اطلاق سراح عبد الحكيم

من طرف عماد حامد الأربعاء مارس 11, 2009 11:06 pm

تم اطلاق سراح الاستاذ المحامي عبد الحكيم نصر السكرتير الاعلامي للجنة مناهضة سد كجبار في منطقة المحس صباح اليوم من معتقله في دنقلا وكان قد اختطف ليلا قبل ايام من منزله في قرية تولا المحس.
وانتفض النوبيين داخل وخارج السودان لهذا الاعتقال الغير عادل وارسلو رسائل قوية للحكومة بضرورة الافراج عن عبد الحكيم .
حمد الله علي السلامة يا زعيم.
منقول من المنتدي النوبي

من طرف **Admin** الخميس مارس 12, 2009 4:05 pm

لك التحية يا عماد من ارض الحرمين

والف سلامة للاخ عبدالحكيم عبدالرحمن وبلغ تحياتي لكل الاهل بالسودان

اخوكم عبدالحميد شرف الدين

من طرف **طارق حمزة** الخميس مارس 12, 2009 4:33 pm

الاخ عماد لك التحية والتقدير

اخي وابن اختي عمدة مليوووووووووووووون مرحب والف حمدلله على سلامة الاخ عبدالحكيم وحقيقة اطلعت على النت كل الاخبار وعبدالحكيم دون العلاقة الاسرية الحميمة عاشرته عن قرب في المرحلة الثانوية فهو نوبي جسور وله افكار هادفة وهو صلب في الدفاع عن افكاره وله كل الود والاحترام وتحياتي لكل الاهل بالبلد ............. اخوك طارق

من طرف **طارق حمزة** الأحد مارس 15, 2009 2:00 am

لكم التحية أخى عماد وللاستاذ عبد الحكيم........ الف تحية وتحية وحمد الله على السلامة اخوك عارف مختار

من طرف عماد حامد الإثنين مارس 16, 2009 2:09 am

شكرا الخيلان عبد الحميد،طارق،عارف،الحمد لله عبد الحكيم رجع الي تولا بخير بس كلاب الامن ضربوه وعذبوه وعندو مشكلة في اذنو من الضربة وجايي الخرطوم اليومين ديل ،بس الشي الهم ما عارفنو الاعتقال والضرب ما بيغير من مبادي زول صامد مثل حكيم.

أخى الاستاذالفاضل/ عبد الحكيم
الف حمد اللة على سلامتكم وما تشوف شر . لك االتحية وللاهل بتولا وفقو وكباجة وعبركم اجمل الامانى للابن الاستاذ عماد حامد .

من طرف عارف مختار الثلاثاء مارس 17, 2009 1:11 am

أخى الأستاذ / عبد الحكيم لك التحية والدعوات الطيبات الصالحات باذن الله بان تكون بعيدا" عن مرماهم ..

وفقكم الله لما فيه خيرالمنطقة والسودان . تحياتى للشبل إبن الاسد الاخ عماد والصديق اللدود عبد المتعال والاهل جميعا" وللاخ طارق محمود الذى أتاح لنا التواصل ألف تحية وتحية ودمتم

عارف مختار مكة المكرمة

ألف حمد الله علي سلامتك الخال العزيز الاستاذ المحامي الشجاع عبد الحكيم عبد الرحمن نصر وندعو لك بالصحة والعافية وأهلنا جميعا بالمحس عامة وتحياتي للاخ الغالي عماد محمد حامد إخوك محمد عبد الصادق عبد الكريم إبراهيم

من طرف انشراح الأربعاء مايو 20, 2009 8:12 pm

عماد حامد كتب:
،بس الشي الهم ما عارفنو الاعتقال والضرب ما بيغير من مبادي زول صامد مثل حكيم.

سلامات ياعمدة
طيب طالما انت عارف انو الضرب مابيغير من مبادي زول صامد وبالاضافة على انو عامل فيه مناضل
ليه خلى مناضلتو وهرب بره البلد ,,, ماكان يصبر وناضل ويلم الناس حولينوا اكتر ويثبت للناس انوا هو قلبوا
عليهم وعلى البلد ولا الموضوع جعجعة وطول لسان في الفاضي ...........

