منتـــديات المثلث
تعالوا محل ما المحنة أيادي تقطر سلام
سماحة الحياة فوق أهلنا المثلت تمام التمام
بحـث
 
 

نتائج البحث
 


Rechercher بحث متقدم

المواضيع الأخيرة
» لعبة الفراخ 2017
الثلاثاء مايو 02, 2017 12:08 am من طرف nice games

» العاب فلاش نايس
السبت أغسطس 27, 2016 12:09 am من طرف nice games

» هل هذه الالعاب افضل العاب الاطفال على الانترنت ؟!
السبت أغسطس 27, 2016 12:08 am من طرف nice games

» دورة تنمية الجدارات الإدارية لعام 2016
الخميس ديسمبر 31, 2015 8:51 pm من طرف shima salah

» دورة بناء الفريق التسويقي لعام 2016
الأربعاء ديسمبر 30, 2015 9:06 pm من طرف shima salah

» دورات الادارة و القيادة لعام 2016
الإثنين ديسمبر 28, 2015 8:02 pm من طرف shima salah

» دورات الهندسة الكهربائية والميكانيكية لعام 2016
الأحد ديسمبر 27, 2015 6:58 pm من طرف shima salah

» دورة التميز فى المشتريات ,العطاءات ,اختيار الموردين والتفاوض 2016
الإثنين نوفمبر 16, 2015 10:50 pm من طرف shima salah

» التميز في التخطيط ورسم الخرائط الإستراتيجية وتطبيقات EFQM
الأربعاء أكتوبر 21, 2015 9:53 pm من طرف shima salah

صحف سودانية وعربية

السبت نوفمبر 30, 2013 11:34 pm من طرف طارق حمزة

صحف سودانية وعربية
http://www.i2arabic.com/newspapers/sudan

تعاليق: 0

شبكة الجزيرة

الأربعاء أبريل 24, 2013 3:32 pm من طرف طارق حمزة

شبكة الجزيرة
http://www.aljazeera.net/portal

تعاليق: 0

قناة النيل الازرق

الأربعاء أبريل 24, 2013 3:25 pm من طرف طارق حمزة

قناة النيل الازرق
http://bnile.tv/

تعاليق: 0

شبكة الشروق

الأربعاء أبريل 24, 2013 2:59 pm من طرف طارق حمزة

شبكة الشروق
http://www.ashorooq.net/

تعاليق: 0

تلفزيون السودان

الأربعاء أبريل 24, 2013 2:57 pm من طرف طارق حمزة

تلفزيون السودان
http://www.sudantv.net/

تعاليق: 0

صحيفة الانتباهة

الأربعاء أبريل 24, 2013 2:50 pm من طرف طارق حمزة

صحيفة الانتباهة
http://alintibaha.net/portal/

تعاليق: 0

اذاعة كدنتكار

الجمعة يونيو 22, 2012 2:04 am من طرف طارق حمزة

أذاعة كدنتكار
http://www.nubianradio.net/#jacommentid:707

تعاليق: 0

تصويت

البدري ومشي الحضري بمشي متين ..!!

استعرض الموضوع السابق استعرض الموضوع التالي اذهب الى الأسفل

البدري ومشي الحضري بمشي متين ..!!

