مواضيع مماثلة
بحـث
المواضيع الأخيرة
Twitter
اجمل لقطة
صفحة 1 من اصل 1
اجمل لقطة
* أجمل لقطة في مباراة الهلال والمريخ هي اللقطة التي جمعت منير (الإنتر) ووارغو، طبعا عارفين الود بتاع الإنتر عمل شنو في عمو وراغو مرر الكرة بين رجلي وارغو.. آااي والله منير الإنتر بشحمو ولحمو قام بتمرير الكرة بين قدمي وارغو.. وارغو أبو 3 ملايين دولار جعل الكرة تمر بين قدميه ولولا الملامة لوقف دقيقة يصفق للود منير بتاع الإنتر دا..!
* كل الإعلام الأحمر بات يستهزئ بمنير وطبيعي أن تقرأ لأي فرد منهم عباراة تهكمية عن منير أو هالييييفا طبعا دي طريقتهم المعروفه لكن منير بتاع الإنتر وراهم عجائب.. قال ليهم وراغو بتاع مين؟ (نحنا الحافرين خنادقا وضاربين بنادقا).. هي مباراة في كرة القدم وليس صالة لعرض الأزياء وكرة القدم لا تعترف أبدا بالنجوميه، تعترف أول ما تعترف بالبذل والعطاء داخل المستطيل الأخضر.. يعني اللاعب أبو 100 مليون يمكنه بكل بساطه أن يلغي وجود لاعب سعره فاق ال7 مليارات جنيه وهذا ما فعله منير أمبدة بوراغو.. مش مسكو وألغى وجوده بس بل استعرض إمكاناته العالية في تمرير الكرة بين قدميه ولأول مرة نعرف أن منير أمبدة يمتلك تلك المهارة العالية مهارة تمرير الكرة بين الأقدام وأقدام منو؟ وراغو ذاتو بشحمو ولحمو!!.. وراغو الذي خافت جماهير المريخ من الإصابة التي تعرض لها في تدريب الفريق الرئيس للقمة ولكن بعد المباراة تمنت تلك الجماهير لو أن الإصابة كانت كبيرة حتى لا يشارك وحتى لا تمر الكرة بين قدميه.. ومن منو؟ من منير الإنتر صاحب أعلى عبارات تهكمية في الفترة الأخيرة من قبل الإعلام الأحمر..!
* بعد مباراة مهند وكاريكا.. ذهبت إلى نادي الهلال وجدت أسياد البلد محتفلين بالفوز.. واحد بتاع رقشه هلالابي مجنون في واحد قافلو بالعربيه قال ليهو يا كاريكا عليك الله شويه كده من الشارع ولو ما عايز تفسح الطريق والله أكلم ليك مهند يجي يقلب ليك هوبة في عربيتك دي.. الظاهر انو بتاع العربية هلالي كبير قال ليهو أبيت ما بفسح ليك الطريق إنت قايل نفسك سيد بلد برااااك؟ كلنا اسياد وعج المكان بالضحك..!
* إنتو عارفين إنو الهلال لما يكون غالب الدنيا بتبقى حلوة بشكل عجيب وكل الحاجات بتبقى رخيصه يا خي كيلو اللحمه يوم الخميس كان بي 18 جنيها يوم الجمعة الصباح بقي بي 14 جنيها بس.. ورطل السكر كان بألف وخمسمائه يوم الخميس يوم الجمعه بقي بألف جنيه بس..!
* المواصلات ذاتا بقت فاضية الناس كلها معنوياتها مرتفعة كمساري الحافلة لو ما كان عندك حق الاجرة بقول ليك ما مشكلة ولو اديتو عشرة جنيهات ممكن تقول ليهو خلي الباقي معااااك اصلو الاسياد فرحونا واسعدونا..!
* يا جماعه الطماطم (حمراء) طبعا الكيلو بتاعها يوم الخميس كان بي 8 جنيه التقول كانت بتقرأ للإعلام الاحمر يوم الجمعة سعر الكيلو بقي بي 4 جنيه.. واحد ظريف قال لي اقسم 8 على 2 مش بتكون 4؟ إذاً السر في الـ2 ما الـ4.. سعر الكيلو.. طبعا عارفين الـ2 وسرها العجيب.. ولو ما عارفين أسألوا الود مهند ولو لقيتو تلفونو مقفول أسألو كاريكا..!
