مواضيع مماثلة
بحـث
المواضيع الأخيرة
Twitter
اضحك مع الاعلام السالب يدافع عن (الخائن) ويهاجم البرنس
2 مشترك
صفحة 1 من اصل 1
اضحك مع الاعلام السالب يدافع عن (الخائن) ويهاجم البرنس
من طرف ناصر محمد ابراهيم الثلاثاء يناير 04, 2011 12:32 am
سوف تضحك كثيرا اذا قرأت لاعلام المريخ ..(الاعلام السالب) الذي وصل مرحلة من السوء ان يدافع الصحفي عن عصام الحضري في نفس العمود الذي يهاجم فيه هيثم مصطفي (حفظه الله ورعاه).
> جنسية الحضري (الوهمية) لم تكمل بعد الـ 520 ساعة.
> وهيثم مصطفي الذي لعب للمنتخب وهو يافع في الناشئين ..وقاد المنتخب الي غانا (نهائيات الامم) ومازال ينثر عطره في الملاعب يهاجمه هؤلاء!!.
> بمثل الطريقة السخيفة التي كانت المدرجات تهتف بها في وجه افضل من انجبته الملاعب العربية.
> وهيثم في الوقت الذي تختاره صحيفة مصرية ضمن القائمة الذهبية العربية ..يهاجمه هنا بعض الذين لا يحسنون غير (النفخ في الكير).
> يهاجمون (سيدا) ويدافعون عن لاعب رفضته كل الاندية التي لعب لها وتخلصت منه ولفظته هكذا (مسخا مشوها).
> هذا حضريكم ....(انتظرونا في هذا الموسم).
> بشة كفيل بان يسحب منه (الجنسية).
> وكفيل بان يرجعه الي علبه ..كما رجع (رمزي صالح).
> وبشة قادر على ان يجعل (همد) الذي يصرح الان يحرر خطاب الاعارة الي (ليبيا).
> كل هذه الاشياء ..بشة كفيل بها.
> انتظرونا.
> عصام الحضري الذي تجاوز الاربعين هو حُسب من فريقه الذي نشأ فيه (خائنا).
> وسمي عند الاعلام المصري بمختلف الوانها بالخائن.
> اسمه هكذا (الخائن).
> واللقب اطلقه عليه مدربه السابق (جوزية) ..عندما وجد عصام الحضري يفضل (الدولار) على (البطولات).
> وعصام الحضري هذا لو وجد فريق (وقد الصومالي) يدفع ليه الدولار سوف يبيع المريخ.
> الزول دا محل (الدولار) بمشي.
> محل ما يقبل بقبل.
> لاعب عمره (40) سنة ..الكورة عندو لقيط دولارات.
> انتوا الزول دا جايبنو عشان (يمثل) ليكم.
> الحضري دا زي (توفيق الدقن).
> بعرف يبكي ويدمع ويصرح ..ما تصدقوه.
> (بشة) طبعا بدرس في العقد من ناحية (قانونية).
> عشان بعدين يا بتوع الاعلام السالب ما تقولوا لينا الزول دا كبير..وبقي ما بشوف.
> كلموه من هسع ما يطلع من المرمي ساكت.
> اوعكم يكرر غلطة (الفدائي) رمزي صالح.
> قولوا ليه (بشة) دا ما بطلعوا ليه من المرمي.
> قالوا ليه (ديمبا) بطخك.
> نحن أي حاجة عندنا بي نظام.
> زي جرس الحصة الخامسة ...الناس بعدو بمشوا بيوت.
> هسع جرس الحصة الخامسة ذنبو شنو؟.
> قالوا ليك رمزي صالح وقت رجع مصر ..في واحد في (الزقازيق) قال ليه مشكلة الكورة السودانية شنو؟.
> رمزي صالح حسب (نضاله)..قال ليه مشكلة الكورة في السودان (الباكات) ما بقيفوا صاح.
> طبعا بالكلام دا ..رمزي صالح قاصد (بلة جابر وموسي الزومة).
> بلة جابر سمع الكلام دا ..ما عجبو ..قام قال ليه : والله انت يا رمزي اعلام الهلال ما خاطي عليك..يسجلوك بـ (جامعة الدول العربية) وتطلع من المرمي.
> موسي الزومة خذلو التعبير ..قال : هو ذاتو لا مناضل ولا حاجة.
> الكلام دا نحن ما قلنا ليكم بدري.
> لكن انتوا ما بتسمعوا الكلام.
> تستاهلوا.
> لكن اذا (الفدائي) ما نفع ..تفتكروا (الخائن) بنفع.
> زول بتاع (خيانات).
> فيلم هندي بس.
> مرة بحضر لي في فيلم هندي ..قام (الخائن) نط من الطابق الخامس..ما جاتو أي حاجة.
> في واحد قال لي الزول دا زي الحضري.
> قلت ليه زي الحضري في شنو ..في (النطة).
> زولكم قال لي : لا في (الخيانة).
> قالوا ليك الحضري بسخن بي (نضارات سوداء).
> نظام شنو؟.