مُساهمة من طرف ناصر محمد ابراهيم في الإثنين مايو 30, 2011 2:14 pm

انعقد مجلس المريخ لمناقشة تداعيات الاستقالة (الهاتفية ) لحسام البدري .. عليكم الله شفتو ليكم مدرب بستقيل بالتلفون .. الغريبة انو مجلس المريخ زاتو مقتنع بانو الاستقالة حقيقة لكن لمزيدا من تغبيش الحقائق قال ما معترف بهذه الاستقالة الا تكون مكتوبة ومن حسام شخصيا .. طيب حسام زاتو وين عشان يكتب ليكم الاستقالة ده مدرب لم يحترم مجلسكم وفضل ان ينقل ليكم خبر استقالته عن طريق (وسيط) هو عماد النحاس عليكم الله دايرين بيهو شنو ..!
البدري في تصريح ليهو في (بوابة الاهرام ) قال انو استقال من تدريب المريخ وما برجع للمريخ تاني وقال بصريح العبارة عندو مرتب ثلاثة شهور ما ادهو ليهو وكشف عن المبلغ الحقيقي للتعاقد (15الف دولار ) كاش ومبلغ اخر تحت التربيزة من رئيس المريخ شخصيا .. في ناس قالو المبلغ التحت التربيزة 25 الف دولار ده كلو عشان موضوع الضرائب وكدا .. !
احسن حاجة في الاستقالة انها كشفت مبلغ التعاقد بين المريخ والبدري وهو راتب شهرين (30 الف دولار ) والتعاقد ده رفض البدري التصريح به في المؤتمر الصحفي الذي عقده مجلس المريخ لاعلان التوقيع مع البدري وده الخلي اخونا محمد جعفر قريش يستقيل من مجلس المريخ وقريش والله ليهو الف امين عام للمجلس اخر من يعلم بحضور المدرب .. وامين عام للمجلس يدسو منو تفاصيل العقد والله دي قبل كده ما سمعينا بيها اصلا اها هسي براكم كشفتو العقد الحقيقي لكن التحت تحت دي الله وحده العالم يكون البدري بياخد راتب كم ..!
ماعلينا مجلس الافتاء .. اسف مجلس المريخ انعقد وبدلا من الذهاب مباشرة لفيفا بحسب ما صدر قال ايه قال انهم بدو البدري مهلة حتي السابع من يونيو وبعد كده بمشو الفيفا .. والفيفا دي ذكرتني موضوع الحضري ااااي الحضري سالوه امبارح في احدي الصحف المصرية وقالو ليهو تاني بترجع المريخ بعد استقالة حسام البدري وطاقمه المعاون قال كلام غريب جدا .. قال انو بفكر في موضوع المريخ ده بعد نهاية مباراة المنتخب المصري والجنوب افريقي الاحد المقبل .. عليكم الله ده يقولو عليهو هسي لاعب مسجل في كشوفات المريخ يقول بفكر في انو يرجع للمريخ او ما يرجع بعد مباراة منتخب مصر مع جنوب افريقيا ..!
كل الدلائل تشير الي ان الحضري لن يعود للمريخ من جديد وسيأكل بعقول اهل المريخ حلاة عن طريق وكيل اعمالو يعني ممكن يجيب ليهو اي عرض من اي فريق ويمشي طوالي وبعدين ناس المريخ عادي ممكن يقولا ان العرض بلغ مثلا 3 مليون دولار ويكون في الحقيقة 300 الف دولار بس ديل زورو في التاريخ زاتو خليك من عرض الحضري .. مش الاعلام الاحمر قال انو المريخ اذا فاز في كل مباريات القسم الاول من الممتاز بكون حقق المعجزة .. اي والله موضوع العلامة الكاملة والجودة الشاملة ما تقولو نستيهو خلينا كدي من موضوع العلامة الكاملة دي .. نرجع لموضوع البدري تاني .. الاعلام الاحمر الذي ساند البدري في عملية الانضابط التي فرضها والتي جعلت نصف الفريق متذمرا منها قال عنها البدري في بوابة الاهرام العجب .. قال انو تلك السياسة ما كانت عاجبة اعضاء المجلس .. واعضاء المجلس في اي تصريحات لهم يشيدوا بحالة الانضباط التي فرضها البدري هسي نصدق منو يعني .. نصدق البدري (الهارب ) ام نصدق مجلس المريخ الما قادر يتخذ ليهو قرار واضح في شان المدرب ..!
معقول يا جماعة 14 عضو اسف .. 12 عضو اذا طلعنا قريش لانو( زعلان )ومسافر ال12 عضو ديل ما قادرين يتخذو قرار يحفظ للمريخ هيبته ؟
والله انا لو في محلهم طوالي اطلع قرار واقول فيهو البدري ده لو بقي مورينهو تاني ما يدرب المريخ شنو يدهو مهلة لحدي السابع من يونيو اها بعد السابع من يونيو لو ما جا تاني تقعدوا عشان تقرروا تعملوا شنو عليكم الله ده كلام ده..!
خليكم واضحين من هسي وشوفو ليكم مدرب يقود فريقكم في القسم التاني من الممتاز وبرضو عشان ما انسي في فترة التسجيلا شوفو ليكم حارس مرمي لنو الحضري ده تاني ما بجي .. يجي يسوي شنو يعني فريقكم من البطولة الافريقية طار .. والبدري طار .. والنحاس طار معاهو .. وطارق سليمان زاتو طار والحضري مشكلتو مع النادي الاهلي وحلاها تاني البجيبو ليكم شنو معقول يجي ليكم عشان يسافر معاكم الحصحيصا ووكادقلي وعطبرة وشندي انتو براكم قلتو ده احسن حارس في افريقيا اها بعد كده ما في اي سبب يخليهو يجي يلعب في الدوري السوداني لانو عارف المحصلة النهائية فيهو شنو الهلال البطل وكدا اها يجي يسوي شنو تاني ..!
طيب تاني الاعلام السالب بقدر عن يتكلم عن الانضابط انا خائف يجيهم مدرب يطرد ليهم الباشا وسفاري وباسكال وساكوها يا تري برضو بشيدو بيهو اصلا الحضري ما بجي تاني وحتي ناس بلة جابر بتاع (البوفيه المفتوح )وموسي الزومة زاتو بجوا راجعين مش البدري خلاص باي باي ..!

