مواضيع مماثلة
بحـث
المواضيع الأخيرة
Twitter
مبروك للهلال ... طمبل للمريخ
صفحة 1 من اصل 1
مبروك للهلال ... طمبل للمريخ
* * احد الكتب الحديثة ... صدر في طبعة جميلة ومنقحة ..كان منظر الغلاف يسر الناظرين ... اما حجم الكتاب فهو اقرب الي (المجلد).
* اعجبني شكل الكتاب توقفت عنده .. غير ان عنوان الكتاب كان مكتوبا بلغة برتغالية...(ما عرفت فيه اي حاجة).
* لمحت احد المترجمين وهو يتسلل بين ادراج المكتبة .. استوقفته .. وقلت له : الكتاب دا بتحدث عن شنو؟.
* الفضول لا غيره هو الذي اغراني لأسأل عن اسم هذا الكتاب.
* المترجم اخرج نظارته من شنطة صغيرة كان يحملها .. ثم بدأ يتصفح في وريقات الكتاب.
* احسست وقتها ان المترجمين هم اهم شخصيات في العالم ... قد يكون ذلك الشعور اورثه فيني المترجم .. يبدو عليه انه انسان مثقف عندو تسع نضارات.
* واضح انو فاهم.. الفهم عيشتو تطير.
* نحن جينا من (حلة) يعتقد اهلها ان المثقف شخص يلبس (نضارة) من بعد لا يهم ما يقوله او ما يتفوه به.
* يا دي (النضارات) الفالقننا بيها.
* المترجم بدأ يطلع نضارة ويلبس نضارة ... عشان يقرأ لي عنوان الكتاب ... انا كنت بتململ ... كنت بتخيلو بقرأ اسم الكتاب من اول مرة.
* دا انت طلعت اي كلام.
* بعد شوية .. المترجم وصل لعنوان الكتاب .. قال لي : الكتاب دا بتحدث عن كيف تعد السلطة البيضاء؟.
* قلت ليه الكتاب الكبير دا .. كلو بتحدث عن السلطة البيضاء.
* يا ربي انتوا السلطة دي عاوزين تعدوها عبر (مجلس الشيوخ الامريكي).
* انتوا مالكم بتصعبوا المواضيع كدا.
* وإلا تكون سلطتكم دي قبل اعدادها .. لابد من اجازتها من (الكنيست) الاسرائيلي.
* ما يهم اني احتقرت الكتاب واحتقرت السلطة .. واحتقرت المترجم ... الناس ديل ما عندهم شغلة .. معقول يعملوا ليهم كتاب من 520 صفحة عشان يتحدث عن كيف تعد السلطة البيضاء؟.
* السلطة البيضاء في عينك.
* المترجم حاول يتفاصح ويتفلسف .. وانا جني وجن فلسفة المترجمين.
* المترجم قال لي الكتاب دا بتحدث عن 197 طريقة لاعداد السلطة البيضاء.
* سلطة بيضاء بالطريقة الروسية وسلطة بيضاء بالطريقة الهندية .. وسلطة بيضاء بالطريقة البلجيكية ... الخ..
* عالم فاضية.
* تتخيلوا في ناس محضرة دكتوارة في الكلام دا.
* الحكاية دي زي لما تمشي ليك مطعم كبير صاحب المطعم يقول ليك : (عاوز فول مصلح وإلا فول سادة؟).
* تقول ليه: عاوز فول سادة ... صاحب المطعم يجيب ليك الفول السادة.
* تجي يوم تاني صاحب المطعم يقول ليك: (عاوز فول سادة وإلا فول ما سادة).
* انت تقول كدي .. المرة دي اطلب فول ما سادة.. تقول ليه: عاوز فول ما سادة.
* صاحب المطعم يجيب ليك الفول الما سادة ... تعاين للفول كدا بخلفية الفول (السادة) وتقول ليه: طيب وين (الشلوخ)؟.
* ما في اي فرق.
* لا ادري لماذا تذكرت هذه الوقائع والاتحاد العام يقول طمبل من حق المريخ.
* طوب هو.، ما عارف ... شوفوا انتوا العلاقة شنو؟.
* سلطة وفول .. ومترجم.
* هسع دي عاوزة ليها مترجم.
* اتذكرت ايضا هذه القصة.
* عندنا واحد مشي روسيا يعمل دكتوراة في زراعة الشعر.
* الزول دا وقت سافر مننا .. شعرو متل (سلمان خان) .. جبهتو ما بتشوف منها حاجة.
