الحضري .. هل يصبح الحلم حقيقة!!

{ لحظة حلم لن انساها .. كان حلماً جميلاً .. لكنه عجيب وغريب!!

{ بركية لاعب اهلي شندي ينفرد بالحضري ويسجل هدفاً جميلاً .. الحضري يثور ويغضب ويتجه نحو حكم المباراة!

{ الفكي امل عطبرة في مباراة أخرى يراوغ ويسجل واحد .. اثنين .. ثلاثية في شباك الحضري!! وكان نومي يصحبه شخير!!

{ السعودي «عبد الحميد» مع الخرطوم .. يراوغ ويراوغ .. سفاري يعتدي عليه.. ضربة جزاء لا يحتسبها حكم المباراة!!

{ صلاح الأمير يراوغ وينفرد ويحرز .. والسعودي يسجل الثاني .. والخرطوم يتألق وجمهور المريخ يهتف ضد الحضري!

{ والحضري يثور ويخرج من الملعب!

{ كذلك بعد شهر فبراير والحلم يتواصل واهداف مطر في شباك الحضري!!

{ مانشيتات الصحف تتحدث عن الحضري الذي فقد تألقه .. وحسن البدري يؤكد ان الأمور ستسير على ما يرام!!

{ الحضري وحلم جديد وهدف تعادلي في مباراة النسور!!

{ وجمهور المريخ يطالب بابعاد الحضري.

{ حلم عجيب!!

{ محمد كمال يدخل في مباراة نيل الحصاحيصا بديلاً والمريخ ينتصر بثلاثية!!

{ وانصار الحضري يتحدثون .. وصحافة مصر تكتب وتكتب!!

{ والصحف تقول جوزيه يطالب بالحضري والحلم يمتد!!

{ وماذا هناك يا حضري!!

{ وتبدأ المقارنة بين الحضري المصري .. والحضري السوداني!!

{ أيهما الأحسن .. والحضري هو الحضري!

{ احلم وانا اقرأ .. واحلم وانا اشاهد مباراة بعد مباراة.

{ والحلم يقول يجلس الحضري في كنبة الاحتياطي لكنه يرفض الكنبة!

{ ويحاول الحضري ان يرعب هجوم الفرق الأخرى .. لكنه لا يستطيع!!

{ وانت يا حضري ينتظرك جمهور المريخ..

{ احاول ان اغير احلامي والنوم يتواصل .. وهاك يا شخير!!

{ وفي المنام اتابع اخونا الحضري والأهداف تدخل شباكه تباعاً!!

{ سبعة اهداف في ثلاث مباريات معقول يا حضري؟!

{ وعندما يجلس على كنبة الاحتياطي ويحل محله محمد كمال تعود الأمور الى طبيعتها ويرضى الجمهور!!

{ وتتحول الهتافات الى اعجاب بمحمد كمال وآهـ يا حضري!!

{ صحافة مصر تتابع الحضري!

{ صحفنا تتابع وترصد!

{ الاقلام الحمراء في حالة قلق!!

{ لكنني اعيش مع أحلامي في المنام .. كلها تكذب المليارات التي تردد انها دفعت للحضري!

{ في لحظة انفلات عصبي . اصطدمت يداي بالسرير وصحوت من نومي!!

{ لم اجد لا الحضري .. لا الشباك ولا حتى الاقلام!!

{ سردت الحلم الى الاصدقاء طلبوا مني ان اتوجه الى مفسر احلام!!

{ قلت لهم: لقد شاهدت الشباك امامي والحضري يخفق والأهداف تدخل الشباك فماذا يفسر مفسر الأحلام؟!

{ الاصدقاء اصروا!!

{ قالوا يجب ان تذهب!!

{ توكلت على الله وذهبت!

{ نظر الي مفسر الأحلام .. نظرة عميقة .. واردفها بثانية .. ثم ثالثة .. وقال ضاحكاً: اشرح حلمك..

{ وانطلقت احدثه..

