مواضيع مماثلة
بحـث
المواضيع الأخيرة
Twitter
فرحة هنو ..وحاج عتربة
صفحة 1 من اصل 1
فرحة هنو ..وحاج عتربة
< حاج عتربة ...حالتو صعبة شديد.
< الدكتور عاين ليه كدا ...قال ليهم : ما في أي امل ...حالة ميؤوس منها.
< ولا بجاملكم في الحتة الزي دي.
< اكذب عليكم يعني.
< الدكتور قال ليهم : الزول دا هنا ما عندنا ليه علاج...إلا تودوه برة.
< مستشفياتنا دي الحبة ما بتعملها ليك.
< احسن ليك تمشي امريكا.
< اولاد الحاج عتربة سمعوا ليك كلمة امريكا ..قالوا نحن الحاج دا إلا نوديهو امريكا.
< تاني المفوضية ما بتثبتنا.
< المفوضية هسع ذنبها شنو؟.
< المهم الاولاد اتحركوا هنا وهناك ...وقالوا نسافر امريكا.
< الحاج عتربة بسمع في طرف الكلام ..متكيف من الحكاية دي.
< يضحك زي لوح التلج.
< اول لوح التلج بضحك.
< والله البلد دي لو حصلت فيها أي حاجة ما تستغرب.
< هنو جاب قون.
< اولاد الحاج لقطوا حاجاتهم ...ولملموا قروشهم ...عملت ليهم شوية دولارات.
< برضو ما كعبة معاهم.
< حاج عتربة حالتو اتأخرت شديد ..دخل ليك في (غيبوبة) بشكل رسمي كدا.
< بقي يهضرب.
< مرات نصحأ نص الليل نلقاه طالع في التربيزة.
< دا شنو يا حاج البتعمل فيه دا؟.
< انت قايل نفسك (هنو).
< ومرات نلقاه في نص النهار طالع ليه في عربية اسعاف.
< عشان كدا الاولاد قالوا احسن نعجل بالحاج دا ونسافر امريكا.
< عمكم عتربة من سمع ليك حكاية السفر الي امريكا رفع ليك اضنينو زي غطاية حلة اللبن.
< غطاية حلة اللبن هسع ذنبها شنو؟.
< أي حاجة في البيت تقع يقولوا ليك دي (غطاية حلة اللبن)!!.
< الجماعة سافروا ..وعمكم (عتربة) في غيبوبة تامة.
< اول ما وصلوا امريكا في مطار نيويورك ...عمك فتح ..قال الواحد يا دوب شم الهوا.
< اها يا حاج نمشي على المستشفي.
< عتربة قال ليهم ابدا.
< يا زول مالك؟.
< عتربة قال ليهم ودوني احضر لي فيلم اجنبي.
< انا دي فرصة ما بضيعها...وين القي فرصة زي دي تاني.
< يا حاج فيلم شنو؟...نحن جايبنك علاج.
< قال ليهم ما في حاجة بتريحني اكتر من الفيلم الاجنبي.
< انا علاجي (فيلم اجنبي).
< الاولاد شافو ليهم سينما قريبة...ودخلوا ليهم (فيلم امريكي).
< عتربة من شاف ليك بطل الفيلم قال للاولاد : البطل دا انا شايفو في سوق الموردة.
< الاولاد عرفوا ليك عمك بهضرب.
< هسع يقوم يطلع ليه في (عربية اسعاف).
< حضروا الفيلم وطلعوا.
< حاج عتربة بعد ما طلع من السينما ..قال ليهم اسمعوا : دار الرياضة ام درمان هنا وين؟.
< الاولاد قنعوا..قالوا الموضوع اتأخر شديد.
< الموضوع اكبر من الطلوع في التربيزة.
< اليوم التاني ...الجماعة مشوا للدكتور.
< الدكتور نزل وطلع.
< وقال ليهم : ابوكم دا ما عندو أي حاجة.
< بس الزول دا خايف من (الشطب).