من طرف عماد حامد الخميس مايو 21, 2009 12:49 am

يا استاذة انتي زعلانة علي خروج عبد الحكيم من المنطقة ولا دايرة تتريقي؟ وضحي عشان ارد عليكي.
والكلام الكبير كبير دة ركزي فيها شوية (الجعجعة وطول اللسان

من طرف انشراح السبت مايو 23, 2009 5:02 pm

عماد حامد كتب:يا استاذة انتي زعلانة علي خروج عبد الحكيم من المنطقة ولا دايرة تتريقي؟ وضحي عشان ارد عليكي.
والكلام الكبير كبير دة ركزي فيها شوية (الجعجعة وطول اللسان

[b]ده بناءا على كلامك يا سيد عماد قلت انو صامد وما حيقدروا يغيروا من موقفوا شي طالما انت متأكد من كده
هو ليه هرب برة البلد وين صمودوا ولا كلام وبس ليه ما فضل وسط الناس واثبت نضالوا ولا المناضلة بالكلام ...[/b]

من طرف عماد حامد الإثنين مايو 25, 2009 3:47 am

انا لسة بقول انو الضرب والاعتقال ما بيغير قناعات زول متمسك بي قضية ومبدء ولعلمك دة ما المرة الاولي يعتقلوا فيه عبد الحكيم الزول دة اعتقلوه في عز قوة الانقاذ ورغماً عن ذلك ظل متمسك بي قضيته وضحي بي مستقبله ومهنته اما خروجه الآن وليس الهروب كما تدعي ليس خوفاً من الاعتقال انما لاسباب موضوعية معروفة لكل اهل المنطقة ولكل المناهضين، ويا ست النضال ما عندو حدود جغرافية الزول الداير يناضل بيناضل من اي حتة في العالم.

اما بموضوع الهروب انا كنت ضمن المجموعة السافرت ما عبد الحكيم وكلنا رجعنا ما عدا حكيم وذلك بالظروف الذي جعله يتاخر في سويسرا (يعني لو كنا دايرين نهرب زي ما بتقولي انتي كنا هربنا)
ولعلمك النضال عندنا بدون مقابل مافي زول بيناضل من اجل مصلحة شخصية ولا من اجل المظاهر والمناضلين عارفين انو طريق النضال ما ساهل بس ايمانهم بالقضية بيخليهم صامدين.

سوف اناضل الي ان ينبلج الصبح

[((لابد ان يثور المذبوح على ذابحه ... والقبر على حافره ...... وان يرفض الميت موته ... وان يعض الجرح على نصل الخنجر...... ))

من طرف انشراح الثلاثاء مايو 26, 2009 8:03 pm

اخي عماد لك التحية
كل كلامي بناءا على كلامك ثانيا اي صمود هذا وهو خارج البلاد وانت تدعي انه لم يهرب
فماذا تسمي سفره اذا تغير جو مثلا يعني حسب كلامك عبدالحكيم حيرجع السودان بعد شهر او شهرين بالكتير هل يعقل هذا ................
انت قلت في مداخلتك انو المناضلة مالها حدود جغرافي وايضا قلت انو البناضل مابيناضل عشان
نفسو طالما هو مابيناضل عشان نفسو ومناضلتو من اجل الناس ليه خلاهم وبعد عنهم كيف حيأخد للناس حقوققهم وهو بعيد عن البلد معقول ,,
اثبتوا للناس حسن النية والقصد من السفر عدم الهروب وانو هو لسع صامد وحيرجع ويعمل للناس
والمناضلة ما كتابة منشورات وبس الناضلة فعل والناس دايرة تشوف مش تقرأ ...
عزيزي عدم فهم ردودي بالغل والتفسير الخاطي كل الذي اريده انا وكل القراء هو فهم مضمون
الموضوع ,,
احساسي من ردك السابق انك شلت في نفسك يا خي الدنيا ما بتستاهل لو زعلت لك العتبى حتى ترضى[i]

من طرف baqiomer الأحد مايو 31, 2009 4:19 am

حمد لله على سلامتك يا عبد الحكيم و قدر ولطف [right]

اطلاق سراح عبد الحكيم

اطلاق سراح عبد الحكيم

الف سلامة للاخ عبدالحكيم

اطلاق سراح عبدالحكيم

إطلاق سراح الاستاذ

رد: اطلاق سراح عبد الحكيم

رد: اطلاق سراح عبد الحكيم

إطلاق سراح الاستاذ

رد: اطلاق سراح عبد الحكيم

رد: اطلاق سراح عبد الحكيم

رد: اطلاق سراح عبد الحكيم

رد: اطلاق سراح عبد الحكيم

رد: اطلاق سراح عبد الحكيم

رد: اطلاق سراح عبد الحكيم

رد: اطلاق سراح عبد الحكيم