> نظام الخيانة دي ولا بدسها.
> يدسها ليه ..طول ما بتجيب ليه (الدولارات).
> انت يا الحضري بتتعب معانا.
> نوعدكم بالتعب دا.
> يمكن اعلام الاهلي ما قدر عليك.
> اعلام سيون ما عرف ليك.
> اعلام الاسماعيلي فشل معاك.
> اعلام الزمالك ما عرف يعمل ليك شنو؟.
> لكن نحن نوعدك من هنا تمشي عدل.
> الموضوع دا خلوا علينا.
> عصام الحضري هذا بكل هذا السوء يوجد هنا من يدافع عنه ..ومن يجمل سنواته الاربعين.
> يا جماعة قلت ليكم اهلو نكروه.
> اهلو هاجموه.
> اربعين سنة يا حضري ...طيب انت فرقك شنو من (احمد ناجي).
> فرقك شنو من (جميل راتب).
> كلهم دفعة واحدة.
> قالوا ليك الحضري...بيعاني من (الشيخوخة المبكرة).
> شيخوخة مبكرة كيف؟..وهو وصل الاربعين.
> في الزمن دا عادي الزول (يهزمر) في السن دي.
> يهزمر يعني يجيهو (الزهايمر).
> الزهايمر دا .يعني الحضري ح يلخبط ليكم بين سعيد السعودي وعبدالحميد السعودي.
> يا حضري عبدالحميد السعودي شطبوه.
> اول مرة اشوف لي ناس يشطبوا (السلطان) عبدالحميد.
> قالوا ليك العجب عايش في حالة صعبة.
> صعبة شديد.
> العجب مسكين قالوا ليك لو في (غطاية حلة) وقعت ساكت يقول شطبوني.
> قالوا ليك مرة موسي الزومة قال للعجب : طبعا يا كابتن الكورة دي مدورة.
> العجب قال ليه : مدورة شنو؟...الناس ديل لو شطبوني قول لي عديل.
> ناس الخرطوم (شفوت) فتحوا خط ساخن مع العجب.
> قالوا ليه انت في ديسمبر مرقت مننا ..لكن في يونيو ما بتمرق.
> العجب مسكين بقي يلقط في (كداراتو)..الزول المفارق واضح.
> يا العجب ..تعال اوريك سيناريو شطبك.
> اول حاجة بقولوا المريخ ما عندو قائد.
> ما عندو قايد انتوا ماشين (الاندلس).
> بعد شوية بقوموا يسحبوا منك (الكابتنية)..ويقولوا ليك انت الكبير ...ويغنوا ليك اغنية ترباس ..(انت المهم).
> بعد كدا بتسمع الخبر في الاذاعة.
> ننصحك من هسع ..في يونيو اوعك تحضر عالم الرياضة.
> النوع المسكين دا ..دائما بسمع خبر الشطب في (الاذاعة).
> في واحد شطبوه حاول يتفلسف.
> قال انا سمعت خبر شطبي في (فضائية قوون).
> الشطب طوروه.
> نظام (تكنلوجيا) وكدا.
> في لاعب في المريخ (شطبوه)...ود عمتو كلمو ليك بالشطب بدون مقدمات.
> جاب ليه الكلام زي (الدراب).
> زولكم زعل زعل شديد ..وقال ليه : ما كان تقول لي الخبر بالصورة الفظيعة دي.
> ود عمتو قال ليه اقول ليك كيف يعني.
> قال ليه على طريقة (النكتة) الشهيرة.
> اول حاجة تقول لي انت (لياقتك) مالها تعبانة كدا.
> تاني حاجة تقول لي (اصاباتك) بقت كتيرة.
> ثالث حاجة تقول لي القون الجابو (بشة) انت سببو الرئيسي.
> رابع حاجة تقول لي : والله الناس ديل لو شطبوك ما غلطانين عليك ..انا طوالي بفهم.
> الزول دا كان عندو صاحبو بيلعب في المريخ بسمع في الكلام دا ...وقت الزول المشطوب دا كمل كلامو قال لي ود العمة ..اسمع عليك الله لو شطبوني اعمل معاي نفس الخطوات دي.
> اها مرت 6 شهور ..وزولكم ود العمة دا جاء للاعب التاني..قال ليه : اسمع ليقاتك دي مالها بقت تعبانة كدا.
> زولكم ما فهم حاجة.
> بعد شوية ود العمة قال ليه : اصاباتك بقت كتيرة.
> زولكم برضو ما فهم حاجة.
> ود العمة قال ليه قون (بشة) انت السبب الرئيسي فيه ..كلو منك.
> زولكم ما فهم حاجة.
> اخر حاجة ود العمة اتوكل وقال ليه : والله انت لو الناس ديل شطبوك ما غلطانين عليك.
> زولكم قال لي ود العمة ..اوعك تقول لي شطبوني.
> ود العمة قال ليه : وانا لو ما شطبوك مالي ومال (لياقتك)..هسع سفاري دا عندو لياقة في زول سألو.
