مواضيع مماثلة
بحـث
المواضيع الأخيرة
Twitter
غرامة الحضري مفروض يدفعها الكاردينال
2 مشترك
صفحة 1 من اصل 1
غرامة الحضري مفروض يدفعها الكاردينال
< انتخابات الهلال الان تشغل الاوساط الرياضية.
< طعون ..وعضوية ...وتصريحات.
< هكذا عودنا الهلال ...يبقي دائما هو مسرحا للتنافس وللحراك الديمقراطي الجميل.
< ما زي جمال الوالي انتخبوه 399 عضو.
< ربع كيلو صفوة.
< اشرف سيد احمد الكاردينال ..يصرح ويؤكد انه سوف يحسم الجولات الانتخابية بفوز مجموعته.
< يا الكاردينال (البيت الابيض) دا صعب.
< واللواء عبدالله حسن عمر البشير ...يؤكد مزاعم الكاردينال.
< والامين البرير هناك بمجموعات كبيرة ..وعضوية ..(مجهزة) يقترب من الرئاسة.
< انتخابات يعني انتخابات.
< اسمع الاخوة ...(عزة).
< وكل مجموعة تتمني (كرسي) الهلال.
< الكل يصارع من اجل الدخول لمجلس ادارة نادي الهلال المنتخب.
< انتوا فاكرنها لعب ..دا الهلال.
< وصلاح ادريس من بعيد يأتي.
< يأتي متأخرا لكن فوق رأي.
< صلاح ادريس ديمة بحب المفاجأت ..تقول (عيد ميلاد).
< اسمع الاخوة (اصالة).
< والناس تراقب.
< والصحف الرياضية تكتب ...والصراع يشتد.
< تلج في شتاء بارد.
< في زول عاوز ليهو تلج.
< اسمع الاخوة ...(صدارة).
< طعونات ...واجتماعات ...وامال واحلام ...والهلال هو الهلال ما بهزو ريح.
< يبقي الهلال عظيما هكذا ..في كل الاحوال.
< الناس كلها بتحلم بيهو.
< ما زي جمال الوالي...7 وصافات في 8 سنوات ..وبرضو وقت ينزل انتخابات ما بلقي ليهو زول ينزل معاه.
< زول يرجعوه بي (مسيرة) وهمية.
< مسرحية كدا.
< صلاح ادريس استقال ..ما عارف الي الان يرجع كيف؟.
< انتخابات ما بترجع صلاح ادريس.
< جمال الوالي يزعل ...يرجعوه.
< يحرد ..يرجعوه.
< يستقيل عديل كدا ..يقول انا ما عاوز يا جماعة ..ما عاوزكم عديل كدا.
< برضو يرجعوه.
< لاقي (التكية) دي يطلع ويدخل فيها زي ما هو عاوز وما في زول يسألو.
< يمين جمال الوالي الحركات دي لو عملها في الهلال ...(تشجيع) ساكت ما بنخلي يشجع الهلال.
< دا الهلال.
< نحن كمان بنلعب.
< نحن أي حاجة عندنا بي نظام.
< زي كراسي الجلوس.
< كراسي الجلوس هسع ذنبها شنو؟.
< زي واحد كدا ..مشي ليهو صالون حلاقة ..وقال للحلاق اسمع ...انا عاوز احلق لكن في العيد الكبير.
< الحلاق قال ليهو : لكن العيد الكبير باقي ليهو 10 شهور.
< زولكم قال للحلاق ...خلاص ما في مشكلة ..ممكن تعمل لي (قطعية) في العيد الصغير.
< العيد الصغير يعني قرب.
< لكن انت ما تطلع لينا من الموضوع ..خلينا هسع في موضوع الساعة...انتخابات الهلال.
< عشان الموضوع ما يمشي لي بعيد.
< عندي ليكم حل.
< العاوز يفوز بالانتخابات القادمة ...عندي ليهو خطوة واحدة لو عملها سوف يفوز.
< خطوة بتختصر ليكم الكتير.
< سيبكم من كلام الجرايد دا.
< ما في رئيس ببقي للهلال بي (كسير التلج).
