هو و القون ووزير خارجية روسيا

* كانت بناتنا (المطر) .. دخلنا في ضفورنا وقعدنا في (ضلها)... نقدم المطروترجعنا.. نوصلها (خشم الباب) .. ونرجع نلقاها قدامنا.
* نتقادم كداللصباح.
* الصباح ذاتو كان (فرحان) .. الفرح ظاهر في عيونو .. الهلال جاب ليهثلاث نقاط من البحر الاحمر.
* المطر كانت تمشي وتجي.
* ها ديك (القرية) فيالمطر اهلها كلهم بقعدوا (برة).
* ما في (صالون) مضمون .... بيوتهم كانت منتسمع ليها صوت (رعد) تقعد (تتنحنح) متل حصة (التسميع).
* الصالون يعجبك .. يقعديتزاوغ من (البرق) متل الباك (الكبكابة).
* الباك الكبكابة وقت (المهاجم) يفوتمنو .. بعمل نفسو بيربط في (الكدارة).
* الكدارة عيشتها تطير.
* تتخيلوا (موسي الزومة) يمشي يلعب في (موناكو) الفرنسي.
* انتوا موش قلتوا كدا.
* يقوم الحكم يعطيه (كرت اصفر).
* موسي الزومة طبعا ما بعرف (لغة فرنسية) عشانكدا بقوم يعتبر (الكرت الاصفر) دا (كرت احمر) .. يقوم يطلع برة يفتكر انوطردوه.
* انتوا قايلين اللعب في الدوري الفرنسي دا ساهل.
* بعد شوية يقوم (المترجم) يفهم موسي الزومة انو الكرت الأخذو دا ما (احمر) دا (اصفر) .. عشان كداهو ما مطرود.
* يقوم موسي الزومة يرجع للملعب .. يقوم الحكم يعطيه (كرت احمر) عشان طلع من الملعب من غير ما يكلمو.
* موسي الزومة يفتكر انو الكرت (الاحمر) دا كرت (اصفر) .. اصلو ما بعرف (لغة فرنسية)... يقوم ما يطلع من الملعب.
* تقومالشرطة الفرنسية تتدخل .. عشان تطلع موسي الزومة.
* تحدث كارثة في الدوريالفرنسي.
* اعلام المريخ هنا يقوم يهاجم التحكيم الفرنسي .. ويقول في (ضربةجزاء) ما حسبوها لي موناكو الفرنسي.
* وكمان الهدف الذي سجل عن طريق موسيالزومة .. (اوف صايد) واضح.
* و...و.......
* والمطر وقفت.
* ناسالمريخ ديل مفروض يبدأوا طوالي في (الطابق الثالث) من هسع ... عشان خلاص فقدوا (الامل) في بطولة الممتاز هذا العام.
* اخر امل للمريخاب كان بتمثل في ان يعرقل (حي العرب) الهلال ... عشان تجيهم (باردة) في (الضل).
* لكن ناس كاريكا ديلصعبين شديد... وقت مسكوا في (الصدارة) تاني ما بفكوها.
* كاريكا دا مشيالقاهرة يصور (اعلان) وإلا مشي يقابل (ابوالهول).
* الشغل دا شغل (هولنة) ماشغل (اعلان).
* انت شفت قون هيثم مصطفي.
* اول حاجة عملوا مخالفة مع (احمدالفاضل).
* نظام دي تحركات في الحدود الشمالية.
* تاني حاجة وقفوا ليهم (حيطة).
* حيطة علي منو لكن؟... انتوا يا ناس حي العرب ما عارفين الزول دا عندو (جواز دبلوماسي).
* الحيطة تقول واقفة ليها في (موجة) .. ترجف متل (شيةالجمر).
* شية الجمر الدخلها شنو هسع في (الحيطة).
* عربية هي وإلاشية.
* المهم هيثم مصطفي قعد ليه مع مهندس مساحة عشان يشوف ليه نسبة ضل (الحيطة).
* اي حاجة نحن عندنا بحساب ... ما عندنا حاجة ساكت.
* المهندسشاف حساباتو .. والبرنس طلع الفرق .. شاف جيب الزاوية .. وطلع الجزر التربيعيللكورة في شنو؟.
* في (ضل) الزاوية .. تابعوا معاي يا جماعة ... ماتسرحوا.
* زمان في (طلبة) بسرحوا في الحصة.
* الحصة كلها وهم بالهمبرة.
* بعد ما الحصة تنتهي الاستاذ بقول للطالب نحن كنا بنتكلم في شنو؟.
* الطالب ما بكذب وبقول للاستاذ : كنت بتتحدث عن (سحر).
* سحر منو؟
* سحرالكمنجة يا استاذ.
* هيثم مصطفي ضرب حساباتو .. وشاف العملية من ناحية الرسمالبياني بتجي كيف؟.
* بعد داك .. هيثم قال لمهند الطاهر .. طير لي قلبالحيطة.
* الحيطة بقت زي الغربال من الشفقة.
* (أ) تحرك الي الامام.
* (ج) قسمة العدد الناتج علي اربعة.
* (ط) تمشيط الشواطي الساحلية.
* (م) التنفيذ.
* شلبي قالوا لي الان بفتش في (الكورة) .. يا ود الناس الموضوع داانتهي بالنسبة لينا.
* هيثم مصطفي قالوا قبل ما يسجل الهدف بقعد مع سيادةالسفراء .. عشان يشوف اثر (الهدف) في المناطق البعيدة.
* من ثم بيجتمع اجتماعخاص مع وزير خارجية روسيا (سيرجي لافروف).. عشان يناقش معه الوضع بعد الهدف.
* المناقشات دي كلها طبعا بتم بالروسي .. عشان كدا الباكات ما بفهموا حاجة.
* يفهموا وين مع (البرد) دا.
* انتوا تعالوا هنا.. ناس المريخ ديل خلاص اكتفوا منالممتاز بي هدف وارغو.
* خلاص دا الانجاز الوحيد الذي حققوه في الممتاز هذاالعام.
* علي ما يبدو انهم اكتفوا بهذا (الهدف).
* اي مريخابي يلاقيك يقولليك .. نحن كأس الممتاز دا السنة دي ما عندنا ليه طريقة.
* الظاهر كدا ناسالمريخ ديل ... كل خمس سنوات بشيلوا كأس الممتاز مرة .. وبطلعوا يتفاصحوا.
* *