* نرجع لأجواء المباراة تاني أصلو نحن ما عندنا شغلة غيرها.. معز محجوب قلت ليهو معقول تبوظ أعصاب الاسياد كدة؟ قال لي اسمع والله المريخ الشفتو أنا يوم الخميس ده لو مافي حارس مرمى ما بجيب قون والله أقوانهم دي قاعدين نسمع بيها في الجرائد بس وفي اعمدة كتابهم لكن جوة الملعب حدث ولا حرج..!
* أول فريق يغلق تدريباته في وجه الجماهير هو الهلال في عهد الأخ امين عبدالوهاب.. جاء عبدالمهيمن وبطلب من كامبوس قفلوا التدريبات.. ناس المريخ شافوا الهلال قفل تدريباتو قاموا قفلوا التدريبات.. أها كامبوس قفل تدريباتو وفاز عليكم كاربوني ده قفل التدريبات ليه؟ وعمل شنو يعني هو قايل قفل التدريبات بغلب ليهو؟..!
* إعلام المريخ لا حديث له قبل المباراة إلا عن (الدرجة) الكاملة للمريخ في الدوري الممتاز.. برضو قاعدين يتكلموا عن المريخ بمن حضر والمريخ الما بنقدر.. وما تعرض له المريخ لو تعرض له إنتر ميلان ما بفوز علي أي فريق ولكن المريخ وهو يفقد معظم نجومه قاعد يفوز طواااالي طيب قاعد يفوز دي حقيقة لكن ما ورونا قاعد يفوز كيف؟.. هسي في زول جاب سيرة الحكام ولا ضربات الجزاء؟..!
* بخصوص ضربات الجزاء الآن وارغو ضمن قائمة هدافي الممتاز ولو قلت لأي واحد إنو مع الهدافين كيف والله يضحك لما يقع.. وارغو رصيده من الأهداف 6 أهداف الـ6 أهداف من ضربات جزاء.. يعني لاعب لعب مع فريقه أكتر من 60 مباراة رصيده من الأهداف 6 معقول سعرو يكون 7 مليارات يا عالم معقول؟..!!
* عقب المباراة استضافت الزميلة ميرفت حسين في قناة النيل الأزرق الأخ جمال الوالي رئيس نادي المريخ الذي وصف الهزيمة من الهلال بأنها عااادية باعتبار أن الكرة نصر وهزيمة وهي كلمات أراد أن يخفف بها على جماهير المريخ (بالواضح كدة أراد تخديرها).. يا جمال يا اخوي نحن عارفين انو الكرة نصر وهزيمة الا عند المريخ وجماهيره في نصر علي طول يعني هزيمة دي ما في قاموس المريخ وجماهيره بدليل أن تلك الجماهير طوااالي تقذف الملعب واللاعبين بالحجارة شنو يعني ده عندكم؟..!
* وخالف الوالي كل إعلام المريخ عندما دافع عن كاربوني دفاع المستميت.. والله يا والي ليك حق تدافع عنو كده مش إنت جبتو وأعلنت عنو في برنامج صدى الملاعب بعد منتصف الليل دون أن يعلم أحد من أعضاء مجلسك أو الإعلام الذي ظل يمدحك آناء الليل وأطراف النهار عن هوية المدرب؟.. طيب إنت لو ما شكرتو البشكرو ليك منو؟..!!
* أها يا ناس لجنة الانضباط بتعملوا شنو مع الجماهير الصفوة دي؟.. لجنة الانضباط بالاتحاد الافريقي عاقبت تلك الصفوة (بالإدانة) واسقطت العقوبة المادية.. إنتو حا تعملو شنو للجماهير الصفوة؟..!
* واحد ثقيل جدا قال لي لو عايز الناس يعرفوك بانك (صفوة) فما عليك الا ان تحمل كميات من (الطوب ) وقوارير المياه معك للإستاد وأول ما يجيبوا فيك قون أقذف ما معك في الملعب.. دي هي علامة الصفوة ..!