< ناس الهلال ديل اوعي ناس.
< لا عضوية...ولا طعون...ولا ندوات ..ولا (تزوير).
< خطوة عديلة...لو عملها أي مرشح للرئاسة ..بيصبح (رئيس الهلال).
< دي حاجة انا بضمنها ليكم ان شاءالله.
< عارفين الخطوة دي شنو؟.
< العاوز يبقي رئيس الهلال في المرشحين ديل : اشرف الكاردينال اوالامين البرير اوصلاح ادريس ..يعمل حاجة واحدة.
< يدفع غرامة الحضري.
< الحضري دا نحن بنفتش ليهو فتيش.
< لو الفيفا وقفتو خسارة للهلالاب.
< ناس بكرى المدينة ديل بحلموا يشوفوا (الحضري) دا في الشبكة.
< كرنقو حكي ليهم أي حاجة.
< ما في حاجة بتفوت على بكرى المدينة.
< لو الكاردينال او صلاح ادريس او الامين البرير دفع غرامة الحضري ..الهلالاب ديل بضحكوا من الضرس للضرس.
< الواحد فيهم ببقي (مدهوش)...زي العربية الما فيها (فرامل).
< مدهوش دي زي سلطة الفواكه.
< او زي الفيلم الهندي...زي النكتة الشهيرة.
< بطل الفيلم يدخل الجامعة.
< في الجامعة يكتشف حاجة غريبة.
< يكتشف انو امو زميلتو.
< يقوم يتقدم ليها.
< يمشي يطلب يد امو من ابوه.
< تقوم احداث الفيلم تسخن ...وتدور على هذا النحو.
< مرة بحضر لي في فيلم.
< اخر مشهد ...بطل الفيلم لقينا قاعد جنبنا ...بحضر في الفيلم ..وبسمع في تعليقاتنا.
< ونحن نعلق بي كل حسن نية.
< ما جايبين خبر.
< بس الحمدلله ما طلع فينا (خاين).
< نرجع لموضوع الحضري.
< انا شايف غرامة الحضري دي مفروض يدفعها اشرف الكاردينال.
< ما عشان انا عاوز الكاردينال يفوز...لكن عشان المريخاب ديل يفهموا حاجة.
< الكاردينال دا ظاهر عليه زول متهور.
< في الموضوع دا بالتحديد ما بجامل..ولا بهادن.
< يعني ممكن ينفعل كدا ..ويدفع الغرامة.
< لو الكاردينال دفع غرامة الحضري يكون ما قصر مع ناس الهلال.
< الجميل انو الهلالاب ما بنسوا مواقف كبيرة للكاردينال.
< بعدين ..الكاردينال بدفع.
< لاعبو الهلال بحفظوا للكاردينال الكثير من المواقف الجميلة.
< في الكثير من الاوقات ..لم يجد لاعبي الهلال غير الكاردينال.
< لكن دا ما معناه ..انو الكاردينال ما عندو اخطاء.
< اسمع الاخوة ...(كردل).
< مرة الكاردينال دا شابكنا ح اسجل قودوين.
< ح ارجع قودوين.
< كل يوم والتاني الكاردينال يصرح ..حسمنا موضوع قودوين.
< يا الكاردينال ..قودوين ...وين؟.
< قود...وين؟.
< او قود فين؟.
< اخر حاجة ...تسجيل قودوين طلع كلام جرايد ساكت.
< طبعا الجرايد الرياضية تعجبك.
< بعملوا من الحبة قبة.
< يعني عادي جدا منير ام بدة يمشي الانتر.
< ولا في زول بقول حاجة.
< منير امبدة دا على شوية كدا ناس الهلال كان بيلعبوه في الانتر.
< اعلامنا الرياضي كدا.
< هنو دا عملوهو زي ميسي.
< ميسي كمان بطلع ليهو في تربيزة.
< انت ما تبالغ.
< والله يا هنو ..لو ميسي بعمل في الحركات البتعمل فيها دي ..كان لي هسع يكون طلع (القمر) ..من الاهداف البسجل فيها.
< هسع في داعي تطلع ليك يا هنو في تربيزة.