> نرجع للحضري ...العجب خلي هسع دي.
> عصام الحضري الذي ترك الاهلي (فريقه الاصلي) وهو في اشد الحاجة اليه وهرب الي سويسرا سمي في مصر بـ(الهارب) ..وهو هنا يدافع عنه اعلام المريخ السالب.
> عاجبهم حكاية (الهارب) دا.
> انتوا فدائي بعجبكم.
> مناضل بعجبكم.
> هارب بعجبكم.
> مناضل بعجبكم.
> خلوا عندكم شوية موقف.
> ما تعملوها ظاهرة كدا.
> مع هذا يخرج عضو في المريخ ..اسمه (همد) لا يظهر إلا في مثل هذه المناسبات ويدافع هو الاخر عن عصام الحضري.
> همد دا ..دوره في المريخ كدا.
> بس يقعد يصرح.
> اديتنا المطر.
> لو دا تصريحك ليها حق ..الخرطوم تغرق.
> نحن عرفنا الخلل وين؟.
> وهمد الذي يعتبر مساعد للرئيس في مجلس المريخ كل دوره انحصر في ان يدافع عن عصام الحضري.
> ربما اراد ان يظهر.
> عاوز يلحق (المولد).
> او اراد ان يذكر الناس بان هناك عضوا في المريخ اسمه (همد) كاد ان ينساه الجميع لولا انه صرح الان.
> انتوا في زول بتذكر فيك (همد) دا.
> قريش بكون ما بعرفو.
> وكأن منصب (مساعد الرئيس) في مجلس المريخ منصب متروك للدفاع عن الحضري.
> يا همد لو عليت (السور) احسن.
> انتوا وين (الدقير)..الاسم دا اختفي نهائي.
> في (السور) بقي ما ظاهر.
> يمكن يكونوا (الدقير) دا اعاروه الي (ليبيا).
> غايتو البلد دي ما ظاهر فيها.
> الدقير خلي ..نحن هسع في (همد).
> همد دا زول في مجلس المريخ.
> لا اقول ليكم في مجلس المريخ ..لا اقول ليكم في مجلس النيل الحصاحيصا.
> اصلي بتلخبط بين مجلس ادارة النيل ..ومجلس ادارة المريخ.
> الاثنين قالوا بمشوا (لوزان).
> وهمد بدافع عن الحضري.
> ويمكن بكرة يطلع معتز محمود رئيس نادي ويقوم يدافع عن (الحضري).
> ناس جزيرة الفيل ذاتهم بعملوا كدا.
> وناس الاهلي الخرطوم ..برضو بدافعو.
> الفيلم دا شفناه قبل كدا.
> والحضري اهله ما بدافعوا عنه.
> رفضه فريق الاهلي المصري عندما خرج في الفضائيات يبكي بدموع التماسيح وهو كأنه يصور مشهدا دراميا.
> كان عصام الحضري مثل نور الشريف في فيلم (حبيبي دائما) وهو يبكي ويتوسل لادارة نادي الاهلي ان يعيدوه.
> هذا هو الحضري الذي يدافع عنه الاعلام السالب الان.
> والحضري يتخلص منه سيون السويسري بطريقة توضح الاستياء من هذا الحارس الذي يمكن ان يلعب في اسرائيل لو وجد (الدولار).
> ويلعب الحضري في الاسماعيلي وتستقبل شباكه اهدافا ما كانت تسجل في شباك حارس المريخ (الناشيء) مصطفي جعفر.
> اهداف من أي حتة..واهداف من أي زاوية ..حتي ان جماهير الاسماعيلي اصبحت تهتف في وشه.
> والحضري يقول لو ما ادوني (حافز) المباراة ما بلعب ..هكذا يصرح الحضري في الفضائيات.
> انا واضح ..انا بتاع قروش.
> انا لاعب محترف.
> هذا هو فهم الحضري.
> واعلام المريخ وعضو في مجلس المريخ اظن ان اسمه (همد) يدافع عن حارس بلغ من العمر عتيا.
> حارس من زمن (جدودنا زمان).
> زول عمرو اربعين سنة ..كلام اعلام الهلال بمعمل ليه شنو؟.
> الزول دا متعودة دائما.
> ديل ناس الفيفا عندهم فيه كلام.
> ناس الفيفا وقوفوه ..وهذا سوء سلوك يثبته الاتحاد الدولي لكرة القدم.
> وهنا في ناس بدافعوا عن (الهارب).
> اعلام المريخ الموسم الماضي كان بدافع عن رمزي صالح وكان بقولوا عنه (الفدائي) ..وكان بقول عنه (المناضل).
> هسع الحضري وحسب كلام اهله بقولوا عنه (الهارب).
> وبقولوا عنه (الخائن).
> دا ما كلامنا دا كلام اهلو.
> والحضري الذي انتقل الي الزمالك بعد ان فشل في الاسماعيلي ..اعتبر في الزمالك مؤخرا انه اسوأ صفقة في تاريخ الزمالك رغم (الدولارات) السائبة التي عادت لادارة الزمالك من جراء انتقاله للمريخ.