{ قال ضاحكاً: طالما ان الحلم عن الحضري .. اقترب مني وتحدث سراً!

{ اقتربت منه .. واقتربت اكثر!!

{ سردت حكاية الأهداف والسعودي والامير والفكي!!

{ اطلق ضحكة عالية وقال: يا سيدي انا حلمت نفس الحلم .. لكن الفارق بيني وبينك ان هناك ثلاثية احرزها اسحق كرنقو لم تحلم بها أنت!! وفي مباراة نيل الحصاحيصا كان الحارس الحضري وليس محمد كمال!!

{ شرحت الموقف لصديقي المريخابي فقال في هدوء: الحمد لله انك صحوت من النوم .. لو لم تصحو لكانت الأهداف تدخل شباك حبيبنا المريخ حتى الان!!

{ الحلم عندما يكون طابعه الحضري مزعج جداً .. اللهم انقذنا من نوع هذا الحلم العجيب!!

ايقاعات سريعة

{ ماذا يريد مجلس الهلال ان يقول في مؤتمره الصحفي؟

{ قولوا ما عندنا قروش .. وما سجلنا اليوغندي خليكم واضحين!!

{ مافي زول بنصح الجماعة ديل .. كل الهجمات آوت سايد!!

{ خوفي على الهلال من مرحلة «انعدام الوزن» .. اقصد مرحلة الانتخابات والدوري متواصل!

{ راجي عبد العاطي .. يقولون انه النجم الاول في المريخ الآن!

{ اتحاد الكرة يحتاج الى ندوات يقنع من خلالها الجمهور بانه اتحاد لكل الرياضيين!!

{ دورة المحليين الافارقة التي تقام لأول مرة ويستضيفها السودان ليست سهلة المهم العمل وليس التنظير!

{ مازال شعار المنتخب أحمر .. منذ ان حولوه الى أحمر لم يتذوق طعم العافية .. والله يجازي البدلوا الأخضر!!

{ احمد عادل سيظهر مواهبه من جديد في فرقة الموردة فانتظروه!!

{ عزيزي مالك جعفر .. بقليل من الجهد يمكن ان تكسبوا جمهور الهلال!!

{ الو .. الو .. فاروق جبرة .. كلما ارى صورتك اتذكر هتاف جمهور الأحمر المشهود ضد حكم عطبرة!!

السلام عليكم ورحمة الله وبركاته
حبيبنا واخونا ناصر محمد لك التحية والاحترام
انت لسه يا ناصر مع الحضري نحنا السجلناه نسيناه والله شكلوا الحضري خلاك في حلوسة ليل ونهار يا اخي انسي الحضري وخليك مع فريقك وشوف عملوا شنو في التسجيلات وخلينا في حالنا

من طرف مدثر البوشى الإثنين ديسمبر 27, 2010 1:52 pm

لكم التحيه
الحضرى عامل ليهم قلق ما حيرتاحو

من طرف ناظم عثمان الإثنين ديسمبر 27, 2010 2:56 pm

الحلم اصبحت حقيقة ياابو عبدالطيف والجماعة يمسكو الخشب الكرت الدولى تصل اليوم ومافى حلم مع الوالى والزعيم يعلوا ولايعلواعليه

من طرف ناظم عثمان الإثنين ديسمبر 27, 2010 3:15 pm

واصل فى حلمك ياناصروالكلام ده كلوا حتحصل فى الراكوبه (المعز)

ناظم عثمان كتب:واصل فى حلمك ياناصروالكلام ده كلوا حتحصل فى الراكوبه (المعز)

اخونا ناظم عثمان ازيك:
يا اخوى نحن معزنا ما بنبدلوا بفريقك كله مش العجوز بتاعك دا ويا عالم حيتم تسجيله ام لا لكن والله نحن عايزنه معاكم عشان ناس سادمبا وكاريكا يجتهدوا ويهزوا الشباك الحضرواية او الكدراوية .هههههههههههههه

