الجماعة سكتوا ..!!

< الجماعة سكتوا..!!
< لكنه صمت ممزوج بفصول دراماتيكية جديدة !!
< ابوجريشة هاجم الحكم رغم انه يعلم تماما بأن المباراة لو عينوه حكما لها لما أستطاع أن يفعل للشياطين الحمر شيا يذكر !
< وتحدث عن الحال الذي خير منه الصمت وحدثنا عن صبره..!
< واعلن استقالته كل ذلك من خلال الصحف ..
< لكنني أراهن علي انه سيعود لن يترك عزيزي عادل الاضواء لينعم بها غيره !
< مع انها اضواء السجم والرماد !
< اضواء كلها ضوضاء.. وهزائم وتكسير كراسي .. وثلاثات عجيبة !!
< ثم ماذا..!!
< بعضهم احترف للهلال وقدم له التهاني ..هولاء يستحقوا التقدير ..التقينا او اختلفنا معهم !!
< وتاني شنو !!
< ثلاث ضربات في الراس تعمل نزيف داخلي ..!
< الاهداف الثلاثة .. ورفض شكوي سادومبا .. ورفض شكوي ثنائي لوزان !
< يعني نيل الحصاحيصا قايل نفسو فالح ..!
< داير يقنعنا انو عمل حكاية لوزان دي لوحده ..ّ!
< كلنا نحترم الفريق الذي يملك قراره الناهض جبل اولياء ..أو الاخوة الجموعية !!
< والمضحك صحيفة قالت .. مدرب كانو يقول المريخ احسن من الهلال ..الي آخر الكلام !!
< تصريح مدرب كانو ده جابوه (بالانترنيت ) والانترنيت ده وصل بالسرعة دي كيف !!؟
< تصريح جاهز ..في اي وقت يبقي مانشيت !
< حتي الكتبوا ماصدقوا ..!
< مدرب كانو ده متخصص تصريحات لصالح الشياطين الحمر ..ولا شنو !
< ياجماعة ما تفتكروا نحن اغبياء !
< قلنا الجماعة سكتو لكن شغالين تأليف علي طول ..!
< قالوا نفتح لكانو ..آخر اشاعة !
< والله انتو بجوكر ماتفتحوا !
< فريقكم ده مامحتاج يفتح اصلا هو مهزوم لو لعب ضد أي فريق!
< بعدين لو فتحتو لي كانو.. شنو يعني ..!!
< مانطير برانا .. نفتح لي كانو .. مصطلحات تؤكد الضعف والانهيار والهزيمة !
< وقلبي معاك ياعزيزي الوقور جمال الوالي ..!
< تعبان وتدفع .. والناس ديل ماعملوا ليك حاجة ..!!
< صدقوني الجماعة ديل آخر من يسكت..!
< ديل اهل الفصاحة ..!
< لعبوها بالاقلام ..لكن بالاقدام ماقدروا عليها ..!
< عمر بخيت هدف ..هدف كلوا جمال ..زأيفوسا ..هدف يشغل البال ..!
< ومالقوا غير الكراسي حاجة يكسروها يعملوها ناس العجب ويكسروا كراسي سيد البلد .!!
< امسكوا في تصريح مدرب كانو ده شديد.!
< اكتبوه ..كرروه .. احفظوه يمكن يوديكم لي قدام شوية !
< انتو لو مالقيتوا زول يقول ليكم فريقكم اعور ..مافي زول يقول عينو واحدة مفتحة !!؟
< سيناريو..وراء سيناريو .. والحال في حالو ..!
< كل اموركم ارتدت عليكم !
< المضحك ابوجريشة يقول المريخ لا يعرف التعامل مع الحكام في تصريح خطير للصحف ..!
< انت ياصديقي عادل متأكد تمام ولا داير توهمنا ..!؟
< صدقني يا ابوجريشة لو ما اعترفتوا بضعف فريقكم ما تقدرو تعملو حاجة !
< الغريبة بقينة مشتاقين لي تصريحات همد ..! حتي لو في الانترنيت .!
< ياربي همد ده بدفع للمريخ قدر تصريحاتو دي .!!؟
< آه .. ياالمريخ الكنا قايلنك نيد ..!
< يافريق الشياطين الحمر دائما وقت التصريحات تجد .. وفي الملعب لي ظهر جماهيرك تهد !!
أيقاعات خفيفة
< مصطفي توفيق خلف الستار !
< تحنن ياطمبل ..!
< يا مازدا تعيش انت وتعيش ثلاثاتك !!
< السنة الجاية بأذن الله ندخل جدول اربعة !
< ياسلام علي سكرتير نادي المريخ الرائع محمد
جعفر قريش ..قرأت له تصريحا قبل المباراة فيه الاصالة والوقار والمسؤلية .. انت ولا بلاش!
< ناس النهضة متي ينهضوا بالمريخ .!؟
< الغريبة مازدا يصر علي البقاء ..أنت ياعزيزي من الهتاف مابتخاف !
< ياعلاء الدين يوسف .. شنو الروعة دي !
< يوم 11 سبتمبر ده .. ده مش يوم البرج ..!!؟
< المدرب شفر علي الثلاثات .. مره عملها سباعية اقالوه !
< اكرم السباعي .. مشتاقين !!
< دنيا المريخ دنيا غريبة في كل مباراة تظهر مصيبة !
< وقرأت بأن المريخ سيتعامل مع اللاعبين بالعين الحمراء .. ياجماعة الصفراء مش احسن !!؟
< يعني الحافز بل فلوس حايكون تحميروة عين ممزوجة بتكشيرة وجه !!
< آخر موضة في التمريرات ..تمريرة الزول لي نسيبو ده قون مضمون
< يقدر واحد يعملها للعجب ..!!
< وقرأت عن اعادة النظر في المحترفين يعني كليتشي.. وايداهور .. ووارقو في كف عفريت ولا شنو !!؟
< غيرتو المدرب ثلاثة مرات .. وسجلتو نجوم جدد كذا مره .. وغيرتو ادارة الكرة مرات ومرات ..!
< طيب غيرو العزيز جمال الوالي يمكن الحال يصلح !
< الو ..الو احبك يا سيد البلد ..!