> لكن مع ذلك اعتبر الحضري الصفقة الاسوأ في تاريخ الزمالك.
> وهو حسب ما نشر في صحيفة قوون امس نقلا عن المواقع المصرية يعتبر ثاني افشل صفقة في الدوري المصري في العام السابق.
> يعني يا ناس المريخ ديل اهلو بقولوا عنه كدا.
> ويا همد اظن ما عندك أي طريقة عشان تقعد تدافع عن (الخائن) اهله يطلقون عليه هذا اللقب.
> ناس المريخ جعلوا الاعلام المصري يضحك من سذاجة ادارة المريخ التي دفعت هذا المبلغ في حارس في سن الاربعين.
> لا بد انهم يضحكون علينا الان.
> واكيد أي بضاعة ضاربة في الدوري المصري ح يحولوها للسودان.
> وجمال الوالي من اجل ان يتحدثوا عنه في (الفضائيات المصرية) ممكن يعمل أي حاجة.
> ممكن يدفع أي شيء ...اصلو زولكم دا ما مقتنع بي الغزل الذي يمارسه الاعلام السالب.
> المضحك ان مجلس ادارة نادي الزمالك شاف الزول البدفع ساكت دا..وقال احسن ادعى للتبرع للزمالك.
> اتخيلوا جمال الوالي يتبرع لنادي الزمالك.
> وجمال الوالي الذي حفز فريق حي العرب لانه استطاع الفوز على الهلال ..لا بد انه سوف يدفع ويحفز الزمالك كثيرا.
> خاصة ان الزمالك المرشح الاول لمواجهة الهلال في دور الـ 16.
> يعني (التحفيز) هذه المرة سوف يكون بي (فهم).
> هذا هو اعلام المريخ يدافع عن الحضري ويكتب في نفس المساحة التي يهاجم فيها هيثم مصطفي.
> وهيثم مصطفي يقصده اعلام المريخ منذ فترة.
> يوم ان اعتذر عن مرافقة المنتخب ..هاجموه.
> ويوم ان سافر ..قالوا سلم بي برود على لاعبي المريخ.
> تصدقوا ان الصحافة عندنا وصلت الي هذا الدرك ...قياس حرارة السلام.
> هذا الكلام كنا نسمعه في الفراشات والبكيات ..الان نسمعه في اعمدة كتاب المريخ.
> واعلام المريخ الذي رتب ودرب مجموعة للهتاف ضد هيثم مصطفي يكتب الان بنفس اللغة التي كانت تهتف بها المدرجات.
> ما هذا السوء.
> اين (الوطنية) التي لا تتحدثون عنها إلا اذا كانت تتضارب مع مصالحكم.
> اين الوطنية وانتم بهذا السخف تزرعون الفتنة وتقدمون اسوأ النماذج للوطنية.
> هيثم مصطفي لا يهزه مثل هذا السخف ..بقدر ما ينقص هذا من قدركم ..ويوضح لماذا انتم اعلام سالب.
> تلك منتهي السلبية.
> ملحوظة : تحاشي الحديث عن صفقة الحضري الفاشلة لن يكون بالهروب منها بمهاجمة هيثم مصطفي.
هوامش
> الحضري (سوداني) ليه 13 يوم.
> هل منحت الجنسية السودانية للحضري وسلبت من هؤلاء الذين يكتبون عن الوطن بهذا السوء.
> افضل لاعلام المريخ في هذا التوقيت ان يكتب عن (الطابق التاني).
> اخير تكتبوا عن الطابق التاني.
> الحضري قال لن تهزه الكتابات التي تكتب عنه.
> هارب وخائن يعني ح يقول شنو؟.
> بعدين رمزي صالح كان بقول نفس الكلام.
> بشة مراقب الموقف.
> وين كان الحضري عندما استقبلت شباكه 3 اهداف من الهلال.
> كرنقو جاب ليه هدف من نيالا.
> الكلام دا قبل ما الحضري يصل الاربعين.
> هسع القون في الحضري ممكن يجي من (نيودلهي).
> الكبر حصل.
> قالوا في اتصالات بدأت من ناس المريخ مع (السويركي).
> ناس المريخ ما عاوزين السويركي يدرب الحراس.
> المريخاب عاوزين السويركي يلعب.
> السويركي ما عندو فرق من الحضري.
> على الاقل السويركي زول ملتزم.
> تفتكروا بعد اقوان بشة ..(الحضري) بيهرب وين؟
> بيهرب ليبيا.
> سويسرا تاني ما في ليها طريقة.
> بشة ده أي حارس اتسجل بصورة ما قانونية ..بطفشو ليكم.
> خبر عاجل : يا الحضري..بشة شال رقم الجنسية....الحركة دي نفس الحركة العملها مع رمزي صالح.
> جنسية الحضري (الوهمية) لم تكمل بعد الـ 520 ساعة.
> وهيثم مصطفي الذي لعب للمنتخب وهو يافع في الناشئين ..وقاد المنتخب الي غانا (نهائيات الامم) ومازال ينثر عطره في الملاعب يهاجمه هؤلاء!!.