* المهم الزول دا مشي قعد ليه عشرين سنة في روسيا .. بعمل في شنو؟.
* بحضر في دكتوراة في زراعة الشعر.
* صاحبكم رجع بعد عشرين سنة معاه الدكتوراة.
* دكتوراة في شنو في زراعة الشعر.
* الحاجة الغريبة الزول دا وقت رجع من روسيا ... صلعتو من (السنتر).
* صلعتو من الحدود السودانية الاثيوبية.
* الزول دا عندو عمو صعب شديد .. كان من البداية ما رضيان انو ود اخوه يمشي يعمل ليه دكتوراة في زراعة الشعر.
* الكلام دا عيب في البلد.
* معتبر الشغلة دي شغلة فارغة ساكت.
* اها عمك دا وقت شاف ود اخوه صلعتو حدها (السنتر) قال ليه: (انت الدكتوراة حقتك في شنو؟).
* قال ليه : (في زراعة الشعر يا حاج).
* عمك غضب شديد .. وقال ليه هسع انت مارقها لي روسيا وقاعد ليك عشرين سنة وراجع لي بي صلعة (خمسة ضلف) عشان تقول لي دكتوراتي في زراعة الشعر.
* هسع رأسك دا كان زرعتو (فجل) ما كان احسن ليك.
* كيف تمشي تعمل دكتوراة في زراعة الشعر وتجيني رأسك شعرة ما فيه .. انت كنت بتغش في رسالتك دي.. دي دكتوراة شنو يا ولدي .. فاقد الشيء لا يعطيه.
* صاحبك زعل من عمو .. وقال ليه : انت يا حاج ما عارف ناس المحلية وناس الزراعة ديل بشيلوا (الجبايات وضريبة المحصول وقيمة التقاوي).. لاقوني في المطار ... عرفو اني زارع شعر .. كلهم حضروا يتحصلوا حقهم .. لما بقيت بالحالة دي... شعرة ما خلوها لي.
* عمك قال ليه : (والله ديل ما يخلوا ليك حاجة .. تتصور السنة الماضية زرعت لي قطن .. ناس الجبايات قالوا عاوزين حقهم .. شالوا القطن الزارعو كلو .. ما كفي .. تميت ليهم حقهم بي (مرتبة) ابوك.
* عالم ما تختشي.
* والاتحاد العام يقول ان طمبل من حق المريخ .. تذكرت هذه القصة.
* قصة تانية خالص.، طلعوا العلاقة براكم.
* في سنة من السنوات انتشرت قضايا (الخلع) في مصر .. حتي ان هاني رمزي قدم اجمل افلام الكوميديا في العشر سنوات الاخيرة تحت عنون (محامي خلع) مع داليا البحيري وعلا غانم وحسن حسني.
* شاعت في هذه الاثناء بين الناس تلك الطرفة .. ان احدي الزوجات ذهبت الي طبيب اسنان (لتخلع) ضرسها.
* طبيب الاسنان .. وجد ضرس الزوجة متورما ورم لا يسمح بخلعه.
* الزوجة تصر علي (خلع) الضرس... والدكتور بقول ليها ما ممكن.
* اخر حاجة طبيب الاسنان قال للزوجة : ضرسك ملتهب ما بقدر (اخلعو) .. اخلع ليك زوجك.، يعني خلع الزوج اصبح اسهل من خلع الضرس.
* الضرس عيشتو تطير.
* الاتحاد العام لكرة القدم ... فشل في ان يخلع الضرس ... فاتجه الي الزوج بنفس طريقة طبيب الاسنان ذو الثقافة القانونية المحدودة.
* انت تعال هنا شنو شابكنا من الصباح .. سلطة بيضاء .. وزراعة شعر .. وخلع ضرس.
* دا كلو عشان طمبل قالوا من حق المريخ.
* بالمناسبة مفروض ناس الهلال يكرموا ... مبروك علي رأي الهلالابي المهندس ياسر احمد الذي قال مبروك لكل الهلالاب طمبل طلع من حق المريخ.
* الله مرقنا.
* نشير الي ان المباركة هنا ليس لأن طمبل لن يلعب في الهلال .. ولن يعمل لينا زحمة في (الكنبة).. وانما المباركة لأن الاتحاد العام ملك الهلال قرارا سوف يفسح له المجال للوصول للفيفا .. لأن قبل اصدار قرار الاتحاد العام لا يمكن ان يترافع الهلال في الاتحاد الدولي.