< لكن يا دكتور الشطب بخلي يقطع ليه قصيدة غزلية في المروحة.
< يا زول الشطب بخلي يعمل اكتر من كدا.
< ممكن عربية الاسعاف ذاتها يطلع فيها.
< وهو بكون في الساعة ديك ما شاعر.
< قايل نفسو طالع في الشارع.
< الاولاد جابو ابوهم ورجعوا السودان.
< وعمك عتربة مبسوط شديد ...قال حضر ليه فيلم اجنبي في امريكا.
< قدر ما قلنا ليه الفيلم الامريكي في امريكا ذاتها ما ممكن تقول عليه فيلم اجنبي.
< الفيلم العربي هو الاجنبي في نيويورك ..ما تفضحنا ساكت يا حاج.
< الحاج اتفهم الموضوع بكل اريحية ورقد نام.
< الاريحية هسع ذنبها شنو؟.
< في واحد قال نحن حصوة اكرم عرفناها.
< بطانية طارق مختار عرفناها.
< جك الباشا عرفناه.
< ساطور الباشا عرفناه.
< تربيزة هنو دي شنو؟.
< قلت ليه دي (الفرحة) ساكت.
< ما علينا.
< حاج عتربة دي مرة زمان كدا قالوا جاء الخرطوم.
< طبعا الموضوع هنا عادي للحد البعيد ..اي زول ممكن يجي الخرطوم.
< يعني شنو؟.
< حاج عتربة دا وقت جاء الخرطوم الظروف جابتو جنب حدايق السلام.
< الموضوع عادي طبعا ...ممكن أي زول يجي الخرطوم الظروف تجيبو جنب حدايق السلام.
< الما عادي في الحتة دي.
< حاج عتربة دا عجبتو ليك حدايق السلام.
< اتكيف ليك من الحكاية دي كيف شديد.
< اخر انبساطة.
< فهم ليك حدايق السلام دي شارع ..شارع.
< مدخل ..مدخل.
< ورجع البلد.
< في البلد بقي أي زول يكون مسافر الخرطوم يقول ليه : لازم تمشي حدايق السلام.
< والله ناس الخرطوم ديل ظبطوا ليهم حديقة.
< حاجة ما بتخلص ..لو ما عندك جمعة فاضية ..تطلع نص الاسبوع عشان تمشي حدايق السلام.
< دي حاجة ما بتخلص.
< حاج عتربة دا عندو ود اختو جاء من الخرطوم.
< الزول دا اول ما دخل ليهم في البيت قال ليه يا زول انت مالك مغبش كدا ...جاي من وين؟.
< جيت من الخرطوم.
< اها ان شاءالله مشيت حدايق السلام.
< الزول البقول ليه مشيت حدايق السلام ..يقول ليه عليك الله شفت (التسالي) الببيعوا في الركن الشرقي.
< نظام عمك ناقش أي حاجة.
< زي الزول البتقول ليه : ساكن في الثورة ..طوالي يقول ليك وين للبنشر الفي الصايد اليمين.
< تقول ليه ساكن سوبا.
< يقول ليك وين للطابونة الفي الزلط.
< تقول ليه ساكن الكلاكلة يقول ليك وين للمدرسة الاساس الفي بداية الشارع.
< أي زول عامل ليك فيها فاهم أي حاجة.
< في واحد مفتح.
< طلع من البيت.
< في النادي لاقي ليه زول من البلد...دخل ليك فيه سلام ...(حدايق السلام) تقصر.
< كيف الاخبار ..وانتوا ما ظاهرين ..وبنسأل منكم ..وقدر ما فتشت رقمك ما لقيتو.
< ويوم داك لاقيت ودعمتك سألتو منك.
< الزول بقي للزول في رقبتو.
< في النهاية كدا قال ليه : اها انت وين ساكن؟.
< قال ليه ساكن في الحي الفلاني.
< وين للقصر؟.
< شفت القصر دا ...نحن ساكنين فيه.
< شنو شابكني وين للقصر.
