مواضيع مماثلة
بحـث
المواضيع الأخيرة
Twitter
لزول البجيب (الشاي)
2 مشترك
صفحة 1 من اصل 1
لزول البجيب (الشاي)
من طرف ناصر محمد ابراهيم الثلاثاء فبراير 23, 2010 5:47 pm
} في اي حتة بتلقوا ليكم زول (مطرف).
} زول مهموم.. بشوف (الناقصة) شنو؟...ويقوم يتشوبر...ويتفاصح ويمسك في المواضيع.
} زول بقعد علي فد كراع.
} الزول دا دائما في المناسبات تلقوه (مطبق) كرعينو تحتو ..وقاعد (يتلفت).
} زي (ورق) الزول القافل.
} الزول دا الموية البتنقص بتمها.
} هيع.. يا الفنجري.
} الابريق (البطوفش) بجيبو.
} الشافع (البروح) بغطس ويرجعو.
} طبعا في المناسبات في (موضة)... ود فلان ..راح.
} الناس يقلبوا (الواطة) فوق تحت ...في النهاية يلقوا الشافع نايم في (الصالون).
} نحن ضياع الشفع ديل ما عندنا معاهم قضية.
} قضيتنا الليلة (الفنجري).
} الزول (الهميم) وقلبوا حار.
} قلبو متل كماين الطوب.
} الفنجري دا الناس بستغلوه استغلال كبير.
} في البيت او في المناسبة من يجي زول ...صاحب البيت بتلفت علي الفنجري وبقول ليه : (يا الفنجري شوف الناس ديل بشربوا شنو؟).
} يا الفنجري جيب (شاي) لي اعمامك ديل.
} يا الفنجري وصل عماتك ديل للموقف.
} وطبعا الفنجري وقت يصل للموقف لازم يقطع لي عماتو (التذاكر).
} لازم يعمل كدا ..ان شاءالله يدين.
} قلت ليكم (الفنجري) دا زول صعب.
} قعدتوا تغالطوا.
} ونسوان الحلة ..وقت يلقن الزول طيب ...بكرهو.
} كل مرة باب بيت ناس الفنجري يدق.
} الفنجري يفتح الباب يلقي واحدة من الخالات.
} يا الفنجري عليك الله تعال شوف لينا (الطبق).
} طبعا في موضة اسمها (القنوات) طفشن.
} البفهم والما بفهم بتكلم في الموضوع دا.
} والفنجري يوم والتاني شايل (مفكاتو) يربط في (الاطباق).
} الفنجري زول (ديجتل) ساكت.
} هيع ...دي (العولمة) وإلا بلاش.
} في واحد في حلتنا ...ايام موضة (العولمة) دي لاقي ليه زول ..قال ليه : عليك الله يا حاج شوفت (العولمة) دي كيف؟.
} عمك قال ليه: ايوة شفتها ..هسع مرت بي هنا.
} المهم (الفنجري) كان عامل فيها بتاع (عولمة).
} قوانين (الفيفا) دي بفتفتها ليك قانون ..قانون.
} مكانيكي بس.
} ما في زول بلحقو في قوانين (الفيفا).
} بطقطق ليك قوانين الفيفا دي زي (كورس الملاريا).
} يا الفنجري ألحق عمتك امنة ...عندها (ماسورة) حالجة.
} يا الفنجري امشي لي عمك عبدالله بسلمك جركانة جاز ...جيبها منو وتعال.
} يا الفنجري ..يا الفنجري.
} الفنجري عيشتو تطير.
} الفنجري يتقطع يعني.
} الفنجري دا هسع بذكرني (اعلام المريخ).
} اي قلم في المريخ عامل فيها هو (الفنجري).
} اي واحد عامل فيها المريخ دا حقو ...وهو الوحيد البعرف مصلحتو.
} عاملين فيها بتاعين فيفا وبتاعين الكاف ..وبتاعين اي حاجة.
} اي حاجة تنطرح في الدنيا دي اعلام المريخ بتكلم فيها.
} اعلام المريخ دا ممكن ببساطة شديدة جدا ...يقنع ليك (ابوالهول) انو ضربة الجزاء دي ما صحيحة ..لو كانت هذه الضربة حسبت ضد المريخ.
} وممكن اعلام المريخ دا بكل سهولة يقنع (ابوالهول) انو هذه اللعبة التي لم يحتسبها الحكم (ضربة جزاء) اذا كانت هذه اللعبة في صالح المريخ.
} ابوالهول عيشتو تطير.
} ابوالهول ذنبو شنو؟.
} اعلام المريخ دا اي حاجة في الهلال بتكلم فيها.
