الجماعة سكتوا

{ من الطرائف ان الوصيف المهزوم تغزل في الحكم ولم يتحدث اي صحفي او اداري عن رغم الهزيمة، يعني مبسوطين من التحكيم تخيلوا ادركوا ان ولدهم بدر الدين جاملهم وخفف الهزيمة عليهم، فصمتوا، الجماعة سكتوا حتي شوية الفصاحة التي كنا نقراها تحولت الي مناحة.

{ وسيد البلد يقدل ويقدل ويهز الساحة يا شيخنا الهلال عليك الله علي الجماعة براحة! كاريكا هز الشباك. مهند قلب هوبة في هلال مريخ. الاعلام الحمراء ولون اليرقان اختفت. سبحان الله.

{ حتي الزول الكان بيهرش ويتحدي راح في الزفة، ولسع هم شافوا حاجة الجايات اكثر. فصاحة وفريق لا حارس مرمي لا دفاع ولا هجوم. وكمان بيلعب باثني عشر لاعبا. عارفين اللاعب الثاني عشر ده منو غايتو ناس الوصيف يحننو.

{ حالهم يغني عن السؤال يتفاصحوا في الورق ويضربوا في الملعب وحجار في المدرجات وحكم يزيد الزمن ينقض للهلال هدف في كل مباراة ضد المريخ وبرضو يقولوا عندنا فريق.

{ اول مباراة اتمني الحكم يزيد زمنها ويبقي سنة كاملة. زاد الزمن عشان المريخ يتعادل وطرد المعز انقلبت عليهو كاريكا كان جاهز في اخر دقيقة هدف.

{ كرة زادوها عشرة دقائق عديل. وفرسان الهلال كلما تزيد الدقائق يبقي مزاجهم رايق. شتموا الهلال ولعنوه واتفاصحوا ارتدت عليهم بهدفين اولاد الهلال ردوا في الوقت المناسب.

{ قدموا احلي الدروس في استاد الوصيف، وناس الوصيف يتفننوا في اسم استادهم لكن نحن علينا الفوز والرقيص ورفع علم الهلال في العارضة التي نسجل فيها اهدافنا.

{ قوون وراء قوون والجماعة يتفرجوا في اللاعبين المقلب والهلال يلعب ويلعب لم يبق غير شطبهم ما عدا عزيزنا جمال الوالي وابو جريشة الاول يدفع مليارات ويسجل صفقات ضاربة والثاني يصرح في الجرائد ويرد فرسان الازرق في الملعب واريدك يا الهلال.

ايقاعات خفيفة

{ وقعت علي عقد مع الفارس الغيور عمر بخيت وبشروط جزائية لايقاف الرجفة نهائيا اذا اوفي المعلم الصغير بالعقد ساودع الرجفة في مهرجان كبير.

{ سفاري يستحق مشاركة مهند الطاهر في النجومية لانه شارك في الهدف الاول في شباك فريقه.

{ الجماعة نسوا الهزيمة ومسكوا في نيالا تقول نيالا احرزت في شباكهم هدف.

{ كاريكا اكد انه كاريكا.

{ الدعيع لعب بعين واحدة سلم كاريكا كرة مقشرة في مواجهة شباك الوصيف، ده لو كان لعب بعيونو كلها كان احرز الهدف براه.

{ اللهم اجعل من استاد المريخ صيوانا لافراح جماهير سيد البلد.

{ لما جابوا النفطي عملوا كرنفالات يا ربي بودعوه كيف.

{ 72 ساعة ونحن مبسوطين الفرح لما يفوت حدو ببقي ضدو مش حقوا الواحد يبقي وصيف عشان يتذوق طعم الالم.

{ اي زول يدخل الاستاد في جيبو ما في ثلاث حجارة ده ما مريخابي.

{ صديقي ابراهومة قال في التحليل الهلال سينهار في الشوط الثاني قام ابراهومة ذاتو انهار.

{ سأل الطفل البريء والده يا ابويا لو داير ابقي مريخابي اعمل شنو فرد والده بهدوء. اتعلم قذف الحجارة.

{ قالوا وارغو مصاب جابوه لعبوه يا عزيزي الوالي لو داير تتذوق طعم قروشك العب براك ديل مافيهم امل.

{ الحكم نقض قوون امبيلي جابوا واحد تاني زاد الوقت برضو جابوا قوون فرسان سيد البلد ديل عكاليت بشكل.

{ اول مرة احس بان الصفوة تقود الي قذف الحجارة... صفوة قال.

{ ناس المريخ ما برضوا نقول ليهم وصيف مع ان حروف الوصيف هي نفس حروف الصفوة.

{ المعلق التلفزيوني عدنان حمد كلما يعلق علي مباراة الهلال والمريخ ينهزم الوصيف عشان كده نتمني يتعاقدوا معاه في تلفزيون السودان.

{ المذيع الذي علق علي مباراة الهلال والمريخ من اذاعة ام درمان يستحق يقولوا ليهو هاردلك.

{ عزيزي بشة شد حيلك.

{ انتو اضربوا تحت الحزام ونحن نرمي قدام.

{ الهلال ده يجنن سمح جن يجيبوا الهلال.

{ اشرف ديسي لاعب يستحق ان يجد النادي الذي يعرف امكانياته الهائلة التفتوا اليه يا عالم.

{ عزيزي عبد المجيد منصور لك دعوات كل اهل السودان يا اعز انسان.

{ قالوا الحكم غير معلن ديل بضحكوا علينا.

{ الو.. الو الحكم بدر الدين زيد في دقايقك ونزيد في اهدافنا، سامعني ولا اكمل باقي الكلام

مهما حصل نحن أسيادكم ياناصر والمريخ هو زعيم البلد ياباشا وإنشاء الله الفرحة ما حيدوم
افرح اليوم ياعم ومن حقك تفرح اليوم وياما حتبكي بكرا
وكفي
ولك الود
اخوك محسن

الجماعة سكتوا

الجماعة سكتوا

رد: الجماعة سكتوا