اخيرا اخيرا ..!

سياسية الانضابط التي فرضها البدري و(عارضهاالمجلس ) وايدها الاعلام الاحمر هسي بقت ليهم غصة في حلوقهم يعني يعملوا شنو ما عارفين .. الغريبة انو البدري بعد ما كان في نظرهم مبعوث العناية الالهية للانضباط بات الان عندهم مجرد مدرب هارب .. اخونا احمد محمد احمد بالامس قال انو في العب مريخي قال ليهو فاروق جبره احسن من البدري طيب يا احمد الكلام ده كان زماااان وين ما كان تقولو من زمان جاي تقولو هسي بعد عملية الهروب الكبير للبدري وجماعته .. الم اقل لكم ان الوالي كان صادقا عندما وصف الاعلام الاحمر بانه اعلام (سالب ) ..!
خليكم من احمد مزمل ابوالقاسم امبارح كشف انو الوالي قال للبدري النحاس ده ما دايرنو طيب من زمااااان ما قلتو كده ليه .. يعني كلام البدري بالتدخل في شغله كلام صاح وما عافين تاني الممكن ينكشف شنو ..!
انا خائف اخونا بابكر سلك بكرة يكتب لينا انومرتب البدري وصل لي 50 الف دولار قبل ما يطلع علينا ياسر المني ويكشف عن خلافات حادة كانت بين البدري وعادل ابوجريشة وده كلو جائز في ظل هذا الاعلام السالب ..1

اخيرا جدا ..!

الحمد لله في الهلال نحن مرتاااااااحين جدا .. استقرار علي مستوي الجهاز الفني .. وعلي مستوي مجلس الادارة .. وخيارتنا كتيرة في التسجيلات .. وعشرة من نجومنا في المنتخب الوطني .. وضامنين انو الدوري بنشيلو مش عندنا مباراة مع (الوصيف ) وين في المقبرة كمان والفارق 3 نقاط بس بامر(التزري ) الماهر سولي شريف ..بس قولو ماشاء الله ما تسحرونا ..!
رسالة ظريفة وصلتني من احد الاهلة قال فيها : يا استاذ انشاء الله الحضري ما يكون نسي جلابية سولي شريف في السودان قبل السفر للقاهرة ولو نساها عليكم الله لازم ترسلوها ليهو للذكري وختم بقوله :
اذهبوا فانتم الطلقاء ..!!

ناصر محمد ابراهيم

ذكر عدد الرسائل : 650
العمر : 39
الموقع : السعودية - جدة
العمل/الترفيه : مهندس
السٌّمعَة : 2
نقاط : 1510
تاريخ التسجيل : 02/03/2009

معاينة صفحة البيانات الشخصي للعضو http://www.google.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى