مواضيع مماثلة
بحـث
المواضيع الأخيرة
Twitter
حسام البدري..تاني يا ابو مُرُوَّه !!
صفحة 1 من اصل 1
حسام البدري..تاني يا ابو مُرُوَّه !!
> قبل سنوات مضت كان فريق المريخ يعسكر في دولة قطر الشقيقة ..وكان المريخ ينزل في (الاجنحة الملكية).
> طبعا حكاية التقليد دي المريخ ما بخليها حتي في (المعسكرات).
> نعسكر في قطر (الاجنحة المليكة)..يعسكروا في الاجنحة الملكية.
> نعسكر في مصر (6 اكتوبر)..يعسكروا في مصر (6 اكتوبر).
> نعسكر في جبل طورية ..يعسكروا في جبل طورية.
> ما علينا.
> المريخ عندما عسكر في قطر وقتها كان يقود جهازه الفني المدرب المصري الدكتور محمود سعد الذي عرف عند الناس بـ (وش السعد).
> طلع (لا وش سعد ولا حاجة).
> محمود سعد طلع أي كلام.
> عودة الي ذلك المعسكر نذكر ان الاجنحة الملكية حدث فيها شغب وثورة كبرى.
> انتوا بتذكروا ما احدثته (الكبابي) في معسكر المريخ فيما يسمي اعلاميا بـ (ثورة الكبابي).
> وحتي يسترجع الناس معنا الحدث ...نقول ان هذه الكبابي اثارت الشغب لأن شعار الهلال كان مرسوما على هذه (الكبابي).
> ناس امير دامر النوم طار من عينهم.
> ما عرفوا ينوموا.
> العجب كان عاوز يقد السلك.
> المساكين طلعوا من البلد عشان يهربوا من (الهلال) ..مشوا لقوا الهلال في (الكبابي).
> موسي الزومة بقي يلاوز.
> يقوم مفزوع من النوم.
> هو الوقت داك موسي الزومة كان بيلعب في المريخ.
> الحاجة البتذكرها ..انو في الوقت داك (خليفة) كان بيلعب في فريق الكلاكلة.
> في واحد قال لي ..خليفة دي بعمل حاجات غريبة.
> قلت ليه (خليفة فلانتاين) دا بعمل شنو كمان.
> قال لي خليفة دا ما برفع رأسو ..رغم انو جاء من الكلاكلة (صنقعت)!!.
> قلت ليه خليفة دا لو رفع رأسو بيلعب في (برشلونة)..احسن ليكم يا الهلالاب ما يرفع رأسو.
> غايتو انتوا يا الهلالاب ..خليفة دا في الفريق القومي ما بتريحو.
> رغم انو خليفة دا جاب ليكم (كأس) من برة.
> والظاهر كدا كأس بطولة اللاعبين المحليين دا بجيبوا ليكم (خليفة).
> قلت ليكم خليفة دا في الفلانتاين ما بتلحق.
> الكورة بعكسها ليكم معاها (كاتلوج).
> زي باص هيثم مصطفي حفظه الله ورعاه ....(التمريرة) معاها هدية عبارة عن رصيد مجان.
> وكرتونة حلاوة.
> ليه ..تمريرة هي وإلا قولة خير!!.
> في مهاجم خطير قال لي هيثم مصطفي دا ما شاءالله عليه ...(تمريرتو) زي ما يطلبه المستمعون.
> تك...ترك.
> جيب قون.
> زي ايصال الصور ...تسلم الايصال ..تستلم الصور.
> التسيلم فوري.
> والله الشغيل دا يلعب رأس حربة مع هيثم مصطفي يبقي هداف البطولة.
> زول ما شاءالله عليه.
> تمريراته (ساحرة) غير القيادة.
> بهاءالدين بقي يتألق.
> اعلام المريخ دا ساكت كان عاوز يضيع لينا الولد.
> عليكم الله هسع وقت تشوفوا (بهاءالدين) دا بتألق كدا ..ما بتتأسفوا على (الحضري).
> زول عمرو اربعين سنة يعني عمر بهاءالدين في اتنين.
> كمان بهاءالدين ما عليه أي (غرامة).
> لا غرامة لا شيك.
> ما علينا.
> نرجع لمعسكر المريخ في قطر ..وثورة (الكبابي).
> كبابي عملت فيكم كدا ..سادومبا يعمل فيكم شنو؟.