من طرف ناظم عثمان الثلاثاء ديسمبر 28, 2010 2:08 pm

الزعيم يلقن فريق القرن درسافى القانون ويسجل الحضرى رسميا بعد وصول البطاقه الدوليه فى الساعات الاولى من فجر اليوم واصل فى حلمك ياعزيزى نصورى والكلام ده كلو على ذمة صحيفتكم العملاقه (قوون)

ناظم عثمان كتب:الزعيم يلقن فريق القرن درسافى القانون ويسجل الحضرى رسميا بعد وصول البطاقه الدوليه فى الساعات الاولى من فجر اليوم واصل فى حلمك ياعزيزى نصورى والكلام ده كلو على ذمة صحيفتكم العملاقه (قوون)

يا ناظم الملعب هو الفيصل بيننا...

اخي العزيز ناصر تحياتي لك ولكل نوبي غيور وكل اعضا المنتدى الكرام .
اخي طبعا انا وطارق (ابوهارون ) كنا في السودان وعيد الاضحى في البلد وطبعا رجعنا ببورتسودان وطارق اعجب بها جدا كان عايز يسجل في حي العرب بس لقوه عجوز خلوه ....
ولما ورجعنا جدة قال لي الحق صاحبك ناصر الجماعة محاصرنه في المنتدى يقصد اصحاب الاقلام (الحمراء ) وسارعت على الفور جددت اشتراكي في النت وعندما دخلت وجدتك مستلم الساحة طول وعرض وانت ذي الازرق (سيد البلد ) دائما في القمة والجماعة ديل معروفين بالجعجعة الكثيرة و(الطحين فنجان) امابخصوص التسجيلات ذي كل سنة تسمع الفصاخة يقولوا لك نحن سجلنا افضل الاعبين في افريقيا وقبل مايجف حبر تسجيلهم يشطبوهم وطبعا بعد مايمرروهم باختبارات ساساسادومبا وكاكاكاريكا والمهند والعجيب في الامر العام الماضي سخروا من تسجيلات الهلال لما سجل بشة وبوي والمدينة وجمعة وتفاخروا بتسجيل بن ضيف الله والمرابط التوانسة ورمزي الفلسطيني واذا سالت وينهم اليوم اكيد قي الشارع وبقى بوي وبشة ورفاقهم عقدا يتلالا في سماء افريقيا والحضري دا ابو ظيطة وجماعته حيلحقوا الفاتوا (وسبع لفات في دينه). بس عندي سؤال؟؟ انت القروش البتضيع على الفاضي دي حلال ولا.......وهل عرقانيين فيها ولا .....؟؟ طبعا الاجابة انا وانت عارفينها كويس بس خليها في سرك (ارتي داجي ) والله غالب

اخوك / عبد العظيم الدوم

عبدالعظيم الدوم كتب:اخي العزيز ناصر تحياتي لك ولكل نوبي غيور وكل اعضا المنتدى الكرام .
اخي طبعا انا وطارق (ابوهارون ) كنا في السودان وعيد الاضحى في البلد وطبعا رجعنا ببورتسودان وطارق اعجب بها جدا كان عايز يسجل في حي العرب بس لقوه عجوز خلوه ....
ولما ورجعنا جدة قال لي الحق صاحبك ناصر الجماعة محاصرنه في المنتدى يقصد اصحاب الاقلام (الحمراء ) وسارعت على الفور جددت اشتراكي في النت وعندما دخلت وجدتك مستلم الساحة طول وعرض وانت ذي الازرق (سيد البلد ) دائما في القمة والجماعة ديل معروفين بالجعجعة الكثيرة و(الطحين فنجان) امابخصوص التسجيلات ذي كل سنة تسمع الفصاخة يقولوا لك نحن سجلنا افضل الاعبين في افريقيا وقبل مايجف حبر تسجيلهم يشطبوهم وطبعا بعد مايمرروهم باختبارات ساساسادومبا وكاكاكاريكا والمهند والعجيب في الامر العام الماضي سخروا من تسجيلات الهلال لما سجل بشة وبوي والمدينة وجمعة وتفاخروا بتسجيل بن ضيف الله والمرابط التوانسة ورمزي الفلسطيني واذا سالت وينهم اليوم اكيد قي الشارع وبقى بوي وبشة ورفاقهم عقدا يتلالا في سماء افريقيا والحضري دا ابو ظيطة وجماعته حيلحقوا الفاتوا (وسبع لفات في دينه). بس عندي سؤال؟؟ انت القروش البتضيع على الفاضي دي حلال ولا.......وهل عرقانيين فيها ولا .....؟؟ طبعا الاجابة انا وانت عارفينها كويس بس خليها في سرك (ارتي داجي ) والله غالب

