صورة الصحفي في حزب حاكم

[right][b]واحد اسمه ..... مش مهم
قال بحب خربو الفلاني
وعاش يسبح بالاسم و الحزب قال ده عيونو طيبة
وفيها لمحات من فصاحه و ده المؤهل للمحرر في الصحافة.. وشغلوه في الصحافة
وشغلوه في الصحافه و ادوهو صفحة كبيرة اعرض من شقانا
و برضو ادوهو الامان .. فجاة اتنكر لحزبو
وراح يطبل للحسان .. مرة يكتب عن عيونهم .. ومرة عن لمعان سنونهم
ومرة صورةى واحدة واقفة .. ومرة باركة. ومرة راقدة و مرة تمضع في اللبان
وفي النهاية الحزب طنطن وعض ايدو وقال :ده كلب البنسي سيدو رقابة مافي.. انقلوه للمطافي
وفعلا... سلموه جواب بسيركي و لم عفشو وحاول يبكي
الا اتذكر وزير ودكاسو واكثر
في الحزب كان راجل مقدر وجاتو فكرة
يمشي لي صاحبو ويصارحو .. انه داير (السيد) ..يصالحو
وشال معاهو قزازة ويسكي ودستة بيرة و السجاير خمابالعلب الكبيرة
ولما سكروا قال حكايتو وانه لو ساب الجريدة
ينتحر ويكتب نهايتو.. والوزير راجل حنين
دمعو شبشب من عيونو لما نقط جوة كاسو
قال: طلاق .. وكمان ثلاثة الا ترجع للجريدة وتبقى طرزان الصحافة
وفي الصباح لاقي الوزير صاحبو الرئيس وبعد نصف ساعه ودقيقه
كان اخونا فلاني راجع للجريدة ..وابتدا يعدل الكتابة
مرة تطبيل لي رئيسو و مرة عن شبع الغلابة الا طبعا - والمواهب في الولد
واعدة وكتيرة... برضو يكتب فى الرياضة وفي المذاهب وفي الفنون
مرة ينقد تمثيلية بكلمة واحدة ومرة يكتب عن سبب رمد العيون
ومرة عن سر القيافة و مرة عن جدوي الثقافة الا اصلوا - ودي الحقيقة
ما كتب عن التسطح والركاكةوالتسلق و الوساطة