مليار مبروك يا محسن بيت مال وعيال ان شاء الله

بالعديل والزين

شكرا جزيلا اوخونا وحبيبنا ناظم ( أبو عثمان ) علي التهنئة وربنا يجعل كل أيامك سعادة وفرح ومنور والله المنتدي
ولك خالص تحياتي وامتناني
اخوك / محسن

اخبارك شنو ياعريسنامحسن اعجبنى جدامقالاتك الجميلة وانت تغازل مريخ السعد ماذا عن التسجيلات

رسلينامهاجم من نادى الانصارياعريس

حبيبنا ناظم (ابو عثمان ) الزعيم اكتفي تقريبا بالمدافع باسكال وانشاء الله الساعات القادمة حيتم تسجيلوا
ياباشا طمني عنك والشباب في جزيرتنا الخضراء مسل واخبارك واخبار اولادك انشاء الله مبسوط ونسمع عنك كل خير انشاء الله وتحياتي الخاصة للاهل والاسرة الكريمة
ولك مني كل الود
ملحوظة
طبعا نادي الانصار درجة اولي ياناظم وفي مهاجمين خطيرين بس ما في مقام زعيم السودان والان في مهاجم اتعاقد مع نادي الاتحاد السعودي اسمه الخيبري

نعم اكتفى بالمدافع العاجى باسكال وكنا نريد المزيد برضوا ماسجلوا مهاجم ياعريس كلام شنو ده والاهل طيبين ياعريس شكرا جزيلا دامت ايامك افراحا ناظم

الظاهر عليك بتموت فى الزعيم ياعريس زينا احييييييك واحيى جزوة النار التى فى راجى ولدنا

املا منك التواصل ياعريسسسسس مع السلامة ماشى الصلاة

مهاجم زسكو الزامبى فى طريقه للمريخ ياعريس وكان محترفا فى فرنسا

الله يخليك يا قريبي اسمع والله خبر عسل عديل كدا يا ناظم تسجيل المهاجم وعبد الحميد السعودي ربنا يوفقوا يارب والنفطي برضوا ماشي مافي مشكلة الدافي يكفي

ياعريس تمت مساء امس شطب المهاجم ميدو الموهب من كشوفات المريخ والزعيم يعلواولايعلوا عليه ولايهمك يجى غيروا

أكد الإعلامي مدحت شلبي أن هناك أنباء عن أن الحارس الدولي عصام الحضري لاعب نادي الزمالك قد يلجأ إلى المادة الثالثة في لائحة الفيفا للانتقال إلى المريخ


وقال شلبي عبر برنامجه «مساء الأنوار» علي قناة مودرن سبورت : أن عصام الحضري قد يلجأ إلى المادة الثالثة من قانون الفيفا والتي تقول بأن اللاعب إذا قضى شهرا كاملا دون لعب، عندئذ يحق له فسخ تعاقده من جانب واحد، ليتحول من لاعب محترف إلى لاعب هاو.
وأضاف:إنه عندئذ يحق له الذهاب إلى نادي المريخ والتعاقد معه بصفته لاعب هاو، وهو ما سيجبر مسئولي الزمالك على شكوى اللاعب في المحكمة الرياضية وستستغرق القضية قرابة العام ونصف العام، عندها يكون اللاعب قد اعتزل اللعب ولن تسري عليه الأحكام، لتلجأ المحكمة إلى المريخ، والذي سيتبرأ من الأمر بأنه تعاقد مع لاعب هاو.

يذكر أن الحارس الدولي كان قد استغل المادة الـ 17 للانتقال من النادي الأهلي إلى سيون السويسري في فبراير من عام 2008.

ولك الود والاحترام ابو(عثمان) يا مريخابي يا اصيل

عليك الله الحضرى توديه وين ياعريس الراجل جلك وماحيفيدنا

يا ناظم ما تنسي انو احسن حارس افريقي لكن ما مشكلة علي رائك كبر في السن وما حيفيدنا
ولك حبي

تسلمي عي التهنئة يا الجرافيه وربنا يجعل كل ايامكي أفراح وسعادة انشاء الله واشكركي جزيل الشكر مرة اخري ويديكي العافية
ونتمني منكي التواصل دائما انشاء الله

بعد التحية والاحترام الفائق عزيزى العريس المرجوا منك الافادة باخبار اخونا ناصر الزول ده مالاقيه والجديد شنو ناظم

تطورات متواصلة ومتلاحقة شهدتها ساحة وادي النيل شماله وجنوبه بين ناديي الزمالك المصري والمريخ السوداني بخصوص انتقال حارس