< انت في (سماية).
< ذكرتوني ايام المسلسلات العربية بحضروها بالرتينة.
< الزمن داك ...قبل (السندوتش) ما يكون فيه 50 زول.
< قبل ما (العيشة) ...يكون فيها 75 شخص.
< الله يهون بس.
< في واحد قلت ليهو ..انت تعال هنا ..ليه بتتخيل الكاردينال دا يقوم ينفعل كدا ويدفع غرامة الحضري ...نحن الحضري مالنا ومالو.
< زولكم قال لي (الكاردينال) دا خطر.
< زول بدفع.
< والله يا الكاردينال لو عاوز ليك (دعاية)..ادفع غرامة الحضري.
< القنوات الفضائية دي كلها تدور في الموضوع دا.
< الكاردينال يطلع من (الحياة) يدخل دريم.
< من عمرو اديب الي مدحت شلبي.
< شوبير يعمل ليهو حلقة مع الكاردينال 6 ساعات.
< انتوا قايلين غرامة الحضري دي حاجة ساهلة.
< ادفعها يا الكاردينال.
< اول حاجة لو دفعتها ..بضمن ليكم (سادومبا) يرجع.
< تاني لا بتسمعوا بي حكاية جواز انتهي.
< لا بقول ليكم امي عيانة.
< سادومبا زعلان... خايف الحضري ما يدفعوا غرامتو ..يقومو يوقوفهو تاني.
< وبيني بينكم (سادومبا) عاوز يتمتع.
< في متعة اكتر من تلقي ليك حارس عمرو 40 سنة.
< ما في اجمل من كدا.
< لكن يا سادومبا ما تخاف.
< ارجع ساكت.
< جمال الوالي بدفع الغرامة.
< عندنا واحد دخل ليهو بي قندران في مزرعة واحد.
< الزول دا كتل ليهو 15 بقرة.
< هسع البقر ذنبو شنو؟.
< قامت المحكمة غرمت الزول يدفع قروش للزول المتضرر.
< عارفين الزول الدخل في المزرعة بالقندران عمل شنو؟.
< شال الغرامة ...وقال ماشي الخرطوم.
< قال ما في زول بدفع لي (الغرامة) دي غير جمال الوالي.
< جمال الوالي بدفع غرامات سيون ...ما يدفع لي انا.
< بدفع غرامة الحضري ...ما بدفع لي انا ود البلد.
< غايتو أي زول عندو غرامة يمشي لي جمال الوالي.
< نحن عندنا زول مفتح.
< زول مفتح ..ما رابط الحزام.
< ناس المرور طبعا غرموه.
< زولكم شال الوصل ...وقال ماشي لي جمال الوالي.
< ادفع يا جمال الوالي.
< مسجل ليك حارس لو طلع ليهو كورة ساكت عاوز ليهو مقدم (ضلوع).
< انتوا قايلين الحضري بقع في الواطة بلاش.
< دي الحضري ما بعملها ليكم.
< أي وقعة بي الف دولار.
< مسكين اكرم الهادي سليم...جبتوا ليهو (الحصوة) وفكيتو عكس الهوا.
< انتوا ما بتتوقعوا حاجة.
< انا بتوقع وقت جمال الوالي يدفع الغرامة..يقوم الحضري يشكي من (الحصوة).
< الحصوة في الزول العمرو اربعين سنة صعبة.
< ملحوظة: بس ما تغالطوا.
هوامش
< غدا ان شاءالله نلتقي في صفحة (من الغلاف للغلاف).
< عشان نشوف (الغرامة) دي حدها وين؟.
< نحن الحضري دا قلت ليكم بنتابعوا ليكم لحظة ..لحظة.
< عيد الميلاد الخصم منو سنتين برضو ما بنخلي.
< ابوجريشة ..جاب (التورتة).
< والله يا ابوجريشة دي ما المحرية فيك ..بقيت تجيب (التورتة).
< وتطفي (الشمع) كمان.
< الموضوع دا نحن ما بنخلي.
< بكرة تعالوا شوف موضوع الـ 38 شمعة.
< الهلال خسر من الدخان الشرقية.