< نحن كمان بنسكن برة القصر.
< هسع الكلام دا خلوا.
< مرة عتربة دا تعب شديد.
< تعب موت عديل.
< الجماعة جري جابوا ليهم عربية اسعاف وعلى المستشفي.
< حالتو متأخرة شديد.
< الغفير في الباب ما سألهم.
< دخلوا طوالي.
< الدكتور قال ليهم ودوه لي غرفة الانعاش طوالي.
< الدكتور ساعة ونص قاعد في غرفة الانعاش.
< والجماعة حايمين في الشجر.
< من ضل لي ضل.
< والموبايلات مدورة ..(والله نحن مع عتربة) حالتو صعبة شديدة ..يمكن (يشطبو) في أي لحظة.
< اقصد يمكن يموت في أي لحظة.
< عليك الله جهزي لي (السيوتر الاسود).
< انا ما عارف السيوتر الاسود دخلوا بالموت شنو؟.
< الواحد من يسمع ليه بي زول تعبان ..يضرب البيت يقول ليهم حضروا لي (السيوتر الاسود).
< السيوتر الاسود عيشتو تطير.
< الدكتور بعد ساعتين طلع من غرفة الانعاش..قال ليهم الزول دا وين اخوه الكبير.
< جابو ليه اخوه الكبير.
< الدكتور دخل الغرفة وطلع تاني وقال ليهم الزول دا وين ولدو الكبير.
< جابو ليه الولد الكبير.
< وين بنتو الكبيرة؟.
< جابوا ليه بنتو الكبيرة.
< وين اختو الكبيرة؟.
< جابوا ليه اختو الكبيرة.
< يا دكتور الموضوع دا فيه توزيع ورثة ..الحكاية شنو؟.
< فهمنا حاجة.
< الدكتور قال ليهم نادوا لي زول كبير في الحلة.
< نادوا ليه زول كبير من الحلة.
< الجماعة ديل كلهم اتلموا في الدكتور.
< الدكتور قال ليهم : انا عاوز اقول ليكم حاجة مهمة...الزول دا حالتو خطرة شديد ...ممكن يموت في أي لحظة.
< واحد من الجماعة الكبار ديل ..قال للدكتور ..يا دكتور نحن لو ما حالتو خطرة ما كنا جبناه ليكم في اسعاف.
< ولو ما يمكن يموت في أي لحظة ..ما كان كلنا اتلمينا.
< غايتو دكاترة الزمن دا ..الواحد ما فاضل ليه إلا يطلع في عربية الاسعاف.
< ملحوظة: انت يا هنو طلعت في التربيزة دخلت كشوفات المريخ ..وطلعت في عربة الاسعاف ح تطلع من الكشوفات.
هوامش
< ويستمر التلقيد.
< نعمل مدرب اجنبي برازيلي ..يعملوا مدرب اجنبي برازيلي.
< نرجع للمدرسة الاوروبية..يرجعوا للمدرسة الالمانية.
< نودي محترف اعارة ليبيا..يودوا وارغو.
< نخلي خانة فاضية.
< يخلوا خانة فاضية.
< نطلع بيان.
< يطلعوا بيان.
< نقعد ساكت.
< يقعدوا ساكت.
< انت يا قريش ما تشيل الكرسي حقك الفي نادي المريخ وتجي تقعد في نادي الهلال.
< شنو المحاكاة دي.
< هسع عارفين اخر تقليعات التقليد شنو؟.
< نحن فنشنا الاجانب واعتمدنا على اللاعب الاجنبي.
< هم ذاتهم فنشوا الاجانب ولعبوا امام الهلال بتشكيلة وطنية.
< جاسوس واحد ما فيها.
< يا جماعة انتوا ما قلتوا نحن عندنا احسن محترفين.
< أي حاجة نعملها ..يعملوها.
< ما فاضل ليهم إلا يشتكوا الصفاقصي.
< دا الفضل.
< المريخ عاوز يسجل الطاهر حماد.