* نظريا العملية دي ثابتة علميا.
* انتوا ما سمعتوا (الروس) بقولوا انو (الضل) في كل خمس سنوات بفوت صاحبو.
* دي نظرية شنو الطلعوها لينا الهلالاب في (الجوطة) دي.
* جوطة شنو؟.
* جوطة (السوتنة).
* السوتنة دي شنو؟.
* السوتنة دي قالوا ليك اربعة مريخاب اتقابلوا في (روسيا) .. واي واحد فيهم عمل فيها (هلالابي).
* الوصافة دي نكروها نهائي... اي واحد عمل ليه (نضارات) وبقي يتحدث عن (جيمس بوند).
* لكن بعد خمسة شهور (الروس) اكتشفوا ليك انو الجماعة العاملين فيها هلالاب ديل .. (مريخاب).
* قولوا لي كشفوهم كيف؟.
* كشفوهم بي حاجة بسيطة جدا .. لقوهم قاعدين تحت (الضل).
* الروس طبعا خطرين .. نقشوا الموضوع طوالي.
* انتوا كمان عملتوها ظاهرة ... في روسيا مشيتوا قعدتوا في (الضل).
* انتوا فاكرين (النضارات) بتمرقكم.
* تمرقكم وين مع (البرد) دا.
* مريخابي تاني مشي الصين .. سبعة شهور حائم في الصين دي ما لاقي هلالابي.
* المريخابي ارتاح في دمو .. صحتو اتعدلت.
* الزول مبسوط شديد .. الصين دي (فلفلها) فلفلة .. كل يوم في حتة.
* لقي راحتو خالص .. يتكلم عن التحكيم ما في زول بسألو .. يتكلم عن (وارغو) .. ما في صيني بقول ليه شيء.
* طبعا ناس الصين ما فاهمين من كلامو اي حاجة ... عشان كدا اخذ راحتو تماما في الصين.
* في الاسبوع الثاني من شهرو السابع في الصين ... لاقي ليك (صيني) شايل علم الهلال وبكوريك سيدا ..سيدا.
* المريخابي اليوم التاني جاء راجع الخرطوم.
* ناس رابطة اهل الهلال قابلوه في المطار.
* ملحوظة: ناس المريخ ليهم حق يقفلوا (ملف الممتاز).. ويفتحوا استادهم للهلال.
هوامش
* كل الذين شاهدوا مباراة المريخ مع الخرطوم توقعوا ان يكون (النيل) الحصاحيصا هذا العام وصيفا للهلال البطل.
* اذا كان هذا هو مستوي المريخ فالرجاء ان يقوموا لينا من (ضلنا).
* راجي عبدالعاطي .. وارغو بقي افضل منو.
* مباريات الولايات الخوف يبقي من المباريات السهلة .. الخوف ليس من المباريات الصعبة.
* لذلك وجب ان يلعب الهلال كل مباريات الممتاز بمسؤولية وحذر اذا اراد ان يفوز بالبطولة.
* الاهلي المصري بعد ان ضمن بطولة الدوري المصري .. يوشك الان ان يفقد لقبه.
* الهلال يجب ان يكون حذرا.
* جميل ان يدخل الهلال مباراته الافريقية القادمة وهو متصدر للممتاز.
* الهلال بعد ان يتأهل ان شاءالله لمرحلة المجموعات سوف يبدأ مرحلة جديدة .. ولن يقف امامه احد.
* لابد من القول ان الهلال الان يوشك من تجاوز المرحلة الصعبة بنجاح كبير.
* في الدورة الثانية سوف يكون الهلال ان شاءالله في مرحلة المجموعات وهذا يعطيه دافعا اقوي .. كما ان الهلال سوف يراجع تشكيلته بقودوين او غيره في يونيو.
* كذلك سوف يعود الهلال الي ملعبه بعد اكتمال العمل فيه وسوف يكون الهلال اكتسب للتجانس والتفاهم وصار قوة رهيبة.
* الهلال مستواه متصاعد .. والمريخ يرجع الي الخلف.
* لابد من القول ان صلاح ادريس في الفترة الاخيرة كان قريبا من الهلال وهي فترة كان يحتاج فيها الهلال لوجود صلاح ادريس الذي رافق الهلال في كل سفرياته الخارجية والداخلية.
* يحمد كذلك لصلاح ادريس ابتعاده عن الاعلام في الفترة الاخيرة ليكون عمله في صمت.
* اشرف الكاردينال تنتظر جماهير الهلال مفاجأته التي قطع فيها شوطا بعيدا.
* مدثر كاريكا عوض الهلال (طمبل وكلتشي) مرة واحدة.
* اسامة التعاون في الدفاع نجاح ملحوظ.
* ديمبا مع المعز .. لا احسب ان هنالك مهاجما في وجودهما يمكن ان (يحوم) في منطقة الهلال.
* الهلال يجب ألا يفكر في التفريط في سولي شريف.
* لاسانا بعد الكلام الجميل الذي كان يقال عنه ويكتب من قبل اعلام المريخ .. اصبح متاح فقط في البطولة الافريقية.
* ايداهور يقدم منذ الان الكثير للهلال وذلك بابعاده للاسانا من تشكيلة المريخ... عشان كدا خلوه قبلو.
* خبر عاجل: اول اغسطس باقي ليه اربعة ايام فقط

