الليلة.. (ايفوسا) جاااااكم...!!

يحمد للإعلام الهلالي اهتمامه بأخبار الزعيم سيد البلد أكثر من اهتمامه بفريقه الذي لا حول ولا قوة له.
الاعلام الهلالي اهتمامه بنجوم المريخ النيجيريين فاق اهتمامهم بمصير فريقهم الذي خسر اولى تجاربه الاعدادية مع فريق صاعد هذا الموسم للدرجة الاولى لاول مرة.

قالوا الذين لعبوا ضد النسور ليست لديهم علاقة بالهلال وعلى سبيل المثال اللاعب سولي شريف.

هلال زريبة العيش مشكلته يا سادة مشكلة كبيرة قوي.. الجماعة ديل فلسانين وقاعدين على الحديدة والدليل (ايفوسا).

وين الملايين التي في امكانها من توفر لهم لاعبين على مستوى وسعر (استيفن وارغو).

وين ووين الملايين.

زمان فلقوا راسنا باللاعب ابو مليون دولار قام الوالي جاب لينا لاعب يوزن لاعبهم ثلاث مرات ونصف.

والغريبة حتى اليوم لم نسمع شيئا عن ذلك اللاعب.

حبوباتنا الكبار زمان كانوا يقولوا (قبح الله الفقر).

كل زول يمد كراعو قدر (ايفوسا).

بختك يا نعيم الدنيا شفت الفايدة الجاتك من وراء الزعيم؟ حالتك لسه ما جيت المريخ.

ويبقى الزعيم وحيدا في الساحة يحرك الاحداث على كافة المستويات.

قالوا ناس كادوقلي هددوا بالانسحاب من الدوري الممتاز لانو ما جايب حقوا.

معقولة؟ وتعب (الارباب) دا يروح ساكت.

ما ليكم حق والله يا هلال الجبال.

كدي (هلال الملايين) حيخسر كتير.

شاوروا (الارباب).

فاضل كم يوم لي يوم 18 في الشهر الجايي.

امبارح كان يوم كم؟

الخلعة ما تكتلكم؟ لسه باقي شهر.

الزعيم يجري استعداداته على نار هادئة.

الاجانب لا خوف عليهم اسبوع واحد ويدخلوا الفورمة.. ما تشيلو هم عليهم.

المهمات التي تنتظرهم يخبرونها تماما (ووارغو) قال لو تتذكروا البطولة الافريقية عبارة عن محطات وكل محطة تتطلب نوعا من التعامل.

ناس (زيبة العيش) كلام زي دا ما بفهموهوا جيبوا ليهم مترجم، إن شاء الله (قودوين).

جماهير الصفوة يجب ان تشكر المدرب البرازيلي كومبارس ولا كبوتشي ولا كامبوس ولا اسموا منو كابوس بسبب ابقائه على الماسورة امولادي وجاتك في جرح يا بله قشة ما تعتر ليك.

هل الغى الهلال تجربته الاعدادية المعلنة امام الجريف؟

الهلال يا جماعة عاوز ليهو فريق يتغلب ليهو عديل كدي فمن يجد في نفسه (الكفاءة) عليه بتقديم نفسه على ان يراعي الهلال (ظروف) الفريق المتطوع.

قالوا من هسع المريخ حيفوز ببطولة (سيكافا) شوفوا جنس الهضربة دي.

إذا هل لن يشارك الهلال لان (الارباب) يعلم سلفا فان فريقه المتهالك لن يقوى على ملاقاة الزعيم اذا افترضنا بان الهلال في امكانه ان يصل للمباراة النهائية وهو يعلم بان فريق المريخ يعتبر ان بطولة (سيكافا) ماهي الا تمارين للبطولة الكبرى وان مستوى نجومه يؤهله للصعود للنهائي؟

المريخ هين.. انتو تصلوا كيف ولم يسبق لكم ان تشرفتم باللعب في نهائي أي من الدورات السابقة التي شارك فيها الهلال؟

نادي (زريبة العيش) مرعوب من المريخ؟

الهلال يسعى بكل الطرقات المعروفة للفوز ببطولة الدوري الممتاز.

والمريخ يسعى بكل الطرق المشروعة لتحقيق حلم جماهير الشعب السوداني وهو الظفر ببطولة الاندية الافريقية.

المريخ والهلال خطان متوازيان.

ماهي العلاقة بين حفياني وكواريزما.

فريق مرقع، نجيلة مرقعة، مجلس مرقع.. الجماعة ديل تبع ياتو طريقة؟

ما تقولوا دي الطريقة (الاربابية الاصلاحية الاحمدية الادريسية).

معسكر المريخ كيف يا شلبي.. طمنا اول بي اول.

اخبار الملك فيصل شنو؟

إذا (شداد) عاوز ملعب استاد المريخ يمتلئ على سعته في يوم مباراة الصقور غدا السبت فما عليه إلا ان يعلن عن فك قيد اللاعب الخلوق (قلق) وحيشوف الجماهير دي حتعمل شنو.