< وما عاوز يخلى طارق مختار.
< المريخ بقي فريق الامل عديل.
< بس ناقص تجيبوا محمد الطيب.
< السنة القادمة ...المريخ ح يكون المنافس الاول للامل.
< يا ناس الامل لقيتوا ليكم وصيف.
< فيصل موسي لاعب يحتاجه الهلال ..اذا دخل هذا اللاعب الي كشوفات الهلال سوف يشكل اضافة كبيرة للهلال.
< الجميل ان الاضافة سوف تكون لصالح الموهية.
< عبدة جابر مهاجم خطير ..لو لعب جوار كاريكا وبكري المدينة وسادومبا تاني يا طارق مختار إلا تشوف ليك بطاينة (دبل).
< بطانية عادية ما بتمرقك.
< المؤسف ان هيثم مصطفي حفظه الله ورعاه بعد ان هتفوا ضده في الملعب ...عاد الاعلام السالب لهتف ضده في الاعمدة.
< وبقي ما في فرق بين الجمهور والاعلام.
< الذي هتف في وجه هيثم مصطفي ليس الجمهور وانما هو الاعلام السالب.
< الهلال يحتاج الي مدافع ..والحمدلله ان غرفة تسجيلات الهلال ترصد مدافعين على مستوى.
< غرفة تسجيلات الهلال يجب ان تكون في غاية الحرص.< المريخ كفاية عليه الطاهر حماد.
< نجم التسجيلات قبل 5 سنوات.
< بختكم يا مساوى.
< خبر عاجل: يا طمبل الشطب ان خلاك الكبر ما بخليك.
< الدكتور عاين ليه كدا ...قال ليهم : ما في أي امل ...حالة ميؤوس منها.
< ولا بجاملكم في الحتة الزي دي.
< اكذب عليكم يعني.
< الدكتور قال ليهم : الزول دا هنا ما عندنا ليه علاج...إلا تودوه برة.
< مستشفياتنا دي الحبة ما بتعملها ليك.
< احسن ليك تمشي امريكا.
< اولاد الحاج عتربة سمعوا ليك كلمة امريكا ..قالوا نحن الحاج دا إلا نوديهو امريكا.
< تاني المفوضية ما بتثبتنا.
< المفوضية هسع ذنبها شنو؟.
< المهم الاولاد اتحركوا هنا وهناك ...وقالوا نسافر امريكا.
< الحاج عتربة بسمع في طرف الكلام ..متكيف من الحكاية دي.
< يضحك زي لوح التلج.
< اول لوح التلج بضحك.
< والله البلد دي لو حصلت فيها أي حاجة ما تستغرب.
< هنو جاب قون.
< اولاد الحاج لقطوا حاجاتهم ...ولملموا قروشهم ...عملت ليهم شوية دولارات.
< برضو ما كعبة معاهم.
< حاج عتربة حالتو اتأخرت شديد ..دخل ليك في (غيبوبة) بشكل رسمي كدا.
< بقي يهضرب.
< مرات نصحأ نص الليل نلقاه طالع في التربيزة.
< دا شنو يا حاج البتعمل فيه دا؟.
< انت قايل نفسك (هنو).
< ومرات نلقاه في نص النهار طالع ليه في عربية اسعاف.
< عشان كدا الاولاد قالوا احسن نعجل بالحاج دا ونسافر امريكا.
< عمكم عتربة من سمع ليك حكاية السفر الي امريكا رفع ليك اضنينو زي غطاية حلة اللبن.
< غطاية حلة اللبن هسع ذنبها شنو؟.
< أي حاجة في البيت تقع يقولوا ليك دي (غطاية حلة اللبن)!!.
< الجماعة سافروا ..وعمكم (عتربة) في غيبوبة تامة.
< اول ما وصلوا امريكا في مطار نيويورك ...عمك فتح ..قال الواحد يا دوب شم الهوا.
< اها يا حاج نمشي على المستشفي.
< عتربة قال ليهم ابدا.