< وما في دخان من غير نار.
< الهلال مقسوم ..فريق مع مازدا وفريق مع ميشو.
< معسكر قريب.
< لكن لا صوت يعلو على صوت الوطن.
< سوف تكون فايدة لاعبي الهلال من المنتخب كبيرة.
< بطولة المحليين سوف تدفع لاعبي الهلال لتقديم موسم ممتاز.
< سادومبا ..جوازو حصل فيهو شنو؟.
< يا سادومبا انت سريع في أي حاجة ..إلا في العودة.
< بلة جابر شاف الحضري ..قال عاوز يعمل ليهو (عيد ميلاد).
< يا بلة هوي ..نحن ما عندنا حركات بالشكل دا.
< بكرة طارق مختار يقول عاوز احتفل بي الفلانتاين.
< احسن احسموا الموضوع دا مع هسع.
< نحن ما عندنا لاعب بحتفل بي عيد ميلادو.
< المشكلة ..ابوجريشة بجيب (التورتة).
< يمين موضوع (التورتة) دا ما بنخلي.
< كتر خير الحضري.
< قالوا ليك واحد دخل فيهو قندران ..زولكم قام بعد ما القندران طلع في صدرو وقال ..لو بتاع القندران عارف انا البنطلون دا تعبان في مكوتو قدر شنو ما كان بعمل عمليتو دي.
< كان بفتح.
< خلونا نكمل بكرة.
< خبر عاجل: يا هنو ..السنة دي (التربيزة) علينا.
< طعون ..وعضوية ...وتصريحات.
< هكذا عودنا الهلال ...يبقي دائما هو مسرحا للتنافس وللحراك الديمقراطي الجميل.
< ما زي جمال الوالي انتخبوه 399 عضو.
< ربع كيلو صفوة.
< اشرف سيد احمد الكاردينال ..يصرح ويؤكد انه سوف يحسم الجولات الانتخابية بفوز مجموعته.
< يا الكاردينال (البيت الابيض) دا صعب.
< واللواء عبدالله حسن عمر البشير ...يؤكد مزاعم الكاردينال.
< والامين البرير هناك بمجموعات كبيرة ..وعضوية ..(مجهزة) يقترب من الرئاسة.
< انتخابات يعني انتخابات.
< اسمع الاخوة ...(عزة).
< وكل مجموعة تتمني (كرسي) الهلال.
< الكل يصارع من اجل الدخول لمجلس ادارة نادي الهلال المنتخب.
< انتوا فاكرنها لعب ..دا الهلال.
< وصلاح ادريس من بعيد يأتي.
< يأتي متأخرا لكن فوق رأي.
< صلاح ادريس ديمة بحب المفاجأت ..تقول (عيد ميلاد).
< اسمع الاخوة (اصالة).
< والناس تراقب.
< والصحف الرياضية تكتب ...والصراع يشتد.
< تلج في شتاء بارد.
< في زول عاوز ليهو تلج.
< اسمع الاخوة ...(صدارة).
< طعونات ...واجتماعات ...وامال واحلام ...والهلال هو الهلال ما بهزو ريح.
< يبقي الهلال عظيما هكذا ..في كل الاحوال.
< الناس كلها بتحلم بيهو.
< ما زي جمال الوالي...7 وصافات في 8 سنوات ..وبرضو وقت ينزل انتخابات ما بلقي ليهو زول ينزل معاه.
< زول يرجعوه بي (مسيرة) وهمية.
< مسرحية كدا.
< صلاح ادريس استقال ..ما عارف الي الان يرجع كيف؟.
< انتخابات ما بترجع صلاح ادريس.
< جمال الوالي يزعل ...يرجعوه.
< يحرد ..يرجعوه.
< يستقيل عديل كدا ..يقول انا ما عاوز يا جماعة ..ما عاوزكم عديل كدا.
< برضو يرجعوه.
< لاقي (التكية) دي يطلع ويدخل فيها زي ما هو عاوز وما في زول يسألو.
< يمين جمال الوالي الحركات دي لو عملها في الهلال ...(تشجيع) ساكت ما بنخلي يشجع الهلال.
