ليكون ضمن تشكيلة المريخ ..يلعب الي جانب محمد كمال ..وطارق مختار ..وهنو.

{ شكرا كثيرا ليهيثم مصطفي حفظه الله ورعاه.

{ شكرا لعمر بخيت والمعز محجوب فقد اجتمعوا وقرروا ابقاء محمد كمال والشغيل وطارق مختار وهنو في كشوفات المريخ.

{ هل هناك خبر اجمل من ان يبقي طارق مختار (ابوبطانية)..وسفاري (ابوساطور)...ومحمد كمال الذي يرجف كلما اتوا له بسيرة (بكري المدينة).

{ شكرا لكم يا ميشو لانكم ابقيتو على لاعب اسمه (هنو) ..يذكرني بافياني في طفولته.

{ لاعب مازال يحتفل بالهدف الذي يسجله بحالة هستريا ..اقرب الي ان يقول للناس (يا جماعة انا ما مصدق جبت قون).

{ عليه ...سفاري عندو (ساطور).

{ وهنو عندو تربيزة.

{ لو اتفق سفاري مع هنو ..ممكن يعملوا ليهم (جزارة).

{ جزارة باشراف خالد عبدالرحمن ..الذي ادار المباراة بصورة تبادلية.

{ لم يحسب ضربة جزاء مشكوك في صحتها.

{ قام عوض المريخ وذلك بعدم احتسابه لضربة جزاء صحيحة.

{ طرد بلة جابر الذي يستحق مع الكرت الاحمر ..كرت اسود.

{ قام شاف ليه أي طريقة عشان يطرد لاعب من الهلال.

{ قام طرد مساوي.

{ واحدة بي واحدة.

{ يا خالد عبدالرحمن انت يمكن تمسك ليك (لجنة) تنجح.

{ تمسك ليك (مبادرة صلح) تنجح.

{ حواشة ...(تنجح).

{ تمريض عالي ..برضو (تنجح).

{ لكن الكورة دي احسن تشوف ليك شغلة غيرها.

{ وفي الكورة يمكن تكون مدرب لياقة.

{ مدرب حراس.

{ بالكتير كدا مراقب مباراة.

{ لكن حكم كورة ما بتنفع.

{ معقولة ..(الشغيل) تقول شغال في مقابر احمد شرفي ..يضرب ويطعن وما تعمل ليه حاجة.

{ بلة جابر نفسه مفروض يطرد من الشوط الاول.

{ ومحمد كمال الذي اجلسه رمزي صالح في تمارين المريخ في الاحتياطي وحده اضاع نصف ساعة.

{ لكن الحكم دخل المباراة ربما بتوجيهات عليا ..وهي ان يخرج المريخ منتصرا.

{ يا الانتصار ..يا المباراة تتفرتك.

{ ومن عجب ان المريخ انسحب ( مرات قبل بداية المباراة.

{ لجنة التحكيم (تحنس).

{ والاتحاد العام (يحنس).

{ وكورال جمهور المريخ ..الكورال (الاعلامي) الذي جاء للمباراة بتوصيات اعلامية صفراء ..يهتف في وجه افضل من انجبته الملاعب السودانية.

{ وهيثم مصطفي حفظه الله ورعاه هو الذي قاد المنتخب السوداني الي (غانا) بجهده وخبرته وقدراته الكبيرة.

{ في الوقت الذي كان يعتذر فيه فيصل العجب كل مرة عن المشاركة مع المنتخب بحجة (الزواج).

{ وهيثم مصطفي يعلن من جنوب افريقيا وهو يشارك مع الهلال في البطولة الافريقية عن تبرعهم لعلاج لاعب مريخي سابق.

{ في الوقت الذي يتجول فيه سفاري بساطوره في الخرطوم.

{ جزار إلا ربع.

{ وهيثم مصطفي عندما كاد راجي ان يتلاشي وهو يتواري خجلا من كاميرات التصوير ...يتحدث معه هيثم مصطفي ...ويمنحه الامان ..حتي ان اعلام المريخ اشاد بهذا الموقف.

{ وجمال الوالي يستضاف في برنامج تلفزيوني ويسأل عن لاعب يتمني ان يكون في المريخ...فيقول هو هيثم مصطفي.

{ وعبدالكريم النفطي يستضاف في قناة قوون ..ويقول مشكلة المريخ ما عندو قائد.

{ ونحن نضيف للنفطي.