> لكن مع ذلك ح افاجأكم انا.
> الكلام القاصدو انا ..ما عن (الكبابي).
> الكبابي دي جاءت عرضا.
> بدون أي مناسبة يعني.
> بس عشان تذكروا المعسكر.
> المعسكر بتاع قطر دا لو بتذكروه ....محمود سعد (وش السعد) كان قال فيه تصريحات غريبة.
> محمود سعد كان وقتها قد صرح لقناة الجزيرة (سامر العمرابي) وقال ان بعض لاعبي المريخ دون قامة المريخ.
> وقال محمود سعد ان تسجيلات المريخ ادارية وانها تمت بعيدا عن توصيته.
> وقال محمود سعد ...انه لا يستطيع ان يعد احد في المريخ ببطولة خارجية.
> طيب انت (وش سعد) على شنو؟.
> وحتي نجعل هناك (رابط) بين هذا الكلام وكلام اخر.
> نقول ان مدرسة التدريب المصري ترتبط عند المريخاب بالجانب المعنوي وهي تعتمد اعتمادا كليا على (التصريحات).
> وتصريحات المدرب المصري مصطفي يونس التي قال فيها ان المريخ سوف (يعيط) كثيرا مازال صدي هذا الصوت باقيا في اذان المريخاب.
> وقد عيط المريخ ...وصدق مصطفي يونس في (تصريحاته).
> لذا كلما اتجه المريخ الي المدرسة المصرية وتعاقد مع مدرب مصري انتظروا من ذلك المدرب ان يأتي ويقول : (ان الهلال هذا الموسم سوف يعيط).
> لكن كل الذين قادوا المريخ من المدرسة المصرية لم يقلوا ذلك.
> درب المريخ احمد رفعت ودربه محمد عمر ومحمود سعد والان يدرب المريخ حسام البدري ..اي واحد في ديل ما قال ان الهلال سوف يعيط هذا الموسم.
> عشان كدا المريخاب هسع عندهم عقدة من (العياط).
> الاسوأ من هذا ان المدرب حسام البدري من معسكر المريخ في الجماهيرية العربية الليبية اعاد تصريحات محمود سعد.
> يا اخوي يا حسام البدري انت الناس متوقعين منك تقول تصريحات زي تصريحات (مصطفي يونس)..تقوم تقول ليهم تصريحات زي تصريحات محمود سعد.
> انت قايل الجماعة ديل ناقصين (احباط).
> شنو الاحباط دا.
> انت تاني عاوزهم يركزوا في (الطابق التاني).
> تاني عاوزهم يكتبوا عن (النجيلة).
> لكن حسام البدري قال شنو؟.
> حسام البدري ..قال نفس الكلام القالو محمود سعد.
> حسام البدري قال في المريخ لاعبين دون قامة فريق المريخ.
> وقال انه لا يعد المريخاب ببطولة خارجية هذا الموسم.
> وقال مستوى لاعبي المريخ ضعيف.
> انت يا حسام البدري ...انا عاوز اسألك سؤال..(الحضري) دا داخل في تصنيفك دا وإلا برة التصنيف.
> برضو الواحد عاوز يعرف.
> الحضري خلي.
> ساكواها دا ..انتوا ما قلتوا كويس.
> في داعي يا حسام البدري تقول كلامك دا ...احبطت جمال الوالي.
> جمال الوالي افتكر بي تسجيلاتو دي يجيب الممتاز.
> 8 بطولات ممتاز ...المريخ جاب منها بطولة واحدة.
> دي زي الزول البطلع من الصباح ويرمي (السنارة) في البحر.
> اخر اليوم كدا ...ومع المغربية يجيب ليه (صيرة).. سمكة بتتكون من رايحة (اسماك).
> عينة بس.
> صاحبكم يشيل (السميكة) ويمشي على البيت.
> في البيت المدام تلاقي شايل (القفة)..تقول ليه : اها ان شاءالله خير.
> يقول ليها : والله الليلة البحر قايم ...غير (السميكة) دي ما طلعت بي حاجة..جيب لي جك الفول ..النلحق الفول قبل ما ينتهي.
> المدام تقول ليه : انت تعال هنا البحر دا ما بقوم ليك إلا انت ...الغريبة جارنا ود اليسع كلو يوم برجع وقفتو مليانة من السمك.
> احرجتني مع زوجتو.