< دا الهلال.
< نحن كمان بنلعب.
< نحن أي حاجة عندنا بي نظام.
< زي كراسي الجلوس.
< كراسي الجلوس هسع ذنبها شنو؟.
< زي واحد كدا ..مشي ليهو صالون حلاقة ..وقال للحلاق اسمع ...انا عاوز احلق لكن في العيد الكبير.
< الحلاق قال ليهو : لكن العيد الكبير باقي ليهو 10 شهور.
< زولكم قال للحلاق ...خلاص ما في مشكلة ..ممكن تعمل لي (قطعية) في العيد الصغير.
< العيد الصغير يعني قرب.
< لكن انت ما تطلع لينا من الموضوع ..خلينا هسع في موضوع الساعة...انتخابات الهلال.
< عشان الموضوع ما يمشي لي بعيد.
< عندي ليكم حل.
< العاوز يفوز بالانتخابات القادمة ...عندي ليهو خطوة واحدة لو عملها سوف يفوز.
< خطوة بتختصر ليكم الكتير.
< سيبكم من كلام الجرايد دا.
< ما في رئيس ببقي للهلال بي (كسير التلج).
< ناس الهلال ديل اوعي ناس.
< لا عضوية...ولا طعون...ولا ندوات ..ولا (تزوير).
< خطوة عديلة...لو عملها أي مرشح للرئاسة ..بيصبح (رئيس الهلال).
< دي حاجة انا بضمنها ليكم ان شاءالله.
< عارفين الخطوة دي شنو؟.
< العاوز يبقي رئيس الهلال في المرشحين ديل : اشرف الكاردينال اوالامين البرير اوصلاح ادريس ..يعمل حاجة واحدة.
< يدفع غرامة الحضري.
< الحضري دا نحن بنفتش ليهو فتيش.
< لو الفيفا وقفتو خسارة للهلالاب.
< ناس بكرى المدينة ديل بحلموا يشوفوا (الحضري) دا في الشبكة.
< كرنقو حكي ليهم أي حاجة.
< ما في حاجة بتفوت على بكرى المدينة.
< لو الكاردينال او صلاح ادريس او الامين البرير دفع غرامة الحضري ..الهلالاب ديل بضحكوا من الضرس للضرس.
< الواحد فيهم ببقي (مدهوش)...زي العربية الما فيها (فرامل).
< مدهوش دي زي سلطة الفواكه.
< او زي الفيلم الهندي...زي النكتة الشهيرة.
< بطل الفيلم يدخل الجامعة.
< في الجامعة يكتشف حاجة غريبة.
< يكتشف انو امو زميلتو.
< يقوم يتقدم ليها.
< يمشي يطلب يد امو من ابوه.
< تقوم احداث الفيلم تسخن ...وتدور على هذا النحو.
< مرة بحضر لي في فيلم.
< اخر مشهد ...بطل الفيلم لقينا قاعد جنبنا ...بحضر في الفيلم ..وبسمع في تعليقاتنا.
< ونحن نعلق بي كل حسن نية.
< ما جايبين خبر.
< بس الحمدلله ما طلع فينا (خاين).
< نرجع لموضوع الحضري.
< انا شايف غرامة الحضري دي مفروض يدفعها اشرف الكاردينال.
< ما عشان انا عاوز الكاردينال يفوز...لكن عشان المريخاب ديل يفهموا حاجة.
< الكاردينال دا ظاهر عليه زول متهور.
< في الموضوع دا بالتحديد ما بجامل..ولا بهادن.
< يعني ممكن ينفعل كدا ..ويدفع الغرامة.
< لو الكاردينال دفع غرامة الحضري يكون ما قصر مع ناس الهلال.
< الجميل انو الهلالاب ما بنسوا مواقف كبيرة للكاردينال.
< بعدين ..الكاردينال بدفع.
< لاعبو الهلال بحفظوا للكاردينال الكثير من المواقف الجميلة.
< في الكثير من الاوقات ..لم يجد لاعبي الهلال غير الكاردينال.
< لكن دا ما معناه ..انو الكاردينال ما عندو اخطاء.