} بعملوها موضوع.
} ناس بلة جابر ديل مدورين رقيص في الغرف ..زول بسألهم مافي.
} ما في زول جايب خبرهم.
} وناس وارغو ديل المحكمة بتقرر جلدهم.
} برضو زول بشتغل بالموضوع دا ما في.
} وجنسية اليجا تانا تطلع من سلم الطيارة.
} ما في زول بقول حاجة.
} وكلتشي بحولوه وطني قبل ما يجنسوه.
} برضو ما في زول بقول حاجة.
} ان شاءالله القيامة تقوم.
} سكتم بكتم.
} لكن بص الهلال يتأخر دقائق ...الدنيا تنقلب.
} انتوا تعالوا هنا ..ناس امين عبدالوهاب وين؟.
} دا شنو البتعملوا فيه دا يا برجاس...انتوا استادكم غالبكم تصلوه.
} الغريبة ناس الهلال قالوا الزحمة ..وقالوا المولد.
} طيب ناس جزيرة الفيل (الضيوف) يقولوا شنو؟.
} الشيء البيغيظ ..قالوا اسامة التعاون وصل الاستاد بي (موتر).
} عشان كدا المباراة كلها نفسو قايم.
} انت يا اسامة التعاون قايل نفسك لاعب مباراة في ميدان عقرب ..عشان تصلنا بي (موتر).
} لكن اسامة التعاون برضو غامر واتصرف ..ناس امين عبدالوهاب ديل بعملوا في شنو؟.
} يعني المباراة لو كانت في (عطبرة)..كان رأسنا اتقطع.
} استادكم غلبكم تصلوه.
} نحن بنتكلم في الموضوع دا ..لكن المشكلة ناس اعلام المريخ.
} الناس البقعدوا ينظروا ديل.
} الهلال يجيب ليه كأس من برة ..يقولوا دا ما كاس.
} ما كأس شنو يعني؟.
} برقية..!!..تلغراف.
} شنو يعني؟.
} الكأس دا عاوزننا نجيبوا ليكم بالطابق التاني.
} كاسنا خلوه ...كاساتكم الجبتوها ديك ...نعتبرها ليكم شنو؟.
} كاسات جايبنها من (مخازن السكر) وعاملين ليها قومة وقعدة.
} غايتو اعلام المريخ ديل عندهم جنس حاجات.
} عارفين اعلام المريخ ديل زي شنو؟.
} زي الزول البكون لابس ليه جلابية نظيفة والناس بتركب في (الصيوان).
} الزول دا بتلقوه واقف بعيد وبنظر.
} يا ولد ميل العصاية دي شمال ...ارفع الماسورة شوية...غرق الحفرة.
} لا ..لا كدا غلط.
} ناس المريخ ديل كدا.
} الهلال يعسكر برة ...يقولوا ما في داعي للمعسكر البرة ..وما في اي استفادة.
} نقعد هنا ..يقولوا قروش ما في.
} الدعيع يزعل ..يعملوا للموضوع دا توم وشمار.
} البرنس يفوت ساكت في المطار ..اليوم التاني يعملوا موضوع في الحتة دي.
} هسع انتوا في زول سألكم من (مليار) طمبل.
} ما بتخجلوا انتوا ..مسجلين ليكم لاعب عشان يقعد يصرح في الجرايد ..وعشان تقولوا عنه انه كان بيلعب في الهلال.
} انتوا ما بتشوفوا (فييرا) دا بعمل في شنو؟.
} يدافع ويهاجم ويجيب قون ويفوز بنجومية المباراة.
} قولوا ما شاءالله ..ما تقوموا تطقوه لينا عين.
} عندكم عين زي (الطوة).
} مولعة نار.
} يا ناس المريخ ..في زول سألكم من وارغو ..سجلتوه بي خمسة مليون دولار..وبقي قاعد يطردو فيه من مباراة لي مباراة.
} النفطي دا جايبنو عشان يغلب ليكم (هلال كادقلي).
} ما بتخجلوا انتوا.
} بس اقعدوا كدا.
} من وصافة لي وصافة ..وبعد دا كلو بتحدثوا عن ضربة جزاء كان يجب ان تحتسب لجزيرة الفيل.
} خلاص خلوا المريخ ..وشجعوا جزيرة الفيل يمكن تحققوا وقتها بطولة الممتاز.
} فريقكم دا اقنعوا من ان يحقق بطولة.
} وصافة بس.
} ملحوظة: انا اول مرة اشوف لي وصيف بتفاصح كدا.
هوامش
} يجب ان تكون هناك محاسبة لدائرة الكرة في الهلال.