< يا زول مالك؟.
< عتربة قال ليهم ودوني احضر لي فيلم اجنبي.
< انا دي فرصة ما بضيعها...وين القي فرصة زي دي تاني.
< يا حاج فيلم شنو؟...نحن جايبنك علاج.
< قال ليهم ما في حاجة بتريحني اكتر من الفيلم الاجنبي.
< انا علاجي (فيلم اجنبي).
< الاولاد شافو ليهم سينما قريبة...ودخلوا ليهم (فيلم امريكي).
< عتربة من شاف ليك بطل الفيلم قال للاولاد : البطل دا انا شايفو في سوق الموردة.
< الاولاد عرفوا ليك عمك بهضرب.
< هسع يقوم يطلع ليه في (عربية اسعاف).
< حضروا الفيلم وطلعوا.
< حاج عتربة بعد ما طلع من السينما ..قال ليهم اسمعوا : دار الرياضة ام درمان هنا وين؟.
< الاولاد قنعوا..قالوا الموضوع اتأخر شديد.
< الموضوع اكبر من الطلوع في التربيزة.
< اليوم التاني ...الجماعة مشوا للدكتور.
< الدكتور نزل وطلع.
< وقال ليهم : ابوكم دا ما عندو أي حاجة.
< بس الزول دا خايف من (الشطب).
< لكن يا دكتور الشطب بخلي يقطع ليه قصيدة غزلية في المروحة.
< يا زول الشطب بخلي يعمل اكتر من كدا.
< ممكن عربية الاسعاف ذاتها يطلع فيها.
< وهو بكون في الساعة ديك ما شاعر.
< قايل نفسو طالع في الشارع.
< الاولاد جابو ابوهم ورجعوا السودان.
< وعمك عتربة مبسوط شديد ...قال حضر ليه فيلم اجنبي في امريكا.
< قدر ما قلنا ليه الفيلم الامريكي في امريكا ذاتها ما ممكن تقول عليه فيلم اجنبي.
< الفيلم العربي هو الاجنبي في نيويورك ..ما تفضحنا ساكت يا حاج.
< الحاج اتفهم الموضوع بكل اريحية ورقد نام.
< الاريحية هسع ذنبها شنو؟.
< في واحد قال نحن حصوة اكرم عرفناها.
< بطانية طارق مختار عرفناها.
< جك الباشا عرفناه.
< ساطور الباشا عرفناه.
< تربيزة هنو دي شنو؟.
< قلت ليه دي (الفرحة) ساكت.
< ما علينا.
< حاج عتربة دي مرة زمان كدا قالوا جاء الخرطوم.
< طبعا الموضوع هنا عادي للحد البعيد ..اي زول ممكن يجي الخرطوم.
< يعني شنو؟.
< حاج عتربة دا وقت جاء الخرطوم الظروف جابتو جنب حدايق السلام.
< الموضوع عادي طبعا ...ممكن أي زول يجي الخرطوم الظروف تجيبو جنب حدايق السلام.
< الما عادي في الحتة دي.
< حاج عتربة دا عجبتو ليك حدايق السلام.
< اتكيف ليك من الحكاية دي كيف شديد.
< اخر انبساطة.
< فهم ليك حدايق السلام دي شارع ..شارع.
< مدخل ..مدخل.
< ورجع البلد.
< في البلد بقي أي زول يكون مسافر الخرطوم يقول ليه : لازم تمشي حدايق السلام.
< والله ناس الخرطوم ديل ظبطوا ليهم حديقة.
< حاجة ما بتخلص ..لو ما عندك جمعة فاضية ..تطلع نص الاسبوع عشان تمشي حدايق السلام.
< دي حاجة ما بتخلص.
< حاج عتربة دا عندو ود اختو جاء من الخرطوم.
< الزول دا اول ما دخل ليهم في البيت قال ليه يا زول انت مالك مغبش كدا ...جاي من وين؟.
< جيت من الخرطوم.