من طرف **طارق حمزة** الخميس أبريل 30, 2009 2:44 am

يا ناصر يعقوب بطل الحركات بتاعك موسى الزومة صحيح ما بيعرف الفرق بين الكرت الاحمر والاصفر لكن بيعرف شباك الهلال كويس يا ويلكم منو حتمشو فين بعدين اصلو ناسكم ديل حيمسكو مين وارغو .. كلتشي .. ايداهور .. طبل .. العجب .. السعودي .. راجي .... وبعدين خلي كاريكا بتاعك ينفعك كاريكا قال .... ولعلمك كاس افريقيا للمريخ وانشاء الله محمول مش زيكم كل يوم حاملين شنط من برة جايين ... طارق حمزة

يا طارق والله المريخ بتاعك دا ما يشوف كاس افريقيا الاّ وفريق تاني شايله .. ما تتفاصحوا ساي يا مريخاب

انتوا ماعندكم حاجة والبركة في ولدنا ايداهور وطبعا باقليه 4شهور و يجينا ونشوف بعد كده البحلكم مين بعده.. بعدين وارغو بتاعك ده بعد القون الاول بتاعه اخذ كرت احمر وقالوا موسي الزومة قال ليه ده اصفر ما احمر .. والحكاية كلها بقت اصف لا احمر .. اصفر.. لا احمر.. لانه صحبك موسي ما يعرف الفرق بين الكرتين.. بعدين يا ابوهارون نحن متصدرين الدوري بفرق 4نقاط و الفرق دا غير ما يزيد ما حينقص.. وابقوا عشرة على كمبالا ستي

اخر خبر عاجل : اول اغسطس باقي ليه ثلاث ايام فقط

هو و القون ووزير خارجية روسيا

هو و القون ووزير خارجية روسيا

رد: هو و القون ووزير خارجية روسيا

رد: هو و القون ووزير خارجية روسيا

رد: هو و القون ووزير خارجية روسيا