زيك منو.. وانت الهلال

زيك منو.. وانت الهلال
شبهك شنو.. يا احلى فال
كِملت روائع أشواقنا فيك.. واتلاشى في ريدك محال..
زيك منو..
في كل جيل انت الفريد
دائماً من الأنجم بعيد
إنت الوطن حبك مجيد
ريدتنا للأبيض هنا.. والله للأزرق شديد
زيك منو..
لي ريدك الأطفال تميل
ويسهر لريدك كل جميل
حُب الشباب اكبر دليل
أما الشيوخ تهواك أكيد.. والحكمة اماتنا القبيل..
زيك منو..
ما شفنا في الأكوان صفاك
ما عشنا في السودان بلاك
أزرق سماء وأبيض ملاك
إفريقيا والعالم مداك.. وشعارك النيلين كفاك
زيك منو..
أزرق أنيق..أبيض شقيق
جمهور عريق.. الكل صديق
لاعب بقدر الشعار.. وإداري برسم في الطريق..
زيك منو..
ما بتتغلب في ملعبك
ما بتتوصف ما فيك شك
اقوى الفرق هي بتعجبك
اصلو الصعب بهوى الصعاب.. وكلمة محال هي بتطربك
زيك منو..
سيد النجوم.. صاحب فنون وإبداع دوام
في حضرتك تُخفى النجوم يا راقي يا سامي المقام
اللوعة ما في روعتك.. واللوحة ما في الانسجام
الروعة تغلب كل تيم.. وأنا فيك يغلبني الكلام
زيك منو..
يا هو الهلال اروع فريق في الكون عديل
الهامتو سامقة في كل جيل
القامتو زي طلع النخيل
الريد لغيرك ما بكون.. والدنيا غيرك مستحيل..
يا هو الهلال سيد الطرب
كاسات موشحة من ذهب
لا جات حظوظ لا جات وهب
هلالنا يا الاحباب صعب.. ما شفنا من ميدان هرب..
وهلالنا يا الأرباب صعب.. ما شاله زي زيكو وهرب
زيك منو..
كل البنات تتغنى بيك
كل البلاد تتمنى فيك
قدامنا تلعب ونشتهيك
ليه لأنك اغلى شي.. واجمل صفات الدنيا فيك..
زيك منو..
مليون بقربك يفرحو
في 100 عندك بمرحو
مليار معاك بتسوحو
حتى الزعل خدعو النجم.. لسع غرامك بجرحو..
زيك منو..
انت الهلال قاهر الرجال ما بيكفي في حقك غُنا
ما بوفي في وصفك كلام.. كل اللغات بتقيف هنا
ريدتنا ليك زي روعتك.. زي ريدة الأم للجنا
غلبوك أو غالب أكيد.. بهواك في الحالتين أنا
زيك منو..

مريخ السجم الليلة سوي حكاية
لخبط للحساب قصدو فينا نكاية
من العشرة سبعة وقالة لينا كفاية
دراويش اللعيبة وحارسهم صفاية
مريخنا جابها عويــرة
بعد الحاصل دة كيفن يعود الديرة
خلي مشجعو دايما دمعتو غزيرة
بالعشرة إتغلب ياااااخ سبعة كتيرة
الليلة النجمة تحت الحضيض منطبعة
يا القايلين غزال الليلة مرقت ضبعة
ما بنرضي الكعب كان بقالك طبعة
اخير الانسحاب من الغلب بي سبعة
مالو سمانا ضلم والنجم شن حجبو
مع غياب الهلال وين طمبل وين عجبو
السوهو شينا مافي زولا عجبو
مريخاب عمان زاتهم ادانو وشجبو