< اها ان شاءالله مشيت حدايق السلام.
< الزول البقول ليه مشيت حدايق السلام ..يقول ليه عليك الله شفت (التسالي) الببيعوا في الركن الشرقي.
< نظام عمك ناقش أي حاجة.
< زي الزول البتقول ليه : ساكن في الثورة ..طوالي يقول ليك وين للبنشر الفي الصايد اليمين.
< تقول ليه ساكن سوبا.
< يقول ليك وين للطابونة الفي الزلط.
< تقول ليه ساكن الكلاكلة يقول ليك وين للمدرسة الاساس الفي بداية الشارع.
< أي زول عامل ليك فيها فاهم أي حاجة.
< في واحد مفتح.
< طلع من البيت.
< في النادي لاقي ليه زول من البلد...دخل ليك فيه سلام ...(حدايق السلام) تقصر.
< كيف الاخبار ..وانتوا ما ظاهرين ..وبنسأل منكم ..وقدر ما فتشت رقمك ما لقيتو.
< ويوم داك لاقيت ودعمتك سألتو منك.
< الزول بقي للزول في رقبتو.
< في النهاية كدا قال ليه : اها انت وين ساكن؟.
< قال ليه ساكن في الحي الفلاني.
< وين للقصر؟.
< شفت القصر دا ...نحن ساكنين فيه.
< شنو شابكني وين للقصر.
< نحن كمان بنسكن برة القصر.
< هسع الكلام دا خلوا.
< مرة عتربة دا تعب شديد.
< تعب موت عديل.
< الجماعة جري جابوا ليهم عربية اسعاف وعلى المستشفي.
< حالتو متأخرة شديد.
< الغفير في الباب ما سألهم.
< دخلوا طوالي.
< الدكتور قال ليهم ودوه لي غرفة الانعاش طوالي.
< الدكتور ساعة ونص قاعد في غرفة الانعاش.
< والجماعة حايمين في الشجر.
< من ضل لي ضل.
< والموبايلات مدورة ..(والله نحن مع عتربة) حالتو صعبة شديدة ..يمكن (يشطبو) في أي لحظة.
< اقصد يمكن يموت في أي لحظة.
< عليك الله جهزي لي (السيوتر الاسود).
< انا ما عارف السيوتر الاسود دخلوا بالموت شنو؟.
< الواحد من يسمع ليه بي زول تعبان ..يضرب البيت يقول ليهم حضروا لي (السيوتر الاسود).
< السيوتر الاسود عيشتو تطير.
< الدكتور بعد ساعتين طلع من غرفة الانعاش..قال ليهم الزول دا وين اخوه الكبير.
< جابو ليه اخوه الكبير.
< الدكتور دخل الغرفة وطلع تاني وقال ليهم الزول دا وين ولدو الكبير.
< جابو ليه الولد الكبير.
< وين بنتو الكبيرة؟.
< جابوا ليه بنتو الكبيرة.
< وين اختو الكبيرة؟.
< جابوا ليه اختو الكبيرة.
< يا دكتور الموضوع دا فيه توزيع ورثة ..الحكاية شنو؟.
< فهمنا حاجة.
< الدكتور قال ليهم نادوا لي زول كبير في الحلة.
< نادوا ليه زول كبير من الحلة.
< الجماعة ديل كلهم اتلموا في الدكتور.
< الدكتور قال ليهم : انا عاوز اقول ليكم حاجة مهمة...الزول دا حالتو خطرة شديد ...ممكن يموت في أي لحظة.
< واحد من الجماعة الكبار ديل ..قال للدكتور ..يا دكتور نحن لو ما حالتو خطرة ما كنا جبناه ليكم في اسعاف.
< ولو ما يمكن يموت في أي لحظة ..ما كان كلنا اتلمينا.
< غايتو دكاترة الزمن دا ..الواحد ما فاضل ليه إلا يطلع في عربية الاسعاف.
< ملحوظة: انت يا هنو طلعت في التربيزة دخلت كشوفات المريخ ..وطلعت في عربة الاسعاف ح تطلع من الكشوفات.