> بمثل الطريقة السخيفة التي كانت المدرجات تهتف بها في وجه افضل من انجبته الملاعب العربية.
> وهيثم في الوقت الذي تختاره صحيفة مصرية ضمن القائمة الذهبية العربية ..يهاجمه هنا بعض الذين لا يحسنون غير (النفخ في الكير).
> يهاجمون (سيدا) ويدافعون عن لاعب رفضته كل الاندية التي لعب لها وتخلصت منه ولفظته هكذا (مسخا مشوها).
> هذا حضريكم ....(انتظرونا في هذا الموسم).
> بشة كفيل بان يسحب منه (الجنسية).
> وكفيل بان يرجعه الي علبه ..كما رجع (رمزي صالح).
> وبشة قادر على ان يجعل (همد) الذي يصرح الان يحرر خطاب الاعارة الي (ليبيا).
> كل هذه الاشياء ..بشة كفيل بها.
> انتظرونا.
> عصام الحضري الذي تجاوز الاربعين هو حُسب من فريقه الذي نشأ فيه (خائنا).
> وسمي عند الاعلام المصري بمختلف الوانها بالخائن.
> اسمه هكذا (الخائن).
> واللقب اطلقه عليه مدربه السابق (جوزية) ..عندما وجد عصام الحضري يفضل (الدولار) على (البطولات).
> وعصام الحضري هذا لو وجد فريق (وقد الصومالي) يدفع ليه الدولار سوف يبيع المريخ.
> الزول دا محل (الدولار) بمشي.
> محل ما يقبل بقبل.
> لاعب عمره (40) سنة ..الكورة عندو لقيط دولارات.
> انتوا الزول دا جايبنو عشان (يمثل) ليكم.
> الحضري دا زي (توفيق الدقن).
> بعرف يبكي ويدمع ويصرح ..ما تصدقوه.
> (بشة) طبعا بدرس في العقد من ناحية (قانونية).
> عشان بعدين يا بتوع الاعلام السالب ما تقولوا لينا الزول دا كبير..وبقي ما بشوف.
> كلموه من هسع ما يطلع من المرمي ساكت.
> اوعكم يكرر غلطة (الفدائي) رمزي صالح.
> قولوا ليه (بشة) دا ما بطلعوا ليه من المرمي.
> قالوا ليه (ديمبا) بطخك.
> نحن أي حاجة عندنا بي نظام.
> زي جرس الحصة الخامسة ...الناس بعدو بمشوا بيوت.
> هسع جرس الحصة الخامسة ذنبو شنو؟.
> قالوا ليك رمزي صالح وقت رجع مصر ..في واحد في (الزقازيق) قال ليه مشكلة الكورة السودانية شنو؟.
> رمزي صالح حسب (نضاله)..قال ليه مشكلة الكورة في السودان (الباكات) ما بقيفوا صاح.
> طبعا بالكلام دا ..رمزي صالح قاصد (بلة جابر وموسي الزومة).
> بلة جابر سمع الكلام دا ..ما عجبو ..قام قال ليه : والله انت يا رمزي اعلام الهلال ما خاطي عليك..يسجلوك بـ (جامعة الدول العربية) وتطلع من المرمي.
> موسي الزومة خذلو التعبير ..قال : هو ذاتو لا مناضل ولا حاجة.
> الكلام دا نحن ما قلنا ليكم بدري.
> لكن انتوا ما بتسمعوا الكلام.
> تستاهلوا.
> لكن اذا (الفدائي) ما نفع ..تفتكروا (الخائن) بنفع.
> زول بتاع (خيانات).
> فيلم هندي بس.
> مرة بحضر لي في فيلم هندي ..قام (الخائن) نط من الطابق الخامس..ما جاتو أي حاجة.
> في واحد قال لي الزول دا زي الحضري.
> قلت ليه زي الحضري في شنو ..في (النطة).
> زولكم قال لي : لا في (الخيانة).
> قالوا ليك الحضري بسخن بي (نضارات سوداء).
> نظام شنو؟.
> نظام الخيانة دي ولا بدسها.
> يدسها ليه ..طول ما بتجيب ليه (الدولارات).
> انت يا الحضري بتتعب معانا.
> نوعدكم بالتعب دا.
> يمكن اعلام الاهلي ما قدر عليك.
> اعلام سيون ما عرف ليك.
> اعلام الاسماعيلي فشل معاك.
> اعلام الزمالك ما عرف يعمل ليك شنو؟.
> لكن نحن نوعدك من هنا تمشي عدل.
> الموضوع دا خلوا علينا.
> عصام الحضري هذا بكل هذا السوء يوجد هنا من يدافع عنه ..ومن يجمل سنواته الاربعين.
> يا جماعة قلت ليكم اهلو نكروه.
> اهلو هاجموه.
> اربعين سنة يا حضري ...طيب انت فرقك شنو من (احمد ناجي).
> فرقك شنو من (جميل راتب).
> كلهم دفعة واحدة.