(قلق) مظلوم يا دكتور والشعب السوداني لا ينسى ما فعلته من قبل باللاعب فاروق جبرة.

(الصفوة) لا ترحم من يعادي فريقها والتاريخ لا يغفل عن تسجيل الاحداث.

اجعل تاريخك ناصعاً يا (شداد) قدر الامكان واترك من خلفك بعض من الذكرى الجميلة الطيبة.

المطرب الراحل المبدع ابراهيم عوض يقول في احدى اغنياته الذكرى الجميلة لو تعرف معناها.

(شداد) ليس له اعداء وليس له خصوم الا ان الشعب السوداني الرياضي كله يكرهه.

أما الذين يحبونه فهؤلاء ربما يكونوا من (المجنسين).

رسائل الصفوة تتدفق من داخل وخارج الوطن واهلا بهم.

بكرة اتحدث عن اقتراح من بعض الصفوة وهو تخصيص جانب من طابق شاخور للأسر المريخية ونسائهم وبناتهم اثناء فعاليات دورة (سيكافا).

أيها الصفوة ان الظلم والفساد والفوضى والعبث بالقانون تقابلها ثورة لا تبقى ولا تذر.. ما فائدة المثالية والصفوية في مجتمع الغاب هذا؟ (الزهاوي 0916019906.

عشان مرق شطبوا ريتشارد وعشان يرجع ريتشارد شطبوا مرق وداخلها مفقود وخارجها مولود (خالد ارقو 0911350293).

أيها الصفوة هبوا لحماية ناديكم واقتلاع جذور الفساد الهلالي في الاتحاد العام لا تنتظروا مجلسكم الذي يجامل على حساب ناديكم.

يجي طيش المجموعات سنويا ويهرب من امام اضعف الفرق داخليا وخارجيا وينهزم من بغاث الفرق وبرضو يسموه سيد البلد وهو سيد الفضائح.

يا استاذ موسى السراج ايفوسا لمن كان بالمريخ سموه ايبولة ياربي بعد ان تسجل في الهلال يسموهو شنو (0912678660).

مواسير الهلال دي ما لقوا ليها مغلق اقصد فريق يخزنوها فيه (0121864140).

الليلة (ايفوسا) جاكم.

عمو (ريتشارد) كيف؟

وانكسر المرق واتشتت .. (وووب الليلة).

يا مريخاب ارعوا بقيدكم البلد باسيادها ما تطالوا عليهم اصبحتوا تتفاخروا بالقرشين الظهرت فجاءة مامعروف جاءت من ويين وبكره يسالوكم من اين لك هذا وبعدين تدخلوا في الجاز اهدانا والدقير اكرمنا وفلان وعلان ...... والشي العجيب تفتكروا ان الكرة قروش وبس اذا كان النظرية دي صحيحة كان وارغوا جاب لكم كاس العالم بس الوصيف يظل وصيف وثانيا انا استغرب تتحدثوا عن تسجيل ايفوسا ونحن جربناه 6 شهور في وضح النهار و عيني عينك يا لصوص اللاعبين مش ذي الخفافيش سرقتوا كلتشي في الظلام اما هزيمة النسور انتم عارفين نحن لعبنا باللاعبين تحت السن وحتي كانوا يتسابقوا ليسجلوا في الهلال لينالوا الشرف الرفيع اما سولي شريف والاربعة الذين لعبوا في الشوط الاول وكان الهلال فايز بهدف ولما تفوق النسور في اخر الشوط الثاني لايوجد لاعب واحد اساسي وياخي نحن قبلانيين بكده وفرحانين بتجربتنا الاعدادية واطمينوا انتم علي كده وقابلونا يوم 18/7 واذا مقتاظين من ايفوسا الراجل قال ماعايزكم بالقوة يلعب معكم وتاخذوا جنسيته واوراقة عشان ما يسجل في الهلال واقولها لكم من الان لا كاس افريقيا حاتلقوه ولا كاس الدوري احسن تشفوا كاس الاغاثة حقكم دا (سيكافا ) قبل ما نغير راينا نشترك فيه و حتى دا يطير منكم .

أخى ود الدوم لك التحية والإحترام

اولا انتو أى كأس جابو الزعيم بتقولو كأس إغاثة وكأس صفيح ما أنو انتو أو الهلال شارك تقريبا فى كل
الكأسات وخاصة كأس سيكافا وكنت بتطلعومن بداية اابطولةوهذا للمعلومية
وفى مثل بقولك المابتلحقو جدعو زيكم كدة
أما بالنسبة لمشارتكم فى سيكافا أى مريخابى كان بتمنى مشاركتكم لكن ايه الفائدة ما خايفين من الزعيم
صاحب البطولات المحمولة جوا
ويا يوم 18 ما تسرع عشان نخليكم تشوفو النجوم فى عز النهار

أخوك عبد المحسن

الليلة.. (ايفوسا) جاااااكم...!!

الليلة.. (ايفوسا) جاااااكم...!!

رد: الليلة.. (ايفوسا) جاااااكم...!!

رد: الليلة.. (ايفوسا) جاااااكم...!!