> لو دي طريقتك عليك الله ما تمشي البحر تاني ..شوف ليك (كوتشينة) قضي فيها (عصريتك) دي.
> الولد قاعد بسمع في الكلام ..يلفح طرفو ..ويقول لي امو والله يا حاجة الحاج يمشي بي حظو دا الكوتشينة يجيك راجع بي (17) كديس.
> اخير ليك هسع ..برجع ليك بي (صيرة).
> والصيرة احسن من الكدايس.
> هسع (صيرة) الزول دا ..زي كأس المريخ.
> وجمال الوالي حظو زي حظ الزول دا.
> عليكم الله لو جمال الوالي دا حظو ما كعب ..حسام البدري بقول كلامو دا.
> بعدين حسام البدري ما غلطان.
> يا جماعة حسام البدري ماشي ليبيا يعسكر بي فيصل العجب.
> فيصل العجب وعصام الحضري.
> كورة هي وإلا المتحف القومي.
> المشكلة الما عارفنها انتوا ..انو حسام البدري دا لما يرجعوا ليهو لاعبو الفريق القومي ح يقول كلام اخطر من الكلام القالو دا.
> ح يكون احباطو اكبر.
> يا جماعة لما (الشغيل) يرجع من المنتخب الي المريخ ..تتوقعوا حسام البدري يقول شنو؟.
> حسام البدري ح يقول لاعبو المريخ في المنتخب مستواهم اقل من مستوى لاعبي المريخ المعسكرين في ليبيا.
> يعني مفروض يا مريخاب تحمدوا الله انو حسام البدري ما شاف (الشغيل).
> لو شاف الشغيل كأس السودان بقنع ليكم منو.
> لكن ولا يهمكم.
> عشان تخرجوا من الحتة دي ..رأيكم شنو يا مريخاب تدخلوا (حسام البدري) كورس.
> علموه يقول : الهلال السنة دي ح يعيط...يمكن عقدتكم تتفك.
> لكن بالجد كدا...انتوا مع جمال الوالي ما تفكروا في حاجة كبيرة.
> اكبر حاجة يمكن تفكروا فيها مع جمال الوالي هي اعادة تأهيل (الطابق التاني).
> اقول ليكم حاجة (محبطة).
> المتظاهرين في ميدان التحرير ...كان بطالبوا بي (غرامة الحضري).
> يعني ما تفتكروا الموضوع انتهي.
> لسه ...الموضوع دا فيه حاجات غريبة.
> اصبروا انتوا.
> وما تمشوا تحضروا المسلسل التركي.
> المسلسل التركي هسع ذنبو شنو؟.
> ملحوظة: نحن في انتظار تصريحات عصام الحضري.
هوامش
> يظل عمر بخيت مثال للاعب الخلوق والمتلزم ...والذي يقوم باداء واجبه على امثل وجه.
> تخيلوا ان عمر بخيت كان لا يختار للمنتخب الوطني.
> لاعب بكل هذا الوعي التكتيكي ...كان بعيدا عن المنتخب.
> وابتعاد بشة الان من تشكيلة المنتخب يتضرر منه السودان.
> مهند الطاهر ايضا يقدم اجمل المستويات.
> اما اروع الثنائيات فهي تتمثل في ثنائية مساوي وسفاري.
> عليك الله يا سفاري الجابرك على اللعب مع طارق مختار شنو؟.
> اخير ليك العب مع سيف مساوي.
> بقيت تتضحك ..فرحان.
> ليك حق ..مرتاح ..بتلعب مع مساوي تاني عاوز شنو؟.
> بهاءالدين محمد عبدالله الي الان هو افضل لاعب في البطولة.
> بهاء الدين في كل الظروف يحتاج الي تكريم.
> ايضا هناك بصمة يجب ألا نجهلها في المنتخب وهي البصمة الواضحة للمدرب القدير مبارك سليمان.
> هذا مع الاحتفاظ الكامل بمجهود مازدا وبفضله في هذه النتائج التي خرج بها المنتخب.
> البطولة بدأت ضعيفة ..لكنها تتقدم الان بصورة واضحة من مباراة الي مباراة.
> نتمني ان تكلل بفوز المنتخب السوداني بالبطولة.
> الدكتور كمال شداد كما نشر في صحيفة الهلال رشح المنتخب للفوز بالبطولة.
> وشداد ما بتكلم ساكت.