> قالوا ليك الحضري...بيعاني من (الشيخوخة المبكرة).
> شيخوخة مبكرة كيف؟..وهو وصل الاربعين.
> في الزمن دا عادي الزول (يهزمر) في السن دي.
> يهزمر يعني يجيهو (الزهايمر).
> الزهايمر دا .يعني الحضري ح يلخبط ليكم بين سعيد السعودي وعبدالحميد السعودي.
> يا حضري عبدالحميد السعودي شطبوه.
> اول مرة اشوف لي ناس يشطبوا (السلطان) عبدالحميد.
> قالوا ليك العجب عايش في حالة صعبة.
> صعبة شديد.
> العجب مسكين قالوا ليك لو في (غطاية حلة) وقعت ساكت يقول شطبوني.
> قالوا ليك مرة موسي الزومة قال للعجب : طبعا يا كابتن الكورة دي مدورة.
> العجب قال ليه : مدورة شنو؟...الناس ديل لو شطبوني قول لي عديل.
> ناس الخرطوم (شفوت) فتحوا خط ساخن مع العجب.
> قالوا ليه انت في ديسمبر مرقت مننا ..لكن في يونيو ما بتمرق.
> العجب مسكين بقي يلقط في (كداراتو)..الزول المفارق واضح.
> يا العجب ..تعال اوريك سيناريو شطبك.
> اول حاجة بقولوا المريخ ما عندو قائد.
> ما عندو قايد انتوا ماشين (الاندلس).
> بعد شوية بقوموا يسحبوا منك (الكابتنية)..ويقولوا ليك انت الكبير ...ويغنوا ليك اغنية ترباس ..(انت المهم).
> بعد كدا بتسمع الخبر في الاذاعة.
> ننصحك من هسع ..في يونيو اوعك تحضر عالم الرياضة.
> النوع المسكين دا ..دائما بسمع خبر الشطب في (الاذاعة).
> في واحد شطبوه حاول يتفلسف.
> قال انا سمعت خبر شطبي في (فضائية قوون).
> الشطب طوروه.
> نظام (تكنلوجيا) وكدا.
> في لاعب في المريخ (شطبوه)...ود عمتو كلمو ليك بالشطب بدون مقدمات.
> جاب ليه الكلام زي (الدراب).
> زولكم زعل زعل شديد ..وقال ليه : ما كان تقول لي الخبر بالصورة الفظيعة دي.
> ود عمتو قال ليه اقول ليك كيف يعني.
> قال ليه على طريقة (النكتة) الشهيرة.
> اول حاجة تقول لي انت (لياقتك) مالها تعبانة كدا.
> تاني حاجة تقول لي (اصاباتك) بقت كتيرة.
> ثالث حاجة تقول لي القون الجابو (بشة) انت سببو الرئيسي.
> رابع حاجة تقول لي : والله الناس ديل لو شطبوك ما غلطانين عليك ..انا طوالي بفهم.
> الزول دا كان عندو صاحبو بيلعب في المريخ بسمع في الكلام دا ...وقت الزول المشطوب دا كمل كلامو قال لي ود العمة ..اسمع عليك الله لو شطبوني اعمل معاي نفس الخطوات دي.
> اها مرت 6 شهور ..وزولكم ود العمة دا جاء للاعب التاني..قال ليه : اسمع ليقاتك دي مالها بقت تعبانة كدا.
> زولكم ما فهم حاجة.
> بعد شوية ود العمة قال ليه : اصاباتك بقت كتيرة.
> زولكم برضو ما فهم حاجة.
> ود العمة قال ليه قون (بشة) انت السبب الرئيسي فيه ..كلو منك.
> زولكم ما فهم حاجة.
> اخر حاجة ود العمة اتوكل وقال ليه : والله انت لو الناس ديل شطبوك ما غلطانين عليك.
> زولكم قال لي ود العمة ..اوعك تقول لي شطبوني.
> ود العمة قال ليه : وانا لو ما شطبوك مالي ومال (لياقتك)..هسع سفاري دا عندو لياقة في زول سألو.
> نرجع للحضري ...العجب خلي هسع دي.
> عصام الحضري الذي ترك الاهلي (فريقه الاصلي) وهو في اشد الحاجة اليه وهرب الي سويسرا سمي في مصر بـ(الهارب) ..وهو هنا يدافع عنه اعلام المريخ السالب.
> عاجبهم حكاية (الهارب) دا.
> انتوا فدائي بعجبكم.
> مناضل بعجبكم.
> هارب بعجبكم.
> مناضل بعجبكم.
> خلوا عندكم شوية موقف.
> ما تعملوها ظاهرة كدا.
> مع هذا يخرج عضو في المريخ ..اسمه (همد) لا يظهر إلا في مثل هذه المناسبات ويدافع هو الاخر عن عصام الحضري.
> همد دا ..دوره في المريخ كدا.
> بس يقعد يصرح.
> اديتنا المطر.
> لو دا تصريحك ليها حق ..الخرطوم تغرق.
> نحن عرفنا الخلل وين؟.