} المعز محجوب عليه ان يراجع مستواه.
} دفاع الهلال كله ظهر في مباراة جزيرة الفيل بمستوي ضعيف.
} تصرف كامبوس كاد يفقد الهلال نقاط المباراة ...لكن مع هذا كامبوس لا يسأل من تصرفه.
} عزاؤنا ان (العترة) بتصلح المشي.
} علي ادارة نادي الهلال وعلي قطاع الكرة ان يكون اكثر مسؤولية ليشعر لاعبو الهلال بالمسؤولية.
} اداء الهلال امام جزيرة الفيل كان فاترا جدا ...وكان يمكن ان يخسر الهلال المباراة لولا ان التوفيق والحظ كان بجانب الهلال.
} نتمني ألا تتكرر مثل هذه التجربة.
} هل يعقل ان يتعرض ثلث تشكيلة لاعبي الهلال للكروت الملونة ونحن في الاسبوع الاول للممتاز؟.
} واضح ان الهلال يعاني من (الفوضي).
} بعض الامور لو لم تحسم مبكرا سوف تشكل خطرا كبيرا علي الهلال في الاسابيع المقبلة.
} يجب اولا اعطاء كل لاعبي الهلال حقوقهم وحوافزهم كاملة.
} ويجب كذلك ان تكون هناك دائرة كرة قوية.
} وضح ان هناك فراغا اداريا ورياضيا في الهلال.
} تداركوا ذلك مبكرا .قبل ان يقع الفأس في الرأس.
} خبر عاجل: دا كلو كوم وفصاحة ناس الوصيف كوم براه.
} زول مهموم.. بشوف (الناقصة) شنو؟...ويقوم يتشوبر...ويتفاصح ويمسك في المواضيع.
} زول بقعد علي فد كراع.
} الزول دا دائما في المناسبات تلقوه (مطبق) كرعينو تحتو ..وقاعد (يتلفت).
} زي (ورق) الزول القافل.
} الزول دا الموية البتنقص بتمها.
} هيع.. يا الفنجري.
} الابريق (البطوفش) بجيبو.
} الشافع (البروح) بغطس ويرجعو.
} طبعا في المناسبات في (موضة)... ود فلان ..راح.
} الناس يقلبوا (الواطة) فوق تحت ...في النهاية يلقوا الشافع نايم في (الصالون).
} نحن ضياع الشفع ديل ما عندنا معاهم قضية.
} قضيتنا الليلة (الفنجري).
} الزول (الهميم) وقلبوا حار.
} قلبو متل كماين الطوب.
} الفنجري دا الناس بستغلوه استغلال كبير.
} في البيت او في المناسبة من يجي زول ...صاحب البيت بتلفت علي الفنجري وبقول ليه : (يا الفنجري شوف الناس ديل بشربوا شنو؟).
} يا الفنجري جيب (شاي) لي اعمامك ديل.
} يا الفنجري وصل عماتك ديل للموقف.
} وطبعا الفنجري وقت يصل للموقف لازم يقطع لي عماتو (التذاكر).
} لازم يعمل كدا ..ان شاءالله يدين.
} قلت ليكم (الفنجري) دا زول صعب.
} قعدتوا تغالطوا.
} ونسوان الحلة ..وقت يلقن الزول طيب ...بكرهو.
} كل مرة باب بيت ناس الفنجري يدق.
} الفنجري يفتح الباب يلقي واحدة من الخالات.
} يا الفنجري عليك الله تعال شوف لينا (الطبق).
} طبعا في موضة اسمها (القنوات) طفشن.
} البفهم والما بفهم بتكلم في الموضوع دا.
} والفنجري يوم والتاني شايل (مفكاتو) يربط في (الاطباق).
} الفنجري زول (ديجتل) ساكت.
} هيع ...دي (العولمة) وإلا بلاش.
} في واحد في حلتنا ...ايام موضة (العولمة) دي لاقي ليه زول ..قال ليه : عليك الله يا حاج شوفت (العولمة) دي كيف؟.
} عمك قال ليه: ايوة شفتها ..هسع مرت بي هنا.
} المهم (الفنجري) كان عامل فيها بتاع (عولمة).
} قوانين (الفيفا) دي بفتفتها ليك قانون ..قانون.
} مكانيكي بس.
} ما في زول بلحقو في قوانين (الفيفا).
} بطقطق ليك قوانين الفيفا دي زي (كورس الملاريا).
} يا الفنجري ألحق عمتك امنة ...عندها (ماسورة) حالجة.
} يا الفنجري امشي لي عمك عبدالله بسلمك جركانة جاز ...جيبها منو وتعال.