> يعني كمال شداد زول ما بجامل وهو غير متفائل بطبيعة الحال ..لكنه مع ذلك رشح المنتخب للفوز بالبطولة.
> تحفيز لاعبي المنتخب يجب ان يكون بصورة ملموسة.
> الدولة يجب ان نحفز لاعبي المنتخب بما يستحقون ...وليت أي لاعب يمنح قطعة ارض مع منح الجهاز الفني للمنتخب قطعة ارض لكل عضو ان تحقق الفوز بالبطولة.
> اما الجماهير فقد ظهر دورها ..وهي غير مشحودة للمنتخب.
> عاوزين نفرح.
> الوطن يحتاج الي ان تفرحوه بعد هذه الجراح.
> شيء اخر ..هيثم مصطفي حفظه الله ..بقيادته وسيرته ...يحتاج ان يحقق بطولة مع المنتخب بعد ان وصل بها الي غانا.
> نعم نحتاج الي كأس البطولة لعوامل عديدة ...ومختلفة.
> اهم تلك العوامل.
> ان المواطن السوداني عاوز يفرح.
> مباراة المنتخب القادمة هي اسهل من المباريات التي لعبها في المرحلة الاولي.
> لذلك فان تأهل المنتخب للمرحلة القادمة متاح بشكل اكبر.
> الذي يدفعنا الي ذلك تألق بهاءالدين وسفاري ومساوي وهيثم مصطفي ومدثر كاريكا.
> لاعبو المنتخب بقدمون افضل ما عندهم في هذه الايام.
> هل مازال الهلال بدون مجلس ادارة؟.
> خبر عاجل: يا القذافي ..اعمل حسابك ...(العوارض) معسكرين عندكم.
> طبعا حكاية التقليد دي المريخ ما بخليها حتي في (المعسكرات).
> نعسكر في قطر (الاجنحة المليكة)..يعسكروا في الاجنحة الملكية.
> نعسكر في مصر (6 اكتوبر)..يعسكروا في مصر (6 اكتوبر).
> نعسكر في جبل طورية ..يعسكروا في جبل طورية.
> ما علينا.
> المريخ عندما عسكر في قطر وقتها كان يقود جهازه الفني المدرب المصري الدكتور محمود سعد الذي عرف عند الناس بـ (وش السعد).
> طلع (لا وش سعد ولا حاجة).
> محمود سعد طلع أي كلام.
> عودة الي ذلك المعسكر نذكر ان الاجنحة الملكية حدث فيها شغب وثورة كبرى.
> انتوا بتذكروا ما احدثته (الكبابي) في معسكر المريخ فيما يسمي اعلاميا بـ (ثورة الكبابي).
> وحتي يسترجع الناس معنا الحدث ...نقول ان هذه الكبابي اثارت الشغب لأن شعار الهلال كان مرسوما على هذه (الكبابي).
> ناس امير دامر النوم طار من عينهم.
> ما عرفوا ينوموا.
> العجب كان عاوز يقد السلك.
> المساكين طلعوا من البلد عشان يهربوا من (الهلال) ..مشوا لقوا الهلال في (الكبابي).
> موسي الزومة بقي يلاوز.
> يقوم مفزوع من النوم.
> هو الوقت داك موسي الزومة كان بيلعب في المريخ.
> الحاجة البتذكرها ..انو في الوقت داك (خليفة) كان بيلعب في فريق الكلاكلة.
> في واحد قال لي ..خليفة دي بعمل حاجات غريبة.
> قلت ليه (خليفة فلانتاين) دا بعمل شنو كمان.
> قال لي خليفة دا ما برفع رأسو ..رغم انو جاء من الكلاكلة (صنقعت)!!.
> قلت ليه خليفة دا لو رفع رأسو بيلعب في (برشلونة)..احسن ليكم يا الهلالاب ما يرفع رأسو.
> غايتو انتوا يا الهلالاب ..خليفة دا في الفريق القومي ما بتريحو.
> رغم انو خليفة دا جاب ليكم (كأس) من برة.
> والظاهر كدا كأس بطولة اللاعبين المحليين دا بجيبوا ليكم (خليفة).
> قلت ليكم خليفة دا في الفلانتاين ما بتلحق.
> الكورة بعكسها ليكم معاها (كاتلوج).
> زي باص هيثم مصطفي حفظه الله ورعاه ....(التمريرة) معاها هدية عبارة عن رصيد مجان.