> وهمد الذي يعتبر مساعد للرئيس في مجلس المريخ كل دوره انحصر في ان يدافع عن عصام الحضري.
> ربما اراد ان يظهر.
> عاوز يلحق (المولد).
> او اراد ان يذكر الناس بان هناك عضوا في المريخ اسمه (همد) كاد ان ينساه الجميع لولا انه صرح الان.
> انتوا في زول بتذكر فيك (همد) دا.
> قريش بكون ما بعرفو.
> وكأن منصب (مساعد الرئيس) في مجلس المريخ منصب متروك للدفاع عن الحضري.
> يا همد لو عليت (السور) احسن.
> انتوا وين (الدقير)..الاسم دا اختفي نهائي.
> في (السور) بقي ما ظاهر.
> يمكن يكونوا (الدقير) دا اعاروه الي (ليبيا).
> غايتو البلد دي ما ظاهر فيها.
> الدقير خلي ..نحن هسع في (همد).
> همد دا زول في مجلس المريخ.
> لا اقول ليكم في مجلس المريخ ..لا اقول ليكم في مجلس النيل الحصاحيصا.
> اصلي بتلخبط بين مجلس ادارة النيل ..ومجلس ادارة المريخ.
> الاثنين قالوا بمشوا (لوزان).
> وهمد بدافع عن الحضري.
> ويمكن بكرة يطلع معتز محمود رئيس نادي ويقوم يدافع عن (الحضري).
> ناس جزيرة الفيل ذاتهم بعملوا كدا.
> وناس الاهلي الخرطوم ..برضو بدافعو.
> الفيلم دا شفناه قبل كدا.
> والحضري اهله ما بدافعوا عنه.
> رفضه فريق الاهلي المصري عندما خرج في الفضائيات يبكي بدموع التماسيح وهو كأنه يصور مشهدا دراميا.
> كان عصام الحضري مثل نور الشريف في فيلم (حبيبي دائما) وهو يبكي ويتوسل لادارة نادي الاهلي ان يعيدوه.
> هذا هو الحضري الذي يدافع عنه الاعلام السالب الان.
> والحضري يتخلص منه سيون السويسري بطريقة توضح الاستياء من هذا الحارس الذي يمكن ان يلعب في اسرائيل لو وجد (الدولار).
> ويلعب الحضري في الاسماعيلي وتستقبل شباكه اهدافا ما كانت تسجل في شباك حارس المريخ (الناشيء) مصطفي جعفر.
> اهداف من أي حتة..واهداف من أي زاوية ..حتي ان جماهير الاسماعيلي اصبحت تهتف في وشه.
> والحضري يقول لو ما ادوني (حافز) المباراة ما بلعب ..هكذا يصرح الحضري في الفضائيات.
> انا واضح ..انا بتاع قروش.
> انا لاعب محترف.
> هذا هو فهم الحضري.
> واعلام المريخ وعضو في مجلس المريخ اظن ان اسمه (همد) يدافع عن حارس بلغ من العمر عتيا.
> حارس من زمن (جدودنا زمان).
> زول عمرو اربعين سنة ..كلام اعلام الهلال بمعمل ليه شنو؟.
> الزول دا متعودة دائما.
> ديل ناس الفيفا عندهم فيه كلام.
> ناس الفيفا وقوفوه ..وهذا سوء سلوك يثبته الاتحاد الدولي لكرة القدم.
> وهنا في ناس بدافعوا عن (الهارب).
> اعلام المريخ الموسم الماضي كان بدافع عن رمزي صالح وكان بقولوا عنه (الفدائي) ..وكان بقول عنه (المناضل).
> هسع الحضري وحسب كلام اهله بقولوا عنه (الهارب).
> وبقولوا عنه (الخائن).
> دا ما كلامنا دا كلام اهلو.
> والحضري الذي انتقل الي الزمالك بعد ان فشل في الاسماعيلي ..اعتبر في الزمالك مؤخرا انه اسوأ صفقة في تاريخ الزمالك رغم (الدولارات) السائبة التي عادت لادارة الزمالك من جراء انتقاله للمريخ.
> لكن مع ذلك اعتبر الحضري الصفقة الاسوأ في تاريخ الزمالك.
> وهو حسب ما نشر في صحيفة قوون امس نقلا عن المواقع المصرية يعتبر ثاني افشل صفقة في الدوري المصري في العام السابق.
> يعني يا ناس المريخ ديل اهلو بقولوا عنه كدا.
> ويا همد اظن ما عندك أي طريقة عشان تقعد تدافع عن (الخائن) اهله يطلقون عليه هذا اللقب.
> ناس المريخ جعلوا الاعلام المصري يضحك من سذاجة ادارة المريخ التي دفعت هذا المبلغ في حارس في سن الاربعين.
> لا بد انهم يضحكون علينا الان.
> واكيد أي بضاعة ضاربة في الدوري المصري ح يحولوها للسودان.
> وجمال الوالي من اجل ان يتحدثوا عنه في (الفضائيات المصرية) ممكن يعمل أي حاجة.
