في السلك

لقيت مشهد درامي سخن

• واحده اسمها رشا بتحكي للتانيه الاسمها بتول عن حال ناس تانيين

• رشا مشت خطوتين مصحوبتين بموسيقي تصويريه واتجهت يمين الكاميرا وقالت

• تعرفي يا بتول الدنيا اتغيرت والناس اتطورت ... زماااان الزول المرتاح يقولوا ليك ودوهو الخارج للعلاج ... اسي بقوا يجيبوا ليهو الخارج في بيتو

• لقطه لبتول تستمع في حيرة وحسره مصحوبه بمؤثر موسيقي ( شتتتتتتت تنق قش )

• رشا زمان يا بتول الزول لما يموت بره كان فقران يدفنوهوا قبلوا ولا ما يجيبوا خبروا ولا الخواجات يعملوهوا سماد للتربه او اي شئ , واذا كان ود عز بجيبوهوا بالصندوق

• وتواصل .. الدنيا كلها تملي البكاسي وتمشي المطار , ما حسره علي المات بقدر ما هو شمار لزوم الزول يشوف الصندوق البجيبوا بيهو الزول للدنيا والزماااان

• وتواصل , والله يابتول زمان لما ود الاغيبش مات بره والله جابوهوا في صندوق خشبو في غرفة نوموا مافي

• بتول تعدل قعدتها وتصلح طرحتها

• بتول لكن يارشا الدنيا دي من زماااان كده , ماكل زول عندو , وكل زول بياكل رزقو , الجده شنو وزعلك قدر ده ؟

• رشا الجده يا بتول اول مره اشوف لي زول يموت هنا ويسفرهوا للدفن بره

• بتول باستغراب شديد ... كيف .. كيف ... كيف ؟ يدفنوهوا بره وين ؟

• في السيده زينب في الاسماعيليه 00 المهم ميت وبتصدر بره

• قمت في النومه ديك قلبت القناه

• لقيت القناه فيها اخبار يقرأها لابس عمه وجلابيه

• العمه اظنها طولت ما لبسها

• صفار ركنة الدولاب ظاهر

• ويقول اخبار الانتخابات

• وطيت الصوت لانو اخبار الانتخابات كانت ظاهره في الشريط الاخباري البجي اسفل الشاشه

• الدائره رقم (1) حلايب

• قلبت القناه بسرعه قلت نتيجة الانتخابات دي احضرها بعد تكتمل الزول ده مايقوم يقول حمص في حلايب يخلينا نشيل عصينا و............

• فتحت القناه التالته

• لقيت مازدا بتكلم عن تدريب الاحزاب علي الوصول للمناطق الدفاعيه للمنافسين وكيفية توحيد الصفوف

• قلت ليهو حق مازدا ما القناه رقم تلاته

• قفلتها وفتحت القناه الرابعه

• لقيت فيلم عربي

• احكي ليكم جزء منه

• قهوه كبيره في طرف السوق

• مصريين ماشين بحريه شديده تقول حايمين في خط 18 بتاع الهلال

• بتاع ورنيش بورنش للحلاق

• المعلم سيد القعده قاعد والود ( كسار التلج ) بهب في الشيشه

• المعلم اخد نفس طويييييييييل من الشيشه لما الجمره نططت في حجر الشيشه

• جا واحد ماشي بسرعه

• الحلاق كورك ليهو

• ولاه يا حمص ... ولاه يا حمص

• حمص اتلفت علي الحلاق وقال ليهو

• فيه ايه يا مسعود يا حلاق ؟

• مسعود قال المعلم بتاعنا بقولك مر عليه

• حمص مشي للمعلم

• صباح الخير يا معلم

• المعلم يسعد صباحك يا ضناي , وريني ايه عامل ؟

• حمص والله يا معلم مستوره والحمدلله

• المعلم اقعد

• معليش يا معلم اصل جايلي ضيوف من السودان

• ياعمي ضيوف مين دول بتلحقوا في اي وقت , مش هما الجماعه بتوع الزريبه ؟

• ايوه يا معلم , انت عرفت ازاي ؟

• يا ضناي دولة زباين ادام ( قدام ) بس المره دي لازم تكرمهم اوي يا حمص

• انشاء الله يا معلم

• صحيت , وقلت اللهم اجعلوا خير

• الحمصيه لسه لافه راس الجماعه

• مستمتع جدا انا بحبيب البلد

• حتي قبال حبيب تبقي بالاحمر والبلد بالاصفر

• قريت فيها لقاء بالتلفون مع ريكاردو

• سؤال وجواب

• سؤال معني هذا انك تخطط للعوده من جديد للهلال

• جواب : قال كلاما بالبرتغاليه لم افهمه ....... الخ

• ( وتيب )

• الكلام القبيل داك بالحمراء ولا الصفراء ولا الخضراء ؟ فهمتوهوا كيف ؟

• قال لي الهلال يفاوض الحضري

• قلت ليهو بفاوض الحضري في شنو ؟

• سكت

• اسي الحضري لو قال ليكم بخمسه جنيه عندكم !

• وبعدين الحضري بحب الست الوالده جدا

• وعمل حسابو من مرض ام سادومبا

• الزعيم رجع البلد

• لاصوت يعلوا فوق صوت المعركه

• لا نبحث عن نصر مجرد

• نبحث عن تأهل

• حا نتمرد علي اي منطق

• لا نعرف الا التأهل

• يا صفوه يا شراسه

• منذ الآن زئيييييييييييييير حتي التأهل

• الترجي لازم يعرف حاجه

• بالمناسبه

• الزول ما مات

• دي غيبوبه ساااااااااي

• مسفرنوا مصر للعلاج

• لو في موت بكون هناك

• والدفن في الدقي

• ودقي يا مزيكا

سلك كهربا

لن ننسااااااااااااااااااااك

والي لقاء