> وكرتونة حلاوة.
> ليه ..تمريرة هي وإلا قولة خير!!.
> في مهاجم خطير قال لي هيثم مصطفي دا ما شاءالله عليه ...(تمريرتو) زي ما يطلبه المستمعون.
> تك...ترك.
> جيب قون.
> زي ايصال الصور ...تسلم الايصال ..تستلم الصور.
> التسيلم فوري.
> والله الشغيل دا يلعب رأس حربة مع هيثم مصطفي يبقي هداف البطولة.
> زول ما شاءالله عليه.
> تمريراته (ساحرة) غير القيادة.
> بهاءالدين بقي يتألق.
> اعلام المريخ دا ساكت كان عاوز يضيع لينا الولد.
> عليكم الله هسع وقت تشوفوا (بهاءالدين) دا بتألق كدا ..ما بتتأسفوا على (الحضري).
> زول عمرو اربعين سنة يعني عمر بهاءالدين في اتنين.
> كمان بهاءالدين ما عليه أي (غرامة).
> لا غرامة لا شيك.
> ما علينا.
> نرجع لمعسكر المريخ في قطر ..وثورة (الكبابي).
> كبابي عملت فيكم كدا ..سادومبا يعمل فيكم شنو؟.
> لكن مع ذلك ح افاجأكم انا.
> الكلام القاصدو انا ..ما عن (الكبابي).
> الكبابي دي جاءت عرضا.
> بدون أي مناسبة يعني.
> بس عشان تذكروا المعسكر.
> المعسكر بتاع قطر دا لو بتذكروه ....محمود سعد (وش السعد) كان قال فيه تصريحات غريبة.
> محمود سعد كان وقتها قد صرح لقناة الجزيرة (سامر العمرابي) وقال ان بعض لاعبي المريخ دون قامة المريخ.
> وقال محمود سعد ان تسجيلات المريخ ادارية وانها تمت بعيدا عن توصيته.
> وقال محمود سعد ...انه لا يستطيع ان يعد احد في المريخ ببطولة خارجية.
> طيب انت (وش سعد) على شنو؟.
> وحتي نجعل هناك (رابط) بين هذا الكلام وكلام اخر.
> نقول ان مدرسة التدريب المصري ترتبط عند المريخاب بالجانب المعنوي وهي تعتمد اعتمادا كليا على (التصريحات).
> وتصريحات المدرب المصري مصطفي يونس التي قال فيها ان المريخ سوف (يعيط) كثيرا مازال صدي هذا الصوت باقيا في اذان المريخاب.
> وقد عيط المريخ ...وصدق مصطفي يونس في (تصريحاته).
> لذا كلما اتجه المريخ الي المدرسة المصرية وتعاقد مع مدرب مصري انتظروا من ذلك المدرب ان يأتي ويقول : (ان الهلال هذا الموسم سوف يعيط).
> لكن كل الذين قادوا المريخ من المدرسة المصرية لم يقلوا ذلك.
> درب المريخ احمد رفعت ودربه محمد عمر ومحمود سعد والان يدرب المريخ حسام البدري ..اي واحد في ديل ما قال ان الهلال سوف يعيط هذا الموسم.
> عشان كدا المريخاب هسع عندهم عقدة من (العياط).
> الاسوأ من هذا ان المدرب حسام البدري من معسكر المريخ في الجماهيرية العربية الليبية اعاد تصريحات محمود سعد.
> يا اخوي يا حسام البدري انت الناس متوقعين منك تقول تصريحات زي تصريحات (مصطفي يونس)..تقوم تقول ليهم تصريحات زي تصريحات محمود سعد.
> انت قايل الجماعة ديل ناقصين (احباط).
> شنو الاحباط دا.
> انت تاني عاوزهم يركزوا في (الطابق التاني).
> تاني عاوزهم يكتبوا عن (النجيلة).
> لكن حسام البدري قال شنو؟.
> حسام البدري ..قال نفس الكلام القالو محمود سعد.
> حسام البدري قال في المريخ لاعبين دون قامة فريق المريخ.
> وقال انه لا يعد المريخاب ببطولة خارجية هذا الموسم.
> وقال مستوى لاعبي المريخ ضعيف.
> انت يا حسام البدري ...انا عاوز اسألك سؤال..(الحضري) دا داخل في تصنيفك دا وإلا برة التصنيف.