> ممكن يدفع أي شيء ...اصلو زولكم دا ما مقتنع بي الغزل الذي يمارسه الاعلام السالب.
> المضحك ان مجلس ادارة نادي الزمالك شاف الزول البدفع ساكت دا..وقال احسن ادعى للتبرع للزمالك.
> اتخيلوا جمال الوالي يتبرع لنادي الزمالك.
> وجمال الوالي الذي حفز فريق حي العرب لانه استطاع الفوز على الهلال ..لا بد انه سوف يدفع ويحفز الزمالك كثيرا.
> خاصة ان الزمالك المرشح الاول لمواجهة الهلال في دور الـ 16.
> يعني (التحفيز) هذه المرة سوف يكون بي (فهم).
> هذا هو اعلام المريخ يدافع عن الحضري ويكتب في نفس المساحة التي يهاجم فيها هيثم مصطفي.
> وهيثم مصطفي يقصده اعلام المريخ منذ فترة.
> يوم ان اعتذر عن مرافقة المنتخب ..هاجموه.
> ويوم ان سافر ..قالوا سلم بي برود على لاعبي المريخ.
> تصدقوا ان الصحافة عندنا وصلت الي هذا الدرك ...قياس حرارة السلام.
> هذا الكلام كنا نسمعه في الفراشات والبكيات ..الان نسمعه في اعمدة كتاب المريخ.
> واعلام المريخ الذي رتب ودرب مجموعة للهتاف ضد هيثم مصطفي يكتب الان بنفس اللغة التي كانت تهتف بها المدرجات.
> ما هذا السوء.
> اين (الوطنية) التي لا تتحدثون عنها إلا اذا كانت تتضارب مع مصالحكم.
> اين الوطنية وانتم بهذا السخف تزرعون الفتنة وتقدمون اسوأ النماذج للوطنية.
> هيثم مصطفي لا يهزه مثل هذا السخف ..بقدر ما ينقص هذا من قدركم ..ويوضح لماذا انتم اعلام سالب.
> تلك منتهي السلبية.
> ملحوظة : تحاشي الحديث عن صفقة الحضري الفاشلة لن يكون بالهروب منها بمهاجمة هيثم مصطفي.
هوامش
> الحضري (سوداني) ليه 13 يوم.
> هل منحت الجنسية السودانية للحضري وسلبت من هؤلاء الذين يكتبون عن الوطن بهذا السوء.
> افضل لاعلام المريخ في هذا التوقيت ان يكتب عن (الطابق التاني).
> اخير تكتبوا عن الطابق التاني.
> الحضري قال لن تهزه الكتابات التي تكتب عنه.
> هارب وخائن يعني ح يقول شنو؟.
> بعدين رمزي صالح كان بقول نفس الكلام.
> بشة مراقب الموقف.
> وين كان الحضري عندما استقبلت شباكه 3 اهداف من الهلال.
> كرنقو جاب ليه هدف من نيالا.
> الكلام دا قبل ما الحضري يصل الاربعين.
> هسع القون في الحضري ممكن يجي من (نيودلهي).
> الكبر حصل.
> قالوا في اتصالات بدأت من ناس المريخ مع (السويركي).
> ناس المريخ ما عاوزين السويركي يدرب الحراس.
> المريخاب عاوزين السويركي يلعب.
> السويركي ما عندو فرق من الحضري.
> على الاقل السويركي زول ملتزم.
> تفتكروا بعد اقوان بشة ..(الحضري) بيهرب وين؟
> بيهرب ليبيا.
> سويسرا تاني ما في ليها طريقة.
> بشة ده أي حارس اتسجل بصورة ما قانونية ..بطفشو ليكم.
> خبر عاجل : يا الحضري..بشة شال رقم الجنسية....الحركة دي نفس الحركة العملها مع رمزي صالح.
ناصر محمد ابراهيم-
عدد الرسائل : 650
العمر : 46
الموقع : السعودية - جدة
العمل/الترفيه : مهندس
السٌّمعَة : 2
نقاط : 1510
تاريخ التسجيل : 02/03/2009 -
رد: اضحك مع الاعلام السالب يدافع عن (الخائن) ويهاجم البرنس
من طرف محمد كامل الثلاثاء يناير 04, 2011 8:41 pm
تم الكلام وربنا محمود وله المكارم والعلا والجود وعلى النبي محمد صلواته ما ناح قمر وأورق عود
مافي كلام تاني ...
مافي كلام تاني ...
محمد كامل- عدد الرسائل : 155
العمر : 46
الموقع : http://nobian.4ulike.com/
العمل/الترفيه : فني حاسوب
السٌّمعَة : 4
نقاط : 327
تاريخ التسجيل : 28/12/2010 -
مواضيع مماثلةصفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
» محمود محمد عبدالرحمن
» الحاج بدري عثمان
» مجرد راي
» حنفي عثمان طه
» الملك الاعرج
» تقرير اداء المنظمة لعام 2016 / 2017
» صلة الارحام
» الإفطار السنوي للجمعية