المريخ نار منقـــــــد

وكما جاء في رسالة دكتور عمر محمود خالد

بالأساسي أو بالرديف.. الأحمر الوهاج مخيف

كان المريخ رهيب وعجيب

يا اخونا دي كورة ولا مزيكة

ليس في الإمكان أحسن مما كان

أطربونا.. أمتعونا وحلقوا بنا في بحور الإبداع

اختفت الهضربة الكروية.. والتوتر والطاخ تراخ

لعبوا فتية المريخ بتركيز.. وهدوء وعقل

لم نشاهد الإرسال الطويل.. وأجاد دفاع المريخ أسلوب اللعب الممرحل

انتزعوا الإعجاب واقتلعوا الآهات من الجماهير

المريخ الرديف كان خطر بمن حضر

تقول لي أبوبرمودة

كاربوني أبوشنيبات عمل من الفسيخ شربات

تخيلوا بس لو ما جهز البدلاء

ما كان لحقنا الزينين

ثلاثة أهداف وثلاث نقاط في عين الحسود

المريخ بقى نار منقد وجالس في الثريا

نحن فوق عزنا وهوت ولا بارد ما بهزنا

وأجمل ما في المباراة أنها أعادت لنا وارغو التائه الحائر

المكير القصير الخطير قدم السهل الممتنع

ركز يا وارغو على صناعة الأهداف.. خلي الشبكه تخاف

موسى الزومة الحلو مر.. آخ من باصاتك.. كده غلط

يا ود كاربوني خليك من قعاد المقصورة.. همتك مع الزومة

شوية تركيز مع الزومة كل يوم نص ساعة.. حلل بيها الأخضر الليموني.

وضح جلياً أن أنسب خطة للمريخ هي 3/ 5/ 2

مع اللعب الممرحل واللمسة الواحدة.. يا هلال زرقان ارجى الراجيك

تخيلوا بس نفس التشكيلة ويعود ليها سعيد والشغيل والنفطي وميدو وكلتشي وطمبل وسفاري.

اللهم يارب ابعد عنا المصائب والمحن ما ظهر منها وما بطن

نجم المباراة كان طارق مختار ولكن برضو عايز نفس شغل الزومة

تراجع مستوى راجي كثيراً.. شكروه رقد

أتمنى أن أرى النفطي يوم السبت في استاد الهلال أمام الخرطوم

مناي ومنى عيني أن نرى المريخ ملهلب في مباراة السبت القادم

وأخشى ما أخشى أن تعود ريمة لعادتها القديمة

كاربوني أخرس ألسنة منتقديه.. تقول لي أبو برمودة!!

يوم عشرة حبابو عشرة

جاهزين جاهزين لهزيمة المرعوبين

قال إيه كامبوس.. (مو نافع).

نافع مو نافع الثلاثة محمداكم.

يا جمال الوالي ما تتسرع وتجيب لينا المواسير

لاعب عمرو أكتر من 24 سنة ما عايزنو

رقصة بلة الاحتفل بيها دي أنا يا ربي شفتها وين؟!

ماذكره أبوشيبة عن الحصول على استثناء وتقييد لاعب في خانة إيداهور مطلب جماهيري.

أي حداشر من المريخ ممكن يغلبوا الجماعة بعد مطب الأمل

بس المشرعاتية ديل يساعدونا بالسكات والموية الباردة

اعطوهم بس الثقة وأسألوهم من النتائج

المريخ نار منقد