* لذلك الهلال امتلك مستندا ضروريا من الاتحاد العام يثبت الظلم الذي وقع علي الهلال.
* نحن نتمني يصل الهلال للفيفا .. وتقول الفيفا طمبل من حق المريخ .. عشان تسد لينا الطريق نهائي امام طمبل.
* الموضوع ما بستاهل ناس الهلال يوصلوا الفيفا .. طالما كان الهلال في النهاية سوف يجعل طمبل يجلس علي الكنبة .. او يحوله للامل عطبرة.
* الامل عطبرة ذنبو شنو؟.
* ملحوظة: الهلال فقد فرصة شطب في يونيو.
هوامش
* الفرصة التي اتاحها اتحاد الكرة للهلال في تسجيلات يونيو تعتبر فرصة نموذجية ليعير الهلال امولادي وكوارزيما ويأتي ببدلاء لهم قدرة اكبر واعظم موهبة.
* يمكن ان يجنس الهلال كابوندي ويلعب كمعار في الهلال ويسد حاجة الهلال في الطرف الشمال.
* هذا يعني ان الهلال يحتاج الي ان يتخير في المحترفين طرف يمين ومهاجم.
* اذا فعل الهلال ذلك فاننا يمكن ان نتحدث عن (السوبر) الافريقي لأن فوز الهلال ببطولة الاندية الافريقية سوف يكون اتحسم.
* مجلس الهلال نجح في الخروج من الاتحاد العام بوسيلة توصله الي ما يريده.
* بالمناسبة الهلال لم يكن امامه خيار غير (الاعارة) حتي يتحاشي عقبة الشطب .. لأن الهلال لا يملك غير ان يشطب لاعبا واحدا في يونيو حسب تحديد الاتحاد العام.
* الكثير من الخبراء يرون ان ايفوسا يمكن ان يشكل اضافة قوية وحقيقية لوسط الهلال.
* اذا بحث الهلال عن محترف تحت السن سوف يكفي ذلك الهلال شر افتقاد فرصة .. لأنه اذا جاء للهلال محترف تحت السن (مثل وارغو) فسيجد المحترف هنالك خانة خالية في الهلال.
* هذه الخطوة سوف تتيح الفرصة بصورة اكبر لتسجيل ايفوسا.
* علي العموم مجلس الهلال حاسبها صاح .. وعارف هو بعمل في شنو؟.
* الهلال اصبح اكثر تأهلا للفوز بالبطولة الافريقية.
* اعلام المريخ عاوز يقنعنا ان سيكافا بطولة قوية.
* دي عرفت من متين؟.
* افضل للهلال ان يلعب امام النسور والمهدية والحرية من ان يلعب امام اندية سيكافا.
* شفتوا ليكم بطولة يقولوا ليك فيها لو في فريق فاز بيها .. ما بشيل الكأس .. عشان جايبنو علي اساس انه (ضيف).
* معسكر المريخ في الاسماعيلية مفروض يتموه بالحكام.
* تسعة لاعبين فيهم ثلاثة مصابين .. وثلاثة مرحلة سنية وثلاثة سوف يشطبون منتصف يونيو.
* عليكم الله هسع غسان دفع الله دا ... معسكر في الاسماعيلية ليه؟.
* الظاهر عاوزين يشطبوا بعد لياقتو ما ترتفع.
* ناس الهلال اتجهوا في حراسة المرمي الي مدرب حراس مصري.
* ناس المريخ ما كضبوا اليوم التاني رجعوا الشحات.
* الشحات قالوا سأل من بهاء الدين.
* اكرم الهادي سليم بعد السبعة مفروض يعسكر في افغانستان .. ما مفروض يعسكر في الاسماعيلية.
* الاسماعيلية مين يا عم؟.
* طمبل قالوا امس اليوم كلو زعلان.* طمبل قال الاتحاد العام ظلمو.
* طمبل قالوا ماشي لوزان.
* طمبل .. طمبل ..طمبل.
* بصم ..مابصم ..بصم ..مابصم.
* انتوا اخبار (النجيلة) شنو؟.
* خبر عاجل: برضو يا طمبل شيل صورك من ناس المريخ.
* اعجبني شكل الكتاب توقفت عنده .. غير ان عنوان الكتاب كان مكتوبا بلغة برتغالية...(ما عرفت فيه اي حاجة).
* لمحت احد المترجمين وهو يتسلل بين ادراج المكتبة .. استوقفته .. وقلت له : الكتاب دا بتحدث عن شنو؟.