} يا الفنجري ..يا الفنجري.
} الفنجري عيشتو تطير.
} الفنجري يتقطع يعني.
} الفنجري دا هسع بذكرني (اعلام المريخ).
} اي قلم في المريخ عامل فيها هو (الفنجري).
} اي واحد عامل فيها المريخ دا حقو ...وهو الوحيد البعرف مصلحتو.
} عاملين فيها بتاعين فيفا وبتاعين الكاف ..وبتاعين اي حاجة.
} اي حاجة تنطرح في الدنيا دي اعلام المريخ بتكلم فيها.
} اعلام المريخ دا ممكن ببساطة شديدة جدا ...يقنع ليك (ابوالهول) انو ضربة الجزاء دي ما صحيحة ..لو كانت هذه الضربة حسبت ضد المريخ.
} وممكن اعلام المريخ دا بكل سهولة يقنع (ابوالهول) انو هذه اللعبة التي لم يحتسبها الحكم (ضربة جزاء) اذا كانت هذه اللعبة في صالح المريخ.
} ابوالهول عيشتو تطير.
} ابوالهول ذنبو شنو؟.
} اعلام المريخ دا اي حاجة في الهلال بتكلم فيها.
} بعملوها موضوع.
} ناس بلة جابر ديل مدورين رقيص في الغرف ..زول بسألهم مافي.
} ما في زول جايب خبرهم.
} وناس وارغو ديل المحكمة بتقرر جلدهم.
} برضو زول بشتغل بالموضوع دا ما في.
} وجنسية اليجا تانا تطلع من سلم الطيارة.
} ما في زول بقول حاجة.
} وكلتشي بحولوه وطني قبل ما يجنسوه.
} برضو ما في زول بقول حاجة.
} ان شاءالله القيامة تقوم.
} سكتم بكتم.
} لكن بص الهلال يتأخر دقائق ...الدنيا تنقلب.
} انتوا تعالوا هنا ..ناس امين عبدالوهاب وين؟.
} دا شنو البتعملوا فيه دا يا برجاس...انتوا استادكم غالبكم تصلوه.
} الغريبة ناس الهلال قالوا الزحمة ..وقالوا المولد.
} طيب ناس جزيرة الفيل (الضيوف) يقولوا شنو؟.
} الشيء البيغيظ ..قالوا اسامة التعاون وصل الاستاد بي (موتر).
} عشان كدا المباراة كلها نفسو قايم.
} انت يا اسامة التعاون قايل نفسك لاعب مباراة في ميدان عقرب ..عشان تصلنا بي (موتر).
} لكن اسامة التعاون برضو غامر واتصرف ..ناس امين عبدالوهاب ديل بعملوا في شنو؟.
} يعني المباراة لو كانت في (عطبرة)..كان رأسنا اتقطع.
} استادكم غلبكم تصلوه.
} نحن بنتكلم في الموضوع دا ..لكن المشكلة ناس اعلام المريخ.
} الناس البقعدوا ينظروا ديل.
} الهلال يجيب ليه كأس من برة ..يقولوا دا ما كاس.
} ما كأس شنو يعني؟.
} برقية..!!..تلغراف.
} شنو يعني؟.
} الكأس دا عاوزننا نجيبوا ليكم بالطابق التاني.
} كاسنا خلوه ...كاساتكم الجبتوها ديك ...نعتبرها ليكم شنو؟.
} كاسات جايبنها من (مخازن السكر) وعاملين ليها قومة وقعدة.
} غايتو اعلام المريخ ديل عندهم جنس حاجات.
} عارفين اعلام المريخ ديل زي شنو؟.
} زي الزول البكون لابس ليه جلابية نظيفة والناس بتركب في (الصيوان).
} الزول دا بتلقوه واقف بعيد وبنظر.
} يا ولد ميل العصاية دي شمال ...ارفع الماسورة شوية...غرق الحفرة.
} لا ..لا كدا غلط.
} ناس المريخ ديل كدا.
} الهلال يعسكر برة ...يقولوا ما في داعي للمعسكر البرة ..وما في اي استفادة.
} نقعد هنا ..يقولوا قروش ما في.
} الدعيع يزعل ..يعملوا للموضوع دا توم وشمار.
} البرنس يفوت ساكت في المطار ..اليوم التاني يعملوا موضوع في الحتة دي.
} هسع انتوا في زول سألكم من (مليار) طمبل.
} ما بتخجلوا انتوا ..مسجلين ليكم لاعب عشان يقعد يصرح في الجرايد ..وعشان تقولوا عنه انه كان بيلعب في الهلال.
