الكلام دخل الحوش!

استاد الهلال ليلة الاربعاء حاجة تانية اذا قلت 30 الف من عشاق سيد البلد شرفوا المران الختامي اكون كذاب الذين داخل الاستاد يقدروا بسعته مضروبة في اثنين.
* وخارج الاستاد ضعف العدد. ما شاء الله ده صاحب المقام الرفيع الرائع الجميل الغالي سيد الامجاد.
* كل هؤلاء في انتظار مباراة الهلال وكانو مساء اليوم كنت حضورا في تلك الليلة ثقوني اذا تم طبع هذه التظاهرة الافتتاحية في cd وسيكون الناتج مليارات الجنيهات.
* اذا فرضوا رسوم للدخول يومذاك سيكون الدخل قدر دخل خمس مباريات للوصيف زائد مائة مباراة لاندية الكومبارس.
* كل فرسان الازرق كانوا حضورا وفي المدرجات كان هناك الاف من الفرسان.
* اكثر من الف امبيلي والف سادومبا وعشر الاف سيدا ومثلها معز وخليفة والمعلم ومهند وغيرهم من فرسان الازرق كل واحد من هؤلاء كان لاعبا بدرجة ممتاز.
* الكلام دخل الحوش.
اذا انطلقت افواه هؤلاء بالهتاف للازرق يا الرجفة جاك بلاء..
* هؤلاء الذين شرفوا افتتاح الاستاد وعانقوا الفرسان ادوا رسالتهم كاملة واكدوا ان الجمهور في ارض المعركة.
* كذاب البيقول يشبه جمهور الازرق.
* الاف الذين شرفوا المران من جماهير سيد البلد كانوا كلهم ارباب.
* قفز احدهم فوق السلك الشائك ودخل الاستاد قلت له ده غلط.
* رد بكل كبرياء وفخر واعتزاز الهلال ده حق زول.
* واردفها بقوله انا مافي زول بحب الهلال اكتر مني.
* احلي ما في الاهلة اذا سالت اي فرد منهم يقول لك بكل فخر ما فيش حد بحب الهلال اكتر مني.
* ومن هنا تنبع مسئولية فرسان الازرق اليوم.
* البرازيلي الذي ادهشه لاجمهور مطلوب منه ان يدهش الجمهور.
* الصفوف الطويلة الاستاد الذي لم يبق فيه موطا قدم مئات الاطفال الذين ارتدوا شعار الهلال بنات الهلال وعلي راسهن عاشقة الهلال التاريخية محاسن.
* كل هؤلاء اكدوا روعة وجمال صاحب المقام الرفيع نطق التاريخ يومذاك الما بشجع الهلال حقو راح.
* مسئولية الجهاز الفني في مباراة اليوم كبيرة ومهمة الفرسان الازرق اكبر.
* مطلوب ان يفرح هذا الشعب الازرق ويغني ويهتف لحبيبه الهلال.
* هلال الملايين سيد البلد الاصالة والحب والتاريخ.
* عشاق الهلال الذين تسابقوا للاستاد بالالاف اوصلوا رسالتهم للجهاز الفني والفرسان. قالوا لن نرضي الا بالفوز المثالي نتيجة وعرض.
* ورضاء جمهور الهلال صعب صدقوني اصعب الاشياء ان يرضي جمهور الهلال.
* هذا الجمهور تعجبه العروض الجميلة الممزوجة بالنتيجة.
* احلام صعبة امام كانو الفريق الذي لا اظنه سهل والرجفة تعزف لحن الاشتياق لاعلام مرفوعة وهتاف طوال ٠٩ دقيقة.
* الجمهور هو الذي يملك شفرة النصر.
* وامام كاريكا ومهند وهيثم وامبيلي تحدي كبير.
* انها مباراة يجب ان يحسمها الهجوم وسط صيحات الجمهور.
* التحية لمجلس ادارة الهلال وللاخ الارباب والذين صنعوا هذا الكرنفال الجميل.
* ومن حق برجاس علينا ان نتقدم له بالتهاني الممزوجة بورود زرقاء.
* وتحية لكل اعضاء لجنة التاهيل دكتور مدثر عاشق الازرق الرائع والمشاكس الصامت عباس الشفيع والعزيز صبحي ودكتور اكرم حسن محمد صالح والعزيز الحويج وسلة ورود زرقاء لكل من سقط اسمه سهوا.
* وتبقي مباراة اليوم هي الحصاد لجهد زرعه الرجال في الاستاد.
* اما الذين سالوني لماذا ترجف جمهور الهلال يشرف المران الختامي بعشرات الاف اقول لهم هذا هو سبب الرجفة هؤلاء الاف يجب ان يفرحوا ويهتفوا وواحسرتي لو شاءت الاقدار ان يخرج ربعهم بعلامات الاسي علي وجهه. من هنا تنبع المسئولية.
* علي الطلاق الما هلالابي حقو راح لا شاف جميل لا في الكورة اتمتع واستراح.
* والليلة الله يجيب العواقب سليمة انا غايتو ما شي جبل اولياء اعسكر تحت ضل نيمة.
* ودعتكم لرب العباد.
ايقاعات خفيفة
* استاد الهلال يسع كم متفرج عشاق الازرق ليلة الاربعاء طبقوا المثل البقول النية وقت تدور النية العنقريب يشيل مية.
* الهلال ده يقتلو زول.
* في مباراة الافتتاح ممنوح فتح الموبايلات المباراة مشفرة.
* الجمهور يسال من مراحل قناة الكاس ومراسل الجزيرة الذين اتهموا الهلال بالتزوير وقدموا المعلومات من طرف واحد.
* احدهم نظر الي بعمق داخل استاد الهلال برضو مريخابي براسل قناة!! شكلوا خجلان.
* كنت اكثر الناس سعادة بوجود الرجل الوقور مولانا حسن الرضي داخل استاد الهلال وفي يوم الدفع المعنوي الكبير.
* اخاف ان يات يوما امسك بقلمي واهاجم اذاعة الرياضية.
* كاريكا مدان لجماهير الهلال بهدف افريقي.
* هيثم مصطفي لو وقف في الملعب بشكل خطورة قولوا ما شاء الله.
* يا مهند انت اكثر لاعب احبه واكثر لاعب زعلان منو من كرة المريخ وحتي الان.
* للمعلومية المريخ يلعب غدا وكلنا مريخاب ليوم واحد.
* لم يثبت سادومبا حتي الان انه سادومبا.
* الاحساس بمباراة اليوم احس به في اغلفة الكتب والجرائد والشاشات والشوارع الله يستر.
* ارفع علمك وبرم شنبك انت هلالابي.
* التحية للحكيم الرائع علي البشير وهو يقدم 50 مليون للهلال مع تبرع اقوي قادم.
* عزيزي الكاردينال انت وين قول حاجة.
* ادوها صنة اسكتوا اسمعوا جمهور الهلال بيقول شنو.
* الو.. الو عشاق سيد البلد اتمني لو استطيع مصافحتكم واحدا تلو الاخر وابدا بالعزيز ابو كلابيش في الابيض.