> برضو الواحد عاوز يعرف.
> الحضري خلي.
> ساكواها دا ..انتوا ما قلتوا كويس.
> في داعي يا حسام البدري تقول كلامك دا ...احبطت جمال الوالي.
> جمال الوالي افتكر بي تسجيلاتو دي يجيب الممتاز.
> 8 بطولات ممتاز ...المريخ جاب منها بطولة واحدة.
> دي زي الزول البطلع من الصباح ويرمي (السنارة) في البحر.
> اخر اليوم كدا ...ومع المغربية يجيب ليه (صيرة).. سمكة بتتكون من رايحة (اسماك).
> عينة بس.
> صاحبكم يشيل (السميكة) ويمشي على البيت.
> في البيت المدام تلاقي شايل (القفة)..تقول ليه : اها ان شاءالله خير.
> يقول ليها : والله الليلة البحر قايم ...غير (السميكة) دي ما طلعت بي حاجة..جيب لي جك الفول ..النلحق الفول قبل ما ينتهي.
> المدام تقول ليه : انت تعال هنا البحر دا ما بقوم ليك إلا انت ...الغريبة جارنا ود اليسع كلو يوم برجع وقفتو مليانة من السمك.
> احرجتني مع زوجتو.
> لو دي طريقتك عليك الله ما تمشي البحر تاني ..شوف ليك (كوتشينة) قضي فيها (عصريتك) دي.
> الولد قاعد بسمع في الكلام ..يلفح طرفو ..ويقول لي امو والله يا حاجة الحاج يمشي بي حظو دا الكوتشينة يجيك راجع بي (17) كديس.
> اخير ليك هسع ..برجع ليك بي (صيرة).
> والصيرة احسن من الكدايس.
> هسع (صيرة) الزول دا ..زي كأس المريخ.
> وجمال الوالي حظو زي حظ الزول دا.
> عليكم الله لو جمال الوالي دا حظو ما كعب ..حسام البدري بقول كلامو دا.
> بعدين حسام البدري ما غلطان.
> يا جماعة حسام البدري ماشي ليبيا يعسكر بي فيصل العجب.
> فيصل العجب وعصام الحضري.
> كورة هي وإلا المتحف القومي.
> المشكلة الما عارفنها انتوا ..انو حسام البدري دا لما يرجعوا ليهو لاعبو الفريق القومي ح يقول كلام اخطر من الكلام القالو دا.
> ح يكون احباطو اكبر.
> يا جماعة لما (الشغيل) يرجع من المنتخب الي المريخ ..تتوقعوا حسام البدري يقول شنو؟.
> حسام البدري ح يقول لاعبو المريخ في المنتخب مستواهم اقل من مستوى لاعبي المريخ المعسكرين في ليبيا.
> يعني مفروض يا مريخاب تحمدوا الله انو حسام البدري ما شاف (الشغيل).
> لو شاف الشغيل كأس السودان بقنع ليكم منو.
> لكن ولا يهمكم.
> عشان تخرجوا من الحتة دي ..رأيكم شنو يا مريخاب تدخلوا (حسام البدري) كورس.
> علموه يقول : الهلال السنة دي ح يعيط...يمكن عقدتكم تتفك.
> لكن بالجد كدا...انتوا مع جمال الوالي ما تفكروا في حاجة كبيرة.
> اكبر حاجة يمكن تفكروا فيها مع جمال الوالي هي اعادة تأهيل (الطابق التاني).
> اقول ليكم حاجة (محبطة).
> المتظاهرين في ميدان التحرير ...كان بطالبوا بي (غرامة الحضري).
> يعني ما تفتكروا الموضوع انتهي.
> لسه ...الموضوع دا فيه حاجات غريبة.
> اصبروا انتوا.
> وما تمشوا تحضروا المسلسل التركي.
> المسلسل التركي هسع ذنبو شنو؟.
> ملحوظة: نحن في انتظار تصريحات عصام الحضري.
هوامش
> يظل عمر بخيت مثال للاعب الخلوق والمتلزم ...والذي يقوم باداء واجبه على امثل وجه.
> تخيلوا ان عمر بخيت كان لا يختار للمنتخب الوطني.
> لاعب بكل هذا الوعي التكتيكي ...كان بعيدا عن المنتخب.
> وابتعاد بشة الان من تشكيلة المنتخب يتضرر منه السودان.