< اسمع الاخوة ...(كردل).
< مرة الكاردينال دا شابكنا ح اسجل قودوين.
< ح ارجع قودوين.
< كل يوم والتاني الكاردينال يصرح ..حسمنا موضوع قودوين.
< يا الكاردينال ..قودوين ...وين؟.
< قود...وين؟.
< او قود فين؟.
< اخر حاجة ...تسجيل قودوين طلع كلام جرايد ساكت.
< طبعا الجرايد الرياضية تعجبك.
< بعملوا من الحبة قبة.
< يعني عادي جدا منير ام بدة يمشي الانتر.
< ولا في زول بقول حاجة.
< منير امبدة دا على شوية كدا ناس الهلال كان بيلعبوه في الانتر.
< اعلامنا الرياضي كدا.
< هنو دا عملوهو زي ميسي.
< ميسي كمان بطلع ليهو في تربيزة.
< انت ما تبالغ.
< والله يا هنو ..لو ميسي بعمل في الحركات البتعمل فيها دي ..كان لي هسع يكون طلع (القمر) ..من الاهداف البسجل فيها.
< هسع في داعي تطلع ليك يا هنو في تربيزة.
< انت في (سماية).
< ذكرتوني ايام المسلسلات العربية بحضروها بالرتينة.
< الزمن داك ...قبل (السندوتش) ما يكون فيه 50 زول.
< قبل ما (العيشة) ...يكون فيها 75 شخص.
< الله يهون بس.
< في واحد قلت ليهو ..انت تعال هنا ..ليه بتتخيل الكاردينال دا يقوم ينفعل كدا ويدفع غرامة الحضري ...نحن الحضري مالنا ومالو.
< زولكم قال لي (الكاردينال) دا خطر.
< زول بدفع.
< والله يا الكاردينال لو عاوز ليك (دعاية)..ادفع غرامة الحضري.
< القنوات الفضائية دي كلها تدور في الموضوع دا.
< الكاردينال يطلع من (الحياة) يدخل دريم.
< من عمرو اديب الي مدحت شلبي.
< شوبير يعمل ليهو حلقة مع الكاردينال 6 ساعات.
< انتوا قايلين غرامة الحضري دي حاجة ساهلة.
< ادفعها يا الكاردينال.
< اول حاجة لو دفعتها ..بضمن ليكم (سادومبا) يرجع.
< تاني لا بتسمعوا بي حكاية جواز انتهي.
< لا بقول ليكم امي عيانة.
< سادومبا زعلان... خايف الحضري ما يدفعوا غرامتو ..يقومو يوقوفهو تاني.
< وبيني بينكم (سادومبا) عاوز يتمتع.
< في متعة اكتر من تلقي ليك حارس عمرو 40 سنة.
< ما في اجمل من كدا.
< لكن يا سادومبا ما تخاف.
< ارجع ساكت.
< جمال الوالي بدفع الغرامة.
< عندنا واحد دخل ليهو بي قندران في مزرعة واحد.
< الزول دا كتل ليهو 15 بقرة.
< هسع البقر ذنبو شنو؟.
< قامت المحكمة غرمت الزول يدفع قروش للزول المتضرر.
< عارفين الزول الدخل في المزرعة بالقندران عمل شنو؟.
< شال الغرامة ...وقال ماشي الخرطوم.
< قال ما في زول بدفع لي (الغرامة) دي غير جمال الوالي.
< جمال الوالي بدفع غرامات سيون ...ما يدفع لي انا.
< بدفع غرامة الحضري ...ما بدفع لي انا ود البلد.
< غايتو أي زول عندو غرامة يمشي لي جمال الوالي.
< نحن عندنا زول مفتح.
< زول مفتح ..ما رابط الحزام.
< ناس المرور طبعا غرموه.
< زولكم شال الوصل ...وقال ماشي لي جمال الوالي.
< ادفع يا جمال الوالي.
< مسجل ليك حارس لو طلع ليهو كورة ساكت عاوز ليهو مقدم (ضلوع).
< انتوا قايلين الحضري بقع في الواطة بلاش.
< دي الحضري ما بعملها ليكم.