{ المريخ لا عندو قائد ولا رئيس ولا اعلام ..ولا مبادي.

{ هكذا تنتصر الفريق الضعيفة.

{ وهكذا يمكن ان الوصيف بطولة فصلها له التحكيم ومنحها له الاتحاد العام.

{ اننا على طريقة الدوش نمشي في جنازة المطر.

{ ملحوظة: مبروك للجنة الحكام.

هوامش

{ بطولة كأس السودان القادمة .اتوقع ان يفوز بها فريق الخرطوم.طالما ان كشف المريخ سوف يبقي فيه هنو ومحمد كمال وطارق مختار.

{ عليكم الله باقي طارق مختار في كشوفات المريخ دا براه ما بطولة.

{ مفروض ناس الخرطوم يحتفلوا بالحاجات دي.

{ هنو دا لو جاب ليه قون تاني كان مات فيها.

{ يا زول انت بتلعب في كأس السودان.

{ هدفك دا ناس افياني بجيبوه.

{ ما عاوز ليه (تربيزة).

{ الفرق في مباريات القمة في الممتاز وفي كأس السودان كبيرة.

{ مباراة الممتاز كانت في حسن السلوك ..ومباراة كأس السودان كانت في سوء السلوك.

{ وفي سوء السلوك ..المريخ ما بتلحق.

{ أي حاجة يعملوها في الهلال يعملوها في المريخ.

{ في الهلال هيثم مصطفي نسيب عمر بخيت.

{ في المريخ سفاري نسيب محمد كمال.

{ نغلب خمسة.

{ يغلبوا خمسة.

{ نشيل المدرب.

{ يشيلوا المدرب.

{ نعمل مجلس جديد.

{ يعملوا مجلس جديد.

{ نطلع جريدة متخصصة.

{ نطلع بيان.

{ يطلعوا بيان.

{ اها نحن اشتكينا الصفاقصي.

{ انتوا بتعملوا شنو؟.

{ مجلس الهلال عليه ان لا يركز في الامور الانصرافية كثيرا.

{ ركزوا في التسجيلات.

{ الهلال الحالي لا يحتاج الي الكثير.

{ لو وجد اضافات خفيفة ..سوف يكون فريق نموذجي.

{ وجهة نظر وتوجيهاته في التسجيلات يجب ان يضعها الهلال في الاعتبار.

{ لجنة التسجيلات يجب ان تستعين به لخبراته ونظرته الجيدة.

{ كأس السودان ..مفروض المريخ يمنح تلات ارباعه لخالد عبدالرحمن.

{ بيان قريش ..ادانة في حق المريخ.

{ تحدث البيان عن اشياء يجب ان يخجل منها اهل المريخ.

{ محمد جعفر قريش كلما تذكر انه الامين العام للمريخ ..اخرج (بيان).

{ وكل بيان خصم على المريخ.

{ هل يعقل ان يقول البيان ان المريخ وصف بانه نادي السكرانين.

{ وهل يعقل ان يقول ان المريخ نادي الجواسيس.

{ وان الهلال يشكك في انتصارات المريخ.

{ هذه الاشياء روج لها بيان قريش.

{ نرجو ان يكون هذا (البيان) الفضيحة في كل مواقع النت ..عشان الحكاية تتعمم.

{ يا قريش ...مفروض يكرموك.

{ انت بتغرد خارج السرب.

{ اعلام المريخ السالب الذي دافع عن راجي.

{ طبيعي ان يدافع عن هتافات جمهورهم.

{ انتوا سوء السلوك عندكم حاجة كويسة.

{ حاجة جيدة.

{ افتقد الهلال في مباراة القمة الاخيرة (الجواسيس الحمر).

{ يا خسارة كل (الجواسيس) سوف يشطبوا.

{ جاسوس واحد تاني ما بنشوفوا في المريخ.

{ بس ان شاءالله ما يظهر لينا جاسوس (وطني).

{ اعتقد ان اكثر خاسر من مباراة القمة الاخيرة هو راجي..لأن اعلام المريخ بغباء يتحدث عن واقعة راجي.

{ وعاملين فيها بدافعوا عن اللاعب.

{ بيان قريش هذه المرة لم يهاجم حكم المباراة.

{ ولم يتحدث عن الجنسيات التي تمنح للمريخ من سلم الطيارة.

{ دا غير الطوب والاسمنت والسيخ.

{ خلوها مستورة احسن.

{ خبر عاجل: بيانكم زي كورتكم ..كلو سوء سلوك.