* كل الإعلام الأحمر بات يستهزئ بمنير وطبيعي أن تقرأ لأي فرد منهم عباراة تهكمية عن منير أو هالييييفا طبعا دي طريقتهم المعروفه لكن منير بتاع الإنتر وراهم عجائب.. قال ليهم وراغو بتاع مين؟ (نحنا الحافرين خنادقا وضاربين بنادقا).. هي مباراة في كرة القدم وليس صالة لعرض الأزياء وكرة القدم لا تعترف أبدا بالنجوميه، تعترف أول ما تعترف بالبذل والعطاء داخل المستطيل الأخضر.. يعني اللاعب أبو 100 مليون يمكنه بكل بساطه أن يلغي وجود لاعب سعره فاق ال7 مليارات جنيه وهذا ما فعله منير أمبدة بوراغو.. مش مسكو وألغى وجوده بس بل استعرض إمكاناته العالية في تمرير الكرة بين قدميه ولأول مرة نعرف أن منير أمبدة يمتلك تلك المهارة العالية مهارة تمرير الكرة بين الأقدام وأقدام منو؟ وراغو ذاتو بشحمو ولحمو!!.. وراغو الذي خافت جماهير المريخ من الإصابة التي تعرض لها في تدريب الفريق الرئيس للقمة ولكن بعد المباراة تمنت تلك الجماهير لو أن الإصابة كانت كبيرة حتى لا يشارك وحتى لا تمر الكرة بين قدميه.. ومن منو؟ من منير الإنتر صاحب أعلى عبارات تهكمية في الفترة الأخيرة من قبل الإعلام الأحمر..!
* بعد مباراة مهند وكاريكا.. ذهبت إلى نادي الهلال وجدت أسياد البلد محتفلين بالفوز.. واحد بتاع رقشه هلالابي مجنون في واحد قافلو بالعربيه قال ليهو يا كاريكا عليك الله شويه كده من الشارع ولو ما عايز تفسح الطريق والله أكلم ليك مهند يجي يقلب ليك هوبة في عربيتك دي.. الظاهر انو بتاع العربية هلالي كبير قال ليهو أبيت ما بفسح ليك الطريق إنت قايل نفسك سيد بلد برااااك؟ كلنا اسياد وعج المكان بالضحك..!
* إنتو عارفين إنو الهلال لما يكون غالب الدنيا بتبقى حلوة بشكل عجيب وكل الحاجات بتبقى رخيصه يا خي كيلو اللحمه يوم الخميس كان بي 18 جنيها يوم الجمعة الصباح بقي بي 14 جنيها بس.. ورطل السكر كان بألف وخمسمائه يوم الخميس يوم الجمعه بقي بألف جنيه بس..!
* المواصلات ذاتا بقت فاضية الناس كلها معنوياتها مرتفعة كمساري الحافلة لو ما كان عندك حق الاجرة بقول ليك ما مشكلة ولو اديتو عشرة جنيهات ممكن تقول ليهو خلي الباقي معااااك اصلو الاسياد فرحونا واسعدونا..!
* يا جماعه الطماطم (حمراء) طبعا الكيلو بتاعها يوم الخميس كان بي 8 جنيه التقول كانت بتقرأ للإعلام الاحمر يوم الجمعة سعر الكيلو بقي بي 4 جنيه.. واحد ظريف قال لي اقسم 8 على 2 مش بتكون 4؟ إذاً السر في الـ2 ما الـ4.. سعر الكيلو.. طبعا عارفين الـ2 وسرها العجيب.. ولو ما عارفين أسألوا الود مهند ولو لقيتو تلفونو مقفول أسألو كاريكا..!
* نرجع لأجواء المباراة تاني أصلو نحن ما عندنا شغلة غيرها.. معز محجوب قلت ليهو معقول تبوظ أعصاب الاسياد كدة؟ قال لي اسمع والله المريخ الشفتو أنا يوم الخميس ده لو مافي حارس مرمى ما بجيب قون والله أقوانهم دي قاعدين نسمع بيها في الجرائد بس وفي اعمدة كتابهم لكن جوة الملعب حدث ولا حرج..!
* أول فريق يغلق تدريباته في وجه الجماهير هو الهلال في عهد الأخ امين عبدالوهاب.. جاء عبدالمهيمن وبطلب من كامبوس قفلوا التدريبات.. ناس المريخ شافوا الهلال قفل تدريباتو قاموا قفلوا التدريبات.. أها كامبوس قفل تدريباتو وفاز عليكم كاربوني ده قفل التدريبات ليه؟ وعمل شنو يعني هو قايل قفل التدريبات بغلب ليهو؟..!