} انتوا ما بتشوفوا (فييرا) دا بعمل في شنو؟.
} يدافع ويهاجم ويجيب قون ويفوز بنجومية المباراة.
} قولوا ما شاءالله ..ما تقوموا تطقوه لينا عين.
} عندكم عين زي (الطوة).
} مولعة نار.
} يا ناس المريخ ..في زول سألكم من وارغو ..سجلتوه بي خمسة مليون دولار..وبقي قاعد يطردو فيه من مباراة لي مباراة.
} النفطي دا جايبنو عشان يغلب ليكم (هلال كادقلي).
} ما بتخجلوا انتوا.
} بس اقعدوا كدا.
} من وصافة لي وصافة ..وبعد دا كلو بتحدثوا عن ضربة جزاء كان يجب ان تحتسب لجزيرة الفيل.
} خلاص خلوا المريخ ..وشجعوا جزيرة الفيل يمكن تحققوا وقتها بطولة الممتاز.
} فريقكم دا اقنعوا من ان يحقق بطولة.
} وصافة بس.
} ملحوظة: انا اول مرة اشوف لي وصيف بتفاصح كدا.
هوامش
} يجب ان تكون هناك محاسبة لدائرة الكرة في الهلال.
} المعز محجوب عليه ان يراجع مستواه.
} دفاع الهلال كله ظهر في مباراة جزيرة الفيل بمستوي ضعيف.
} تصرف كامبوس كاد يفقد الهلال نقاط المباراة ...لكن مع هذا كامبوس لا يسأل من تصرفه.
} عزاؤنا ان (العترة) بتصلح المشي.
} علي ادارة نادي الهلال وعلي قطاع الكرة ان يكون اكثر مسؤولية ليشعر لاعبو الهلال بالمسؤولية.
} اداء الهلال امام جزيرة الفيل كان فاترا جدا ...وكان يمكن ان يخسر الهلال المباراة لولا ان التوفيق والحظ كان بجانب الهلال.
} نتمني ألا تتكرر مثل هذه التجربة.
} هل يعقل ان يتعرض ثلث تشكيلة لاعبي الهلال للكروت الملونة ونحن في الاسبوع الاول للممتاز؟.
} واضح ان الهلال يعاني من (الفوضي).
} بعض الامور لو لم تحسم مبكرا سوف تشكل خطرا كبيرا علي الهلال في الاسابيع المقبلة.
} يجب اولا اعطاء كل لاعبي الهلال حقوقهم وحوافزهم كاملة.
} ويجب كذلك ان تكون هناك دائرة كرة قوية.
} وضح ان هناك فراغا اداريا ورياضيا في الهلال.
} تداركوا ذلك مبكرا .قبل ان يقع الفأس في الرأس.
} خبر عاجل: دا كلو كوم وفصاحة ناس الوصيف كوم براه.
ناصر محمد ابراهيم-
عدد الرسائل : 650
العمر : 46
الموقع : السعودية - جدة
العمل/الترفيه : مهندس
السٌّمعَة : 2
نقاط : 1510
تاريخ التسجيل : 02/03/2009 -
لزوم البجيب الشاى
من طرف عارف مختار الأربعاء فبراير 24, 2010 4:46 pm
]سلام اخى ناصر
شكرا" للمقال الساخر الجميل
اتذكر فى صغرى بان لورى من لوارى المحس مكتوب على خلفيته ( الفين سلام الفنجرى ) فهل كان تفكير السائق او المساعد صاحب االفكرة ه هل كان يقصد ذاك الفنجرى الذى يخدم الناس صباح مساء
نعم خذ الحكمه من افواه السائقين .دون الاشاره الى شىْ اخر . ولك التحية
شكرا" للمقال الساخر الجميل
اتذكر فى صغرى بان لورى من لوارى المحس مكتوب على خلفيته ( الفين سلام الفنجرى ) فهل كان تفكير السائق او المساعد صاحب االفكرة ه هل كان يقصد ذاك الفنجرى الذى يخدم الناس صباح مساء
نعم خذ الحكمه من افواه السائقين .دون الاشاره الى شىْ اخر . ولك التحية
عارف مختار- عدد الرسائل : 29
العمر : 59
الموقع : مكة
العمل/الترفيه : مهيدب
السٌّمعَة : 3
نقاط : 38
تاريخ التسجيل : 15/03/2009
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
» محمود محمد عبدالرحمن
» الحاج بدري عثمان
» مجرد راي
» حنفي عثمان طه
» الملك الاعرج
» تقرير اداء المنظمة لعام 2016 / 2017
» صلة الارحام
» الإفطار السنوي للجمعية