* الفضول لا غيره هو الذي اغراني لأسأل عن اسم هذا الكتاب.
* المترجم اخرج نظارته من شنطة صغيرة كان يحملها .. ثم بدأ يتصفح في وريقات الكتاب.
* احسست وقتها ان المترجمين هم اهم شخصيات في العالم ... قد يكون ذلك الشعور اورثه فيني المترجم .. يبدو عليه انه انسان مثقف عندو تسع نضارات.
* واضح انو فاهم.. الفهم عيشتو تطير.
* نحن جينا من (حلة) يعتقد اهلها ان المثقف شخص يلبس (نضارة) من بعد لا يهم ما يقوله او ما يتفوه به.
* يا دي (النضارات) الفالقننا بيها.
* المترجم بدأ يطلع نضارة ويلبس نضارة ... عشان يقرأ لي عنوان الكتاب ... انا كنت بتململ ... كنت بتخيلو بقرأ اسم الكتاب من اول مرة.
* دا انت طلعت اي كلام.
* بعد شوية .. المترجم وصل لعنوان الكتاب .. قال لي : الكتاب دا بتحدث عن كيف تعد السلطة البيضاء؟.
* قلت ليه الكتاب الكبير دا .. كلو بتحدث عن السلطة البيضاء.
* يا ربي انتوا السلطة دي عاوزين تعدوها عبر (مجلس الشيوخ الامريكي).
* انتوا مالكم بتصعبوا المواضيع كدا.
* وإلا تكون سلطتكم دي قبل اعدادها .. لابد من اجازتها من (الكنيست) الاسرائيلي.
* ما يهم اني احتقرت الكتاب واحتقرت السلطة .. واحتقرت المترجم ... الناس ديل ما عندهم شغلة .. معقول يعملوا ليهم كتاب من 520 صفحة عشان يتحدث عن كيف تعد السلطة البيضاء؟.
* السلطة البيضاء في عينك.
* المترجم حاول يتفاصح ويتفلسف .. وانا جني وجن فلسفة المترجمين.
* المترجم قال لي الكتاب دا بتحدث عن 197 طريقة لاعداد السلطة البيضاء.
* سلطة بيضاء بالطريقة الروسية وسلطة بيضاء بالطريقة الهندية .. وسلطة بيضاء بالطريقة البلجيكية ... الخ..
* عالم فاضية.
* تتخيلوا في ناس محضرة دكتوارة في الكلام دا.
* الحكاية دي زي لما تمشي ليك مطعم كبير صاحب المطعم يقول ليك : (عاوز فول مصلح وإلا فول سادة؟).
* تقول ليه: عاوز فول سادة ... صاحب المطعم يجيب ليك الفول السادة.
* تجي يوم تاني صاحب المطعم يقول ليك: (عاوز فول سادة وإلا فول ما سادة).
* انت تقول كدي .. المرة دي اطلب فول ما سادة.. تقول ليه: عاوز فول ما سادة.
* صاحب المطعم يجيب ليك الفول الما سادة ... تعاين للفول كدا بخلفية الفول (السادة) وتقول ليه: طيب وين (الشلوخ)؟.
* ما في اي فرق.
* لا ادري لماذا تذكرت هذه الوقائع والاتحاد العام يقول طمبل من حق المريخ.
* طوب هو.، ما عارف ... شوفوا انتوا العلاقة شنو؟.
* سلطة وفول .. ومترجم.
* هسع دي عاوزة ليها مترجم.
* اتذكرت ايضا هذه القصة.
* عندنا واحد مشي روسيا يعمل دكتوراة في زراعة الشعر.
* الزول دا وقت سافر مننا .. شعرو متل (سلمان خان) .. جبهتو ما بتشوف منها حاجة.
* المهم الزول دا مشي قعد ليه عشرين سنة في روسيا .. بعمل في شنو؟.
* بحضر في دكتوراة في زراعة الشعر.
* صاحبكم رجع بعد عشرين سنة معاه الدكتوراة.
* دكتوراة في شنو في زراعة الشعر.
* الحاجة الغريبة الزول دا وقت رجع من روسيا ... صلعتو من (السنتر).
* صلعتو من الحدود السودانية الاثيوبية.
* الزول دا عندو عمو صعب شديد .. كان من البداية ما رضيان انو ود اخوه يمشي يعمل ليه دكتوراة في زراعة الشعر.
* الكلام دا عيب في البلد.