< أي وقعة بي الف دولار.
< مسكين اكرم الهادي سليم...جبتوا ليهو (الحصوة) وفكيتو عكس الهوا.
< انتوا ما بتتوقعوا حاجة.
< انا بتوقع وقت جمال الوالي يدفع الغرامة..يقوم الحضري يشكي من (الحصوة).
< الحصوة في الزول العمرو اربعين سنة صعبة.
< ملحوظة: بس ما تغالطوا.
هوامش
< غدا ان شاءالله نلتقي في صفحة (من الغلاف للغلاف).
< عشان نشوف (الغرامة) دي حدها وين؟.
< نحن الحضري دا قلت ليكم بنتابعوا ليكم لحظة ..لحظة.
< عيد الميلاد الخصم منو سنتين برضو ما بنخلي.
< ابوجريشة ..جاب (التورتة).
< والله يا ابوجريشة دي ما المحرية فيك ..بقيت تجيب (التورتة).
< وتطفي (الشمع) كمان.
< الموضوع دا نحن ما بنخلي.
< بكرة تعالوا شوف موضوع الـ 38 شمعة.
< الهلال خسر من الدخان الشرقية.
< وما في دخان من غير نار.
< الهلال مقسوم ..فريق مع مازدا وفريق مع ميشو.
< معسكر قريب.
< لكن لا صوت يعلو على صوت الوطن.
< سوف تكون فايدة لاعبي الهلال من المنتخب كبيرة.
< بطولة المحليين سوف تدفع لاعبي الهلال لتقديم موسم ممتاز.
< سادومبا ..جوازو حصل فيهو شنو؟.
< يا سادومبا انت سريع في أي حاجة ..إلا في العودة.
< بلة جابر شاف الحضري ..قال عاوز يعمل ليهو (عيد ميلاد).
< يا بلة هوي ..نحن ما عندنا حركات بالشكل دا.
< بكرة طارق مختار يقول عاوز احتفل بي الفلانتاين.
< احسن احسموا الموضوع دا مع هسع.
< نحن ما عندنا لاعب بحتفل بي عيد ميلادو.
< المشكلة ..ابوجريشة بجيب (التورتة).
< يمين موضوع (التورتة) دا ما بنخلي.
< كتر خير الحضري.
< قالوا ليك واحد دخل فيهو قندران ..زولكم قام بعد ما القندران طلع في صدرو وقال ..لو بتاع القندران عارف انا البنطلون دا تعبان في مكوتو قدر شنو ما كان بعمل عمليتو دي.
< كان بفتح.
< خلونا نكمل بكرة.
< خبر عاجل: يا هنو ..السنة دي (التربيزة) علينا.
رد: غرامة الحضري مفروض يدفعها الكاردينال
لك التحية وانت تموت في عشق هذا الكيان العظيم .. الله ثم الوطن ثم الهلال ...
الهـــــــــــــــــــــــــــــــــــــ انا ـــــــــــــــــــــــــــــــــــــــلال
الهـــــــــــــــــــــــــــــــــــــ انا ـــــــــــــــــــــــــــــــــــــــلال
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الإثنين أكتوبر 11, 2021 5:53 pm من طرف طارق حمزة
» محمود محمد عبدالرحمن
الجمعة سبتمبر 11, 2020 11:05 pm من طرف طارق حمزة
» الحاج بدري عثمان
الخميس يونيو 11, 2020 3:43 am من طرف طارق حمزة
» مجرد راي
الجمعة مايو 29, 2020 3:15 am من طرف طارق حمزة
» حنفي عثمان طه
السبت مايو 18, 2019 10:12 pm من طرف طارق حمزة
» الملك الاعرج
الأحد مارس 17, 2019 7:25 pm من طرف طارق حمزة
» تقرير اداء المنظمة لعام 2016 / 2017
الأحد مارس 17, 2019 7:23 pm من طرف طارق حمزة
» صلة الارحام
الأحد مارس 17, 2019 2:44 pm من طرف طارق حمزة
» الإفطار السنوي للجمعية
الأربعاء مايو 30, 2018 5:36 pm من طرف طارق حمزة