> مهند الطاهر ايضا يقدم اجمل المستويات.
> اما اروع الثنائيات فهي تتمثل في ثنائية مساوي وسفاري.
> عليك الله يا سفاري الجابرك على اللعب مع طارق مختار شنو؟.
> اخير ليك العب مع سيف مساوي.
> بقيت تتضحك ..فرحان.
> ليك حق ..مرتاح ..بتلعب مع مساوي تاني عاوز شنو؟.
> بهاءالدين محمد عبدالله الي الان هو افضل لاعب في البطولة.
> بهاء الدين في كل الظروف يحتاج الي تكريم.
> ايضا هناك بصمة يجب ألا نجهلها في المنتخب وهي البصمة الواضحة للمدرب القدير مبارك سليمان.
> هذا مع الاحتفاظ الكامل بمجهود مازدا وبفضله في هذه النتائج التي خرج بها المنتخب.
> البطولة بدأت ضعيفة ..لكنها تتقدم الان بصورة واضحة من مباراة الي مباراة.
> نتمني ان تكلل بفوز المنتخب السوداني بالبطولة.
> الدكتور كمال شداد كما نشر في صحيفة الهلال رشح المنتخب للفوز بالبطولة.
> وشداد ما بتكلم ساكت.
> يعني كمال شداد زول ما بجامل وهو غير متفائل بطبيعة الحال ..لكنه مع ذلك رشح المنتخب للفوز بالبطولة.
> تحفيز لاعبي المنتخب يجب ان يكون بصورة ملموسة.
> الدولة يجب ان نحفز لاعبي المنتخب بما يستحقون ...وليت أي لاعب يمنح قطعة ارض مع منح الجهاز الفني للمنتخب قطعة ارض لكل عضو ان تحقق الفوز بالبطولة.
> اما الجماهير فقد ظهر دورها ..وهي غير مشحودة للمنتخب.
> عاوزين نفرح.
> الوطن يحتاج الي ان تفرحوه بعد هذه الجراح.
> شيء اخر ..هيثم مصطفي حفظه الله ..بقيادته وسيرته ...يحتاج ان يحقق بطولة مع المنتخب بعد ان وصل بها الي غانا.
> نعم نحتاج الي كأس البطولة لعوامل عديدة ...ومختلفة.
> اهم تلك العوامل.
> ان المواطن السوداني عاوز يفرح.
> مباراة المنتخب القادمة هي اسهل من المباريات التي لعبها في المرحلة الاولي.
> لذلك فان تأهل المنتخب للمرحلة القادمة متاح بشكل اكبر.
> الذي يدفعنا الي ذلك تألق بهاءالدين وسفاري ومساوي وهيثم مصطفي ومدثر كاريكا.
> لاعبو المنتخب بقدمون افضل ما عندهم في هذه الايام.
> هل مازال الهلال بدون مجلس ادارة؟.
> خبر عاجل: يا القذافي ..اعمل حسابك ...(العوارض) معسكرين عندكم.
مواضيع مماثلة
» مهاجمة المنتخب الوطني من اجل حسام البدري
» نلعب ليكم مع مازيمبي تاني ..!!
» البدري ومشي الحضري بمشي متين ..!!
» نلعب ليكم مع مازيمبي تاني ..!!
» البدري ومشي الحضري بمشي متين ..!!
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الإثنين أكتوبر 11, 2021 5:53 pm من طرف طارق حمزة
» محمود محمد عبدالرحمن
الجمعة سبتمبر 11, 2020 11:05 pm من طرف طارق حمزة
» الحاج بدري عثمان
الخميس يونيو 11, 2020 3:43 am من طرف طارق حمزة
» مجرد راي
الجمعة مايو 29, 2020 3:15 am من طرف طارق حمزة
» حنفي عثمان طه
السبت مايو 18, 2019 10:12 pm من طرف طارق حمزة
» الملك الاعرج
الأحد مارس 17, 2019 7:25 pm من طرف طارق حمزة
» تقرير اداء المنظمة لعام 2016 / 2017
الأحد مارس 17, 2019 7:23 pm من طرف طارق حمزة
» صلة الارحام
الأحد مارس 17, 2019 2:44 pm من طرف طارق حمزة
» الإفطار السنوي للجمعية
الأربعاء مايو 30, 2018 5:36 pm من طرف طارق حمزة