دعوات الاهلة تحمي يوسف محمد

< سيد البلد ينوي السفر الي الامارات

< صاحب المقام الرفيع بكل جماله ينزل ضيفا علي اهلنا الحلوين هناك

< والصحف الحمراء تتابع يوسف محمد حقدا لانها لاتنشر اخبار الهلال ولاتهتهم به!

< اظنهم ينظرون خروجه بلا عودة وفيهم من فرح وانشد للخبر

< المحيرني الجماعة ديل متفقين حتي علي الشر وسيناريوهات كلها شتل في شتل

< تقرأ روحك تطلع.. قالوا حرب نفسية!

< والنفوس الحاقدة لاتتنفس الا حقداً.

< لو كان الامر بيدهم لدفنوا الهلال وساروا في جنازته.

< هذا الهلال يعذبهم جدا

< رغم مليارات تسجيلات الموسم السابق والتي صرفها المريخ فالهلال يكسب الممتاز ودوري السودان ويتوج ثالثا لافريقيا

< مسالة عجيبة فعلا حاجة تجنن هؤلاء السادة لايعرفون عظمة الهلال ولا مكانته.

< والهلال قوة بصبره ومثابرته.. والهلال سادتي قمة ذات طابع خاص

< الهلال ده خائفين يقتل ليهو زول

< اعداء الجمال في كل الاماكن ضد الهلال حتي في اتحاد الكرة والتحكيم!

< يصرفون المليارات وصاحب المقام الرفيع يصرف الملاليم وبرضو زعيم

< صدقوني اتفاءل بمليارات المريخ كلما دفع المريخ مليارا اضافي استطاع الهلال ان يفوز ببطولة

< وشتان مابين ناس المليار وناس الغيرة والاصرار

< حب الهلال يجري في عروق الملايين وتخيلوا حتي الهلالاب تقول بعض الاحاديث ان دمهم ازرق

< كم من مباراة كسبها الهلال واحبطت لجان الاتحاد العام

< ناس (اخونا داك) اهل العداء السافر لصاحب المقام الرفيع

< يوسف محمد الله يديك العافية قدر الهلال وقدرك ان تصاب

< اذا كنت مصابا تعذبهم وتبهدل حالهم ووارغو المليارات بكل صحته وعافيته لايستطيع ان يفرحهم اليس هذا وحده يكفي

< الناس الفرحوا لاصابة هوت اذكرهم بهزيمة الدافي

< كل من وجه للهلال سهام الحقد والكراهية ارتدت اليه والمغالط ينتظر بداية الموسم

< شيخ الامين حالف السنة دي يعمل حاجات جديدة. يعانق هيثم ويرقص مع امبيلي ويرطن رطانة العجم مع سادومبا

< الهلال ياجماعة ابو الروائع.. وسيد الجمال

< البحارب الهلال يستعد للسهام التي ترتد عليه.

< من زمن يوهانس ووالي الدين والعوني نحن صابرين لكن المرة دي الهلال سيتعامل بنفس السلاح

< عارفين سلاح الهلال شنو!

< الاعداد والقوة والاصرار والدعاء

< سلاح خطير والنوايا صافية

< لاتحاولوا ان تنظموا سيناريوهات المواسم السابقة مع النيل.. جزيرة الفيل وغيرهما.

< السيناريو عندنا في الهلال اسمه سلاح الاصرار والدمار!

< سيناريو ناس اللعبة الحلوة والفن الرفيع الذي يقدمه صاحب المقام الرفيع

< عزف لطيف وموجود مع اغاني سيد البلد.

< مافي زول يحاول.. كشفنا كل المحاولات.

< ويوسف محمد مصاب.. والاصابة قدر كل لاعب

< يوسف عائد باذن الله احسبوها بالورقة والقلم

< اذا كان العجب العمرو 38 سنة من غير الاجازات عاد

< يوسف محمد الشاب الواعد مايعود ليه

< ماتطمئنوا علي حالكم انه اسوا حال ويحتاج الي مليون مقال

< لكن نحن اهل طيبة ومودة وصدقوني بنحبكم

< في زول مابحب ضلو

< في زول مابحب وصيفو

< ما انتو الناس الطبقنا فيهم الهدف الذهبي الاول والاخير في الملاعب السودانية وتسلم يازاهر مركز

< وتاني لو جابو الهدف الذهبي ندخل فرفور التشكيلة

< ولاشنو يافرفرة

ايقاعات خفيفة

< الاخ صديق علي صالح اتمني ان يحترم الاصدقاء عندما يتصلوا به ليداعبوه

< كل مصر تهتف لجدو الشاب في مصر وجدو طمبل في المريخ قاعد ساهي

< اكثر من يهمني في معسكر المريخ اكرم وان شاء الله لايطل برد ولا مطر

< اخوانا محجوب والد المعز ينتظر مليار لاعمار الدار وطبعا ده شعار المريخ

< كثيرا ما اسال نفسي اين الرجل الراقي ابومرين ولماذا يمارس الصمت

< لو كنت املك وردة زرقاء بكل معايير الشفاء والمودة والعطاء لاهديتها للعزيز محمد احمد الطاهر ابوكلابيش

< من اجمل هوايات صديقنا بحر وجبة الفول مع الهلالي الرائع عادل عمرابي في تسابيح

< عزيزي العمدة انت الان تملك القرار والمنصب الرفيع انه امتحان عسير

< مجموعة من الاعلاميين والهلالاب قررنا ان ندعم الوقور جمال الوالي بقضاء يوم كامل في دائرته ومناشدة الاهلة للوقوف معه لان الهلال هو هلال الوطن..وجمال واحد من ابناء الوطن الجميل

< مواطن عادي جدا اعلن انه فارس الساحة وحول دار الرياضة بالجموعية الي منازل لسيارته والشباب صامت ولن نترك القضية انها قضية مستقبل الشباب والمؤتمر الوطني ووالي الخرطوم ومعتمد امد رمان وبدا جمع التوقيعات للمواجهة.. وعلي اعضاء منطقة الجموعية خوض المعركة او تقديم استقالتهم

< طبعا لان المسالة ليس فيها مناديب ولا تعويضات ولا ملايين لن يتحرك اصحاب المصالح.

< عزيزي السقيد لك التهنئة بالعودة الي الاضواء

< عزيزي شاذلي عبدالمجيد اين انت!!

هل من مؤتمر صحفي جديد!!

من طرف مدثر البوشى الأربعاء فبراير 03, 2010 1:56 am

لك عاطر التحايا يا باش إنت عارف ليه ناس الأمارات طلبوا الهلال؟ ع ش ا ن بيفتشوا في ا ل ط ي ش Laughing

لو كان كلامك مضبوط كان الاحق اختيار المريييييخ لانه معروق طيش المجموعات و الممتاز و كاس السودان يعني وصافة تكعيييييييييييييييييب

دعوات الاهلة تحمي يوسف محمد

دعوات الاهلة تحمي يوسف محمد

رد: دعوات الاهلة تحمي يوسف محمد

رد: دعوات الاهلة تحمي يوسف محمد