* معتبر الشغلة دي شغلة فارغة ساكت.
* اها عمك دا وقت شاف ود اخوه صلعتو حدها (السنتر) قال ليه: (انت الدكتوراة حقتك في شنو؟).
* قال ليه : (في زراعة الشعر يا حاج).
* عمك غضب شديد .. وقال ليه هسع انت مارقها لي روسيا وقاعد ليك عشرين سنة وراجع لي بي صلعة (خمسة ضلف) عشان تقول لي دكتوراتي في زراعة الشعر.
* هسع رأسك دا كان زرعتو (فجل) ما كان احسن ليك.
* كيف تمشي تعمل دكتوراة في زراعة الشعر وتجيني رأسك شعرة ما فيه .. انت كنت بتغش في رسالتك دي.. دي دكتوراة شنو يا ولدي .. فاقد الشيء لا يعطيه.
* صاحبك زعل من عمو .. وقال ليه : انت يا حاج ما عارف ناس المحلية وناس الزراعة ديل بشيلوا (الجبايات وضريبة المحصول وقيمة التقاوي).. لاقوني في المطار ... عرفو اني زارع شعر .. كلهم حضروا يتحصلوا حقهم .. لما بقيت بالحالة دي... شعرة ما خلوها لي.
* عمك قال ليه : (والله ديل ما يخلوا ليك حاجة .. تتصور السنة الماضية زرعت لي قطن .. ناس الجبايات قالوا عاوزين حقهم .. شالوا القطن الزارعو كلو .. ما كفي .. تميت ليهم حقهم بي (مرتبة) ابوك.
* عالم ما تختشي.
* والاتحاد العام يقول ان طمبل من حق المريخ .. تذكرت هذه القصة.
* قصة تانية خالص.، طلعوا العلاقة براكم.
* في سنة من السنوات انتشرت قضايا (الخلع) في مصر .. حتي ان هاني رمزي قدم اجمل افلام الكوميديا في العشر سنوات الاخيرة تحت عنون (محامي خلع) مع داليا البحيري وعلا غانم وحسن حسني.
* شاعت في هذه الاثناء بين الناس تلك الطرفة .. ان احدي الزوجات ذهبت الي طبيب اسنان (لتخلع) ضرسها.
* طبيب الاسنان .. وجد ضرس الزوجة متورما ورم لا يسمح بخلعه.
* الزوجة تصر علي (خلع) الضرس... والدكتور بقول ليها ما ممكن.
* اخر حاجة طبيب الاسنان قال للزوجة : ضرسك ملتهب ما بقدر (اخلعو) .. اخلع ليك زوجك.، يعني خلع الزوج اصبح اسهل من خلع الضرس.
* الضرس عيشتو تطير.
* الاتحاد العام لكرة القدم ... فشل في ان يخلع الضرس ... فاتجه الي الزوج بنفس طريقة طبيب الاسنان ذو الثقافة القانونية المحدودة.
* انت تعال هنا شنو شابكنا من الصباح .. سلطة بيضاء .. وزراعة شعر .. وخلع ضرس.
* دا كلو عشان طمبل قالوا من حق المريخ.
* بالمناسبة مفروض ناس الهلال يكرموا ... مبروك علي رأي الهلالابي المهندس ياسر احمد الذي قال مبروك لكل الهلالاب طمبل طلع من حق المريخ.
* الله مرقنا.
* نشير الي ان المباركة هنا ليس لأن طمبل لن يلعب في الهلال .. ولن يعمل لينا زحمة في (الكنبة).. وانما المباركة لأن الاتحاد العام ملك الهلال قرارا سوف يفسح له المجال للوصول للفيفا .. لأن قبل اصدار قرار الاتحاد العام لا يمكن ان يترافع الهلال في الاتحاد الدولي.
* لذلك الهلال امتلك مستندا ضروريا من الاتحاد العام يثبت الظلم الذي وقع علي الهلال.
* نحن نتمني يصل الهلال للفيفا .. وتقول الفيفا طمبل من حق المريخ .. عشان تسد لينا الطريق نهائي امام طمبل.
* الموضوع ما بستاهل ناس الهلال يوصلوا الفيفا .. طالما كان الهلال في النهاية سوف يجعل طمبل يجلس علي الكنبة .. او يحوله للامل عطبرة.
* الامل عطبرة ذنبو شنو؟.
* ملحوظة: الهلال فقد فرصة شطب في يونيو.