اخوك / عبد العظيم الدوم

أولاً حمد الله عى السلامه فقدك كان كبير
ثانياً ناصر من أيام التسجيلات مقلق على طول ويحلم بالحضرى
والما بتلحقو جدعو
لك التحيه

ناظم عثمان كتب:الحلم اصبحت حقيقة ياابو عبدالطيف والجماعة يمسكو الخشب الكرت الدولى تصل اليوم ومافى حلم مع الوالى والزعيم يعلوا ولايعلواعليه

براحه عليهم لك التحيه

من طرف **طارق حمزة** الخميس ديسمبر 30, 2010 2:24 pm

حبيبنا عبدالعظيم ( ود الدوم ) في مثل خليجي .. يقول ( المايطول العنب حامضاً أنّا يقول ) بخصوص التسجيل في حي العرب صحيح ولكن صحح المعلومة جماعتكم في الهلال هم الاتصلوا وليس حي العرب وبعدين تعال انتو فشلتو من تسجيل المدافع اليوغندي .... بالله في عاقل يسجل لاعب من يوغندا ... كان احسن تسجلوا من جيش الرب او الحركة الشعبية يمكن كان توحدوا السودان وتدخلوا في التاريخ من باب السياسة طالما ما قادرين تدخلوا من باب الكورة ... تمشي تسجل من يوغندا حرام عليكم وحتى من يوغندا تفشلو ... بعدين تعال عرفنا الحضري كبير في السن عجوز ... طيب حسام البدري مالو مش احسن من راعي البقر ميشو ... على العموم الفيصل هو الميدان .... ونقول يا يوم بكرة ما تسرع لك الود

من طرف ناظم عثمان الخميس ديسمبر 30, 2010 2:50 pm

ياسلام عليك ياودالخال اديهم من الاخر كده وريهم كيفن نحن الساس المحلين ديل دايرين شنو ....... الخ

عبدالعظيم الدوم كتب:اخي العزيز ناصر تحياتي لك ولكل نوبي غيور وكل اعضا المنتدى الكرام .
اخي طبعا انا وطارق (ابوهارون ) كنا في السودان وعيد الاضحى في البلد وطبعا رجعنا ببورتسودان وطارق اعجب بها جدا كان عايز يسجل في حي العرب بس لقوه عجوز خلوه ....
ولما ورجعنا جدة قال لي الحق صاحبك ناصر الجماعة محاصرنه في المنتدى يقصد اصحاب الاقلام (الحمراء ) وسارعت على الفور جددت اشتراكي في النت وعندما دخلت وجدتك مستلم الساحة طول وعرض وانت ذي الازرق (سيد البلد ) دائما في القمة والجماعة ديل معروفين بالجعجعة الكثيرة و(الطحين فنجان) امابخصوص التسجيلات ذي كل سنة تسمع الفصاخة يقولوا لك نحن سجلنا افضل الاعبين في افريقيا وقبل مايجف حبر تسجيلهم يشطبوهم وطبعا بعد مايمرروهم باختبارات ساساسادومبا وكاكاكاريكا والمهند والعجيب في الامر العام الماضي سخروا من تسجيلات الهلال لما سجل بشة وبوي والمدينة وجمعة وتفاخروا بتسجيل بن ضيف الله والمرابط التوانسة ورمزي الفلسطيني واذا سالت وينهم اليوم اكيد قي الشارع وبقى بوي وبشة ورفاقهم عقدا يتلالا في سماء افريقيا والحضري دا ابو ظيطة وجماعته حيلحقوا الفاتوا (وسبع لفات في دينه). بس عندي سؤال؟؟ انت القروش البتضيع على الفاضي دي حلال ولا.......وهل عرقانيين فيها ولا .....؟؟ طبعا الاجابة انا وانت عارفينها كويس بس خليها في سرك (ارتي داجي ) والله غالب