منتخب مصر الدولي ونادي الزمالك عصام الحضري للمريخ خلال فترة التسجيلات الشتوية والتي تبقى لها ثلاثة ايام فقط.. حيث تراجع نادي الزمالك في ساعة متاخرة من مساء امس عن الطلب الذي قدمه في بداية المفاوضات مع موفود المريخ كابتن عادل ابوجريشة الذي يعادل مليون دولار على سبيل الاعارة لمدة عام.. وقبل الزمالك بعرض المريخ البالغ 700 ألف دولار تدفع على ثلاث دفعات بواقع 400 ألف دولار حالياً و150 ألف دولار في مارس ومثلها في يونيو.. وقد وافق الزمالك على عرض المريخ وبارك انتقال اللاعب الموجود بالعاصمة الكويتية الكويت لمشاركة منتخب الكويت افراحه بتتويجه بلقب بطولة خليجي 21 الاخيرة باليمن. حيث غاب الحضري عن مباراة الفراعنة امس امام نظيره القطري بالدوحة والتي خسرها منتخب مصر بهدفين مقابل هدف.

ومن المنتظر ان يصل الحضري للخرطوم بالسبت للتوقيع في كشوفات الفريق بعد ان اصبح قريبا جدا من الاحتراف بصفوف الزعيم ياناظم
واما بموضوع ناصر محمد ابراهيم وله التحية الزول دا يا ناظم ما بظهر الا لما الهلال يغلب في مباراة للاسف
ونتمني لاخونا وحبينا الهلالابي ناصر المواصلة دوما
وانشاء الله ياناظم القادم للزعيــــــــــــــــــــــــم أحلي
ولك جزيل الشكر والتقدير للمواصلة وانشاء الله دوما
اخوك/ عبد المحسن

الف مبروووووووووووووووووووووك يا عبدالمحسن انشاءالله بيت مال وعيال والف والف والف مبروك

اخي وين انت مقيم بالمدينة ولا الرياض ؟؟؟؟؟
وابو هاروون وصل ولا لسة؟؟؟؟
وتقبل تهاني الاسرة بالزواج ومن الاخ علي واسرته

حبيبنا طارق محمد علي والاسرة الكريمة وحبيبنا علي محمد علي والاسرة الكريمة
لكم التحية
اشكركم جزيل الشكر بالتهنئة وربنا يجعل كل ايامكم افراح وسعادة انشاء الله وعقبال نفرح لاولادكم انشاء الله
ولكم خالص الشكر والتقدير
اخوكم/ عبد المحسن

ملحوظة للاخ طارق
انا طبعا مقيم في المدينة المنورة والاخ ابو هارون في جدة
وطبعا ابوهارون وصل تقريبا من 10يوم بس مشغول شديد عشان قفل نهاية السنة والميزانية والجرد وربنا يكون في عون الجميع وانشاء الله قريبا بعود
ولك كل الود والاحترام

الف مبرووووووووووك اخى وحبيبى محسن ان شاءالله بيت مال وايجار معليش اقصد عيال .ربنا يهنيك يا اخى واسف جدا جات متاخرة شوية بس كنت مزنوق شوية فى الشغل وما دخلت النت قريب فارجو المعزرة .

ود عمي واخي وحبيبي خالد
لك التحية
اشكرك يا ذوق علي التهنئة ما انها فعلا جات متاخر وفي تلفون بدل النت يا حبيبي لكن بعذرك يا حبيبنا وربن يجعل كل ايامك سعادة يارب
ولك كل الود والاحترام

من اعماق قلبي اسجي لك اسمى واغلي عبارات التهنئة لك اخي وصديقي محسن وللاخت عبير متمنياً لكم حياة زوحية سعيدة وانشاء الله ربنا يوفقكم وعقبال للبكاري طارق

اشكرك علي التهنئة يا صديقي وحبيبي (ابو هارون) وربنا يجعل كل ايامك أفراح وسعادة انشاء الله وربنا يديم بينا المحبة والصداقة وحمد لله علي السلامة وبصراحة كنا فاقدنك شديد في المنتدي ونورت منتداك بوصولك .
ولك مني كل الود والتقدير
اخوك/ عبد المحسن

متكرر

.امانينا تسبق تهانينا مليون مبروك للعريس محسن بيت مال وعيال وربنا يسعدكم وتملو البيت صبياااان وبنات وعقبال الي كل العزاااااااااب امين.

محمد شريف كتب:.امانينا تسبق تهانينا مليون مبروك للعريس محسن بيت مال وعيال وربنا يسعدكم وتملو البيت صبياااان وبنات وعقبال الي كل العزاااااااااب امين.

اشكرك يا (ميمد )علي التهنئة وربنا يجعل كل ايام افراح وسعادة وعقبال لك قريبا نفرح بالمولود الجديد انشاء الله ومنور المنتدي والله يا صديقي العزيز ونحن في انتظار كتاباتك الحلوة
ولك مني اجمل تحية