هوامش
* الفرصة التي اتاحها اتحاد الكرة للهلال في تسجيلات يونيو تعتبر فرصة نموذجية ليعير الهلال امولادي وكوارزيما ويأتي ببدلاء لهم قدرة اكبر واعظم موهبة.
* يمكن ان يجنس الهلال كابوندي ويلعب كمعار في الهلال ويسد حاجة الهلال في الطرف الشمال.
* هذا يعني ان الهلال يحتاج الي ان يتخير في المحترفين طرف يمين ومهاجم.
* اذا فعل الهلال ذلك فاننا يمكن ان نتحدث عن (السوبر) الافريقي لأن فوز الهلال ببطولة الاندية الافريقية سوف يكون اتحسم.
* مجلس الهلال نجح في الخروج من الاتحاد العام بوسيلة توصله الي ما يريده.
* بالمناسبة الهلال لم يكن امامه خيار غير (الاعارة) حتي يتحاشي عقبة الشطب .. لأن الهلال لا يملك غير ان يشطب لاعبا واحدا في يونيو حسب تحديد الاتحاد العام.
* الكثير من الخبراء يرون ان ايفوسا يمكن ان يشكل اضافة قوية وحقيقية لوسط الهلال.
* اذا بحث الهلال عن محترف تحت السن سوف يكفي ذلك الهلال شر افتقاد فرصة .. لأنه اذا جاء للهلال محترف تحت السن (مثل وارغو) فسيجد المحترف هنالك خانة خالية في الهلال.
* هذه الخطوة سوف تتيح الفرصة بصورة اكبر لتسجيل ايفوسا.
* علي العموم مجلس الهلال حاسبها صاح .. وعارف هو بعمل في شنو؟.
* الهلال اصبح اكثر تأهلا للفوز بالبطولة الافريقية.
* اعلام المريخ عاوز يقنعنا ان سيكافا بطولة قوية.
* دي عرفت من متين؟.
* افضل للهلال ان يلعب امام النسور والمهدية والحرية من ان يلعب امام اندية سيكافا.
* شفتوا ليكم بطولة يقولوا ليك فيها لو في فريق فاز بيها .. ما بشيل الكأس .. عشان جايبنو علي اساس انه (ضيف).
* معسكر المريخ في الاسماعيلية مفروض يتموه بالحكام.
* تسعة لاعبين فيهم ثلاثة مصابين .. وثلاثة مرحلة سنية وثلاثة سوف يشطبون منتصف يونيو.
* عليكم الله هسع غسان دفع الله دا ... معسكر في الاسماعيلية ليه؟.
* الظاهر عاوزين يشطبوا بعد لياقتو ما ترتفع.
* ناس الهلال اتجهوا في حراسة المرمي الي مدرب حراس مصري.
* ناس المريخ ما كضبوا اليوم التاني رجعوا الشحات.
* الشحات قالوا سأل من بهاء الدين.
* اكرم الهادي سليم بعد السبعة مفروض يعسكر في افغانستان .. ما مفروض يعسكر في الاسماعيلية.
* الاسماعيلية مين يا عم؟.
* طمبل قالوا امس اليوم كلو زعلان.* طمبل قال الاتحاد العام ظلمو.
* طمبل قالوا ماشي لوزان.
* طمبل .. طمبل ..طمبل.
* بصم ..مابصم ..بصم ..مابصم.
* انتوا اخبار (النجيلة) شنو؟.
* خبر عاجل: برضو يا طمبل شيل صورك من ناس المريخ.
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الإثنين أكتوبر 11, 2021 5:53 pm من طرف طارق حمزة
» محمود محمد عبدالرحمن
الجمعة سبتمبر 11, 2020 11:05 pm من طرف طارق حمزة
» الحاج بدري عثمان
الخميس يونيو 11, 2020 3:43 am من طرف طارق حمزة
» مجرد راي
الجمعة مايو 29, 2020 3:15 am من طرف طارق حمزة
» حنفي عثمان طه
السبت مايو 18, 2019 10:12 pm من طرف طارق حمزة
» الملك الاعرج
الأحد مارس 17, 2019 7:25 pm من طرف طارق حمزة
» تقرير اداء المنظمة لعام 2016 / 2017
الأحد مارس 17, 2019 7:23 pm من طرف طارق حمزة
» صلة الارحام
الأحد مارس 17, 2019 2:44 pm من طرف طارق حمزة
» الإفطار السنوي للجمعية
الأربعاء مايو 30, 2018 5:36 pm من طرف طارق حمزة