اخوك / عبد العظيم الدوم

اخونا ود الدوم حمد الله على السلامة اولا
الجماعة اصلا ما عندهم حاجة بس زى ما تقول فرفرة مذبوح،، وتسجيلاتهم كلها مدتها منتهية يعنى عواجيز ساي وحدهم يستلموا فلوس الغلابة ويشتتوا.

من طرف baqiomer السبت يناير 01, 2011 5:55 pm

نحن اي حاجة عندنا بنظام...

من طرف **طارق حمزة** السبت يناير 01, 2011 10:23 pm

baqiomer كتب:نحن اي حاجة عندنا بنظام..
من طرف ناصر محمد ابراهيم في الخميس ديسمبر 30, 2010 11:40
اخونا ود الدوم حمد الله على السلامة اولا
الجماعة اصلا ما عندهم حاجة بس زى ما تقول فرفرة مذبوح،، وتسجيلاتهم كلها مدتها منتهية يعنى عواجيز ساي وحدهم يستلموا فلوس الغلابة ويشتتوا.

حبيبنا بقة ... النظام الماجابليكم كاس محمول تعملوبيه شنو ...

طارق حمزة كتب:
baqiomer كتب:نحن اي حاجة عندنا بنظام..
من طرف ناصر محمد ابراهيم في الخميس ديسمبر 30, 2010 11:40
اخونا ود الدوم حمد الله على السلامة اولا
الجماعة اصلا ما عندهم حاجة بس زى ما تقول فرفرة مذبوح،، وتسجيلاتهم كلها مدتها منتهية يعنى عواجيز ساي وحدهم يستلموا فلوس الغلابة ويشتتوا.
حبيبنا بقة ... النظام الماجابليكم كاس محمول تعملوبيه شنو ...

ابو هارون كل سنة وانت طيب ومريخكم دائما وصيف سيد البلد....

من طرف **طارق حمزة** الأحد يناير 02, 2011 3:42 pm

وانت طيب يا ابو لمار ... لكن بصراحة 2011 عام المريخ ويا ويلكم يا اهل المقبرة ... اقل من كاس ابطال اقريقيا غير مقبول ... افتح الطريق يا ؟؟؟؟؟؟؟؟؟؟؟؟؟؟؟؟ ..

الحضري .. هل يصبح الحلم حقيقة!!

الحضري .. هل يصبح الحلم حقيقة!!

رد: الحضري .. هل يصبح الحلم حقيقة!!

رد: الحضري .. هل يصبح الحلم حقيقة!!

رد: الحضري .. هل يصبح الحلم حقيقة!!

رد: الحضري .. هل يصبح الحلم حقيقة!!

رد: الحضري .. هل يصبح الحلم حقيقة!!

رد: الحضري .. هل يصبح الحلم حقيقة!!

رد: الحضري .. هل يصبح الحلم حقيقة!!

رد: الحضري .. هل يصبح الحلم حقيقة!!

رد: الحضري .. هل يصبح الحلم حقيقة!!

رد: الحضري .. هل يصبح الحلم حقيقة!!

رد: الحضري .. هل يصبح الحلم حقيقة!!

رد: الحضري .. هل يصبح الحلم حقيقة!!

رد: الحضري .. هل يصبح الحلم حقيقة!!

رد: الحضري .. هل يصبح الحلم حقيقة!!

رد: الحضري .. هل يصبح الحلم حقيقة!!

رد: الحضري .. هل يصبح الحلم حقيقة!!

رد: الحضري .. هل يصبح الحلم حقيقة!!