هوامش
< ويستمر التلقيد.
< نعمل مدرب اجنبي برازيلي ..يعملوا مدرب اجنبي برازيلي.
< نرجع للمدرسة الاوروبية..يرجعوا للمدرسة الالمانية.
< نودي محترف اعارة ليبيا..يودوا وارغو.
< نخلي خانة فاضية.
< يخلوا خانة فاضية.
< نطلع بيان.
< يطلعوا بيان.
< نقعد ساكت.
< يقعدوا ساكت.
< انت يا قريش ما تشيل الكرسي حقك الفي نادي المريخ وتجي تقعد في نادي الهلال.
< شنو المحاكاة دي.
< هسع عارفين اخر تقليعات التقليد شنو؟.
< نحن فنشنا الاجانب واعتمدنا على اللاعب الاجنبي.
< هم ذاتهم فنشوا الاجانب ولعبوا امام الهلال بتشكيلة وطنية.
< جاسوس واحد ما فيها.
< يا جماعة انتوا ما قلتوا نحن عندنا احسن محترفين.
< أي حاجة نعملها ..يعملوها.
< ما فاضل ليهم إلا يشتكوا الصفاقصي.
< دا الفضل.
< المريخ عاوز يسجل الطاهر حماد.
< وما عاوز يخلى طارق مختار.
< المريخ بقي فريق الامل عديل.
< بس ناقص تجيبوا محمد الطيب.
< السنة القادمة ...المريخ ح يكون المنافس الاول للامل.
< يا ناس الامل لقيتوا ليكم وصيف.
< فيصل موسي لاعب يحتاجه الهلال ..اذا دخل هذا اللاعب الي كشوفات الهلال سوف يشكل اضافة كبيرة للهلال.
< الجميل ان الاضافة سوف تكون لصالح الموهية.
< عبدة جابر مهاجم خطير ..لو لعب جوار كاريكا وبكري المدينة وسادومبا تاني يا طارق مختار إلا تشوف ليك بطاينة (دبل).
< بطانية عادية ما بتمرقك.
< المؤسف ان هيثم مصطفي حفظه الله ورعاه بعد ان هتفوا ضده في الملعب ...عاد الاعلام السالب لهتف ضده في الاعمدة.
< وبقي ما في فرق بين الجمهور والاعلام.
< الذي هتف في وجه هيثم مصطفي ليس الجمهور وانما هو الاعلام السالب.
< الهلال يحتاج الي مدافع ..والحمدلله ان غرفة تسجيلات الهلال ترصد مدافعين على مستوى.
< غرفة تسجيلات الهلال يجب ان تكون في غاية الحرص.< المريخ كفاية عليه الطاهر حماد.
< نجم التسجيلات قبل 5 سنوات.
< بختكم يا مساوى.
< خبر عاجل: يا طمبل الشطب ان خلاك الكبر ما بخليك.
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الإثنين أكتوبر 11, 2021 5:53 pm من طرف طارق حمزة
» محمود محمد عبدالرحمن
الجمعة سبتمبر 11, 2020 11:05 pm من طرف طارق حمزة
» الحاج بدري عثمان
الخميس يونيو 11, 2020 3:43 am من طرف طارق حمزة
» مجرد راي
الجمعة مايو 29, 2020 3:15 am من طرف طارق حمزة
» حنفي عثمان طه
السبت مايو 18, 2019 10:12 pm من طرف طارق حمزة
» الملك الاعرج
الأحد مارس 17, 2019 7:25 pm من طرف طارق حمزة
» تقرير اداء المنظمة لعام 2016 / 2017
الأحد مارس 17, 2019 7:23 pm من طرف طارق حمزة
» صلة الارحام
الأحد مارس 17, 2019 2:44 pm من طرف طارق حمزة
» الإفطار السنوي للجمعية
الأربعاء مايو 30, 2018 5:36 pm من طرف طارق حمزة