وينكم يا رجال المحس

من طرف أم أواب الجمعة سبتمبر 04, 2009 2:50 am

وينكم يا رجال المحس يكاد يكون عنوان مستفز لأهلي الغالين المحس. لكن برجع تاني وبقول وينكم، وينكم من بناتكم البيطلعوا من البيت قدامكم والواحدة تكون لابسة هدوم أخير عدمها، وحاولت كم مرة أتناقش مع القريبات مني كأخت كبيرة وانصحهم بالزي الاسلامي لكن لقيت منهم النفور والمقاطعة، وبعضهم قال لي بالواضح أنا أبوي وأخوي ما سألوني جاية انتي تسأليني، عشان كدة اللوم ما عليها، اللوم على المروة الاتعدمت والراجل القاعد وشايف بنته بتطلع الشارع بالضيق والشفاف وما يرجعها ولا يقول ليها امشي غيري ملابسك دي، ودة كله كوم والبلوزة الفوق السرة كوم. وتنسى البنت انها لمن تجي تركب المواصلات ولا تدنقر بتكون بطنها في الشارع، والله منظر مؤسف. ودي مسؤليتنا كلنا الأخوان والخيلان والأعمام والعمات والخالات، يعني لو أنا شفت بنت عمتي ولا خالتي بالمنظر دة وقلت أنا مالي أمها تسالها أكيد الحكاية حتبوظ لأنه قد تكون الأم زيها ولازم يكون في زول يغيرهم كلهم ودة دورنا كأهل إننا نستر بناتنا في الزمن العجيب دة. وسامحوني يا أهلي العزاز ما قصدي استفزكم أو أهين رجولتكم والله والله غرضي شريف وربنا يقدرنا على فعل الخير.
بنتكم واختكم وخالتكم وعمتكم مواهب فاروق عبد الجليل

من طرف مصطفى فاروق الإثنين سبتمبر 07, 2009 3:46 pm

اهني من كل قلبي الاخت مواهب فاروق والله الناس الاطلعو على الموضوع دة اتجرسو والله يديك الف الف الف عافية والوالد يرسل تحياته ليك ولي كل الاهل وبيقول بالجد كنا محتاجين موضوع زي دة Sad

من طرف **طارق حمزة** الإثنين سبتمبر 07, 2009 6:36 pm

نعم مواهب ... حقاً على مسمى ... الاخت مواهب فاروق نرحب بكي ترحيباً حاراً ونعلم جيداً قدراتكي الابداعية منذ نعومة اظافركي وكنتي رائدة في العمل الطلابي والشبابي ... واليوم نتمنى أن تتسع صفحات منتدياتنا لنزف قلمكي لطرح مواضيع قيمة وجادة وبكل صدق هذا الموضوع يحتاج منا جمعيا الى وقفة حقيقية لتصحيح مسيرتنا الاجتماعية والاخلاقية ... نعم اختي مواهب انتي بهذه البادرة الرائعة لامستي ووضعتي يدكي مباشرة على الجرح وبالتأكيد نحن محتاجين لمثل هذه المصارحة والمكاشفة عبر منتدياتنا الاقليمية والمتخصصة وصولاً لبؤرة الحقيقة ومعالجة كافة الاشكالات بمنهج علمي وموضوعي بعيدا عن شخصنة الامور والنقد الهادم ... اختي مواهب فلنتكاتف جمعيا ونمضي الي الامام نحو الغايات السامية واعدكي سوف نكون يداً واحدة حتى نزيل هذه الظواهر الشاذة ومثيلاتها من مجتمعاتنا ... ولكي كل التقدير اسرة المنتدى طارق حمزة

من طرف أم أواب الجمعة سبتمبر 11, 2009 5:16 am

والدي العزيز يديك العافية ويخليك لينا ودة الربيتنا عليه والعودتنا عليه و.شكرا يا مصطفى فاروق. و لك الشكر الجزيل يا أخ طارق حمرة وحمستني وأكيد حتلقوا مني مشاركات بس لو اتاخرنا ما تقولوا نسيناكم خاصة الأيام دي زحمة الامتحانات في السودان ودوشة العيد وكل سنة وانتو طيبين

الأخت مواهب لك التحية والتقدير

أكثر ما أعجبني في موضوعك هو الواقعية في مناقشتك لواقعنا المرير والشي الثاني جرأتك في الطرح ومثل هذا الأسلوب الذي يصل للب القضية هو المطلوب وفعل ما أصابنا في ديننا إلا ذاك الانهيار الاسرى والانحطاط الأخلاقي في مجتمعاتنا فالأسرة هي قوام المجتمع وخليته الأولى والتي قوامها الأب وألام ( إما أن ييهدانه او ينصرانه) فاليوم الذي نسمح فيه الاسرة لابنه او الابن بالبس العاري الغربي وليتشبه بهم بحجة الحضارة غدا ستسمح لهم باعتناق دينهم و الأمر جد خطير لقد انسلخ الناس عن دينهم وعاداتهم وتقاليدهم أين أخوات نسيبة وحفيدات عائشة ام المؤمنين اين نخوة عمر الفاروق ولماذا قدم شهدانا ابو دجانه وعبيد ختم ووداعة الله ابراهيم والعقد الفريد يطول قدموا أرواحهم من اجل أن تسود دولة الدين والشريعة وليس من اجل ان يصعد المنابر ياسر هرمان وباقون مون المنابر ويتبجحون بنقض حدود الله يدافعون عن صحفية عارية (منى) باسم الحرية مالكان لهذه الثعالب عندما كانت في الغابة الا ان تبول في فمها هي وليس في فم الإنقاذ ولكن هذا زمانك يا مهازل فمرحي .......

ود الدوم

وينكم يا رجال المحس

وينكم يا رجال المحس

وينكم يا رجال المحس

رد: وينكم يا رجال المحس

رد: وينكم يا رجال المحس

رد: وينكم يا رجال المحس