* إعلام المريخ لا حديث له قبل المباراة إلا عن (الدرجة) الكاملة للمريخ في الدوري الممتاز.. برضو قاعدين يتكلموا عن المريخ بمن حضر والمريخ الما بنقدر.. وما تعرض له المريخ لو تعرض له إنتر ميلان ما بفوز علي أي فريق ولكن المريخ وهو يفقد معظم نجومه قاعد يفوز طواااالي طيب قاعد يفوز دي حقيقة لكن ما ورونا قاعد يفوز كيف؟.. هسي في زول جاب سيرة الحكام ولا ضربات الجزاء؟..!
* بخصوص ضربات الجزاء الآن وارغو ضمن قائمة هدافي الممتاز ولو قلت لأي واحد إنو مع الهدافين كيف والله يضحك لما يقع.. وارغو رصيده من الأهداف 6 أهداف الـ6 أهداف من ضربات جزاء.. يعني لاعب لعب مع فريقه أكتر من 60 مباراة رصيده من الأهداف 6 معقول سعرو يكون 7 مليارات يا عالم معقول؟..!!
* عقب المباراة استضافت الزميلة ميرفت حسين في قناة النيل الأزرق الأخ جمال الوالي رئيس نادي المريخ الذي وصف الهزيمة من الهلال بأنها عااادية باعتبار أن الكرة نصر وهزيمة وهي كلمات أراد أن يخفف بها على جماهير المريخ (بالواضح كدة أراد تخديرها).. يا جمال يا اخوي نحن عارفين انو الكرة نصر وهزيمة الا عند المريخ وجماهيره في نصر علي طول يعني هزيمة دي ما في قاموس المريخ وجماهيره بدليل أن تلك الجماهير طوااالي تقذف الملعب واللاعبين بالحجارة شنو يعني ده عندكم؟..!
* وخالف الوالي كل إعلام المريخ عندما دافع عن كاربوني دفاع المستميت.. والله يا والي ليك حق تدافع عنو كده مش إنت جبتو وأعلنت عنو في برنامج صدى الملاعب بعد منتصف الليل دون أن يعلم أحد من أعضاء مجلسك أو الإعلام الذي ظل يمدحك آناء الليل وأطراف النهار عن هوية المدرب؟.. طيب إنت لو ما شكرتو البشكرو ليك منو؟..!!
* أها يا ناس لجنة الانضباط بتعملوا شنو مع الجماهير الصفوة دي؟.. لجنة الانضباط بالاتحاد الافريقي عاقبت تلك الصفوة (بالإدانة) واسقطت العقوبة المادية.. إنتو حا تعملو شنو للجماهير الصفوة؟..!
* واحد ثقيل جدا قال لي لو عايز الناس يعرفوك بانك (صفوة) فما عليك الا ان تحمل كميات من (الطوب ) وقوارير المياه معك للإستاد وأول ما يجيبوا فيك قون أقذف ما معك في الملعب.. دي هي علامة الصفوة ..!
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى
الإثنين أكتوبر 11, 2021 5:53 pm من طرف طارق حمزة
» محمود محمد عبدالرحمن
الجمعة سبتمبر 11, 2020 11:05 pm من طرف طارق حمزة
» الحاج بدري عثمان
الخميس يونيو 11, 2020 3:43 am من طرف طارق حمزة
» مجرد راي
الجمعة مايو 29, 2020 3:15 am من طرف طارق حمزة
» حنفي عثمان طه
السبت مايو 18, 2019 10:12 pm من طرف طارق حمزة
» الملك الاعرج
الأحد مارس 17, 2019 7:25 pm من طرف طارق حمزة
» تقرير اداء المنظمة لعام 2016 / 2017
الأحد مارس 17, 2019 7:23 pm من طرف طارق حمزة
» صلة الارحام
الأحد مارس 17, 2019 2:44 pm من طرف طارق حمزة
» الإفطار السنوي للجمعية
الأربعاء مايو 30, 2018 5